ଉଦଳା ୦୩।୦୧: ଝୁଲନ୍ତା ମୃତଦେହ ଉଦ୍ଧାର । ମୟୂରଭଞ୍ଜ ଜିଲ୍ଲା ଖୁଣ୍ଟା ଥାନା ରାଇକାଳି ଗାଁ ନିକଟରେ ଥିବା ଏକ ଗଛରୁ ଯୁବକଙ୍କ ମୃତଦେହ ଉଦ୍ଧାର କରିଛି ପୋଲିସ । ମୃତକ ସ୍ଥାନୀୟ ସିମଗାଡିଆ ଗାଁର ଶ୍ରୀଧର ଧାଉଡିଆ ବୋଲି ଜଣାପଡିଛି ।
{"id":206152,"sizeSlug":"large"}ସୂଚନାଯୋଗ୍ୟ ଯେ, ଶୁକ୍ରବାର ମୟୂରଭଞ୍ଜ ଜିଲ୍ଲା ଖୁଣ୍ଟା ଥାନା ରାଇକାଳି ଗାଁ ନିକଟ ରାସ୍ତାକଡରେ ଥିବା ବିଲ ମଧ୍ୟରେ ଥିବା ଗଛରୁ ଜଣେ ଯୁବକର ମୃତଦେହ ଉଦ୍ଧାର କରାଯାଇଛି । ଯୁବକଙ୍କୁ ଝୁଲୁଥିବା ଅବସ୍ଥାରେ ସ୍ଥାନୀୟ ଲୋକେ ଦେଖିବା ପରେ ପୋଲିସକୁ ଖବର ଦେଇଥିଲେ । ପୋଲିସ୍ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ତେବେ ଶ୍ରୀଧରଙ୍କ ମୃତଦେହ ଯେଉଁ ଗଛରୁ ଉଦ୍ଧାର କରାଯାଇଛି, ତାହାର ଅନେକ ଦୂରରେ ତାଙ୍କ ସାଇକେଲ ପଡିଥିବା ଦେଖବାକୁ ମିଳିଛି ।
{"id":206157,"sizeSlug":"large"}ତେବେ ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ଏହା ଆତ୍ମହତ୍ୟା ବୋଲି ପୋଲିସ ସନ୍ଦେହ କରୁଛି । ଅନ୍ୟପଟେ ଶ୍ରୀଧରଙ୍କ ସଂପର୍କୀୟ କହିବାନୁସାରେ, ଗତକାଲି ସନ୍ଧ୍ୟା ସମୟରେ ସେ ଘରୁ ବାହାରି ଆସିଥବା ବେଳେ ଆଉ ଘରକୁ ଫେରି ନଥିଲେ । ତେବେ କିଛି ପାରିବାରିକ କଳହ କୁନେଇ ଆତ୍ମହତ୍ୟା କରିଥିବା ସନ୍ଦେହ ମଧ୍ୟ କରାଯାଉଛି । ତଦନ୍ତ ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ପୋଲିସ କହିଛି ।