ମୁମ୍ଵାଇ ୦୬।୦୧: ସାଉଥ ସୁପରଷ୍ଟାର ଥଲାପତି ବିଜୟ। ବର୍ତ୍ତମାନଙ୍କ ତାଙ୍କ ବିଷୟରେ ଏକ ବଡ ଖବର ସାମ୍ନାକୁ ଆସୁଛି । ତାହା ପୁଣି ଫିଲ୍ମକୁ ନେଇ ନୁହେଁ ବରଂ ପର୍ସନାଲ ଲାଇଫ୍କୁ ନେଇ। କୁହାଯାଉଛି କି ବିଜୟ ଏବଂ ତାଙ୍କ ପତ୍ନୀ ସଂଗୀତଙ୍କ ଦାମ୍ପତ୍ୟ ଜୀବନରେ କିଛି ଭଲ ଚାଲିନାହିଁ। ଯେଉଁଥିପାଇଁ ଏହି ଷ୍ଟାର ଦମ୍ପତି ଅଲଗା ହୋଇପାରନ୍ତି। ଥଲାପତି ବିଜୟ ଏବଂ ସଂଗୀତକୁ ତାମିଲ ଚଳଚ୍ଚିତ୍ର ଇଣ୍ଡଷ୍ଟ୍ରିର ପାୱାରଫୁଲ୍ କପଲ ଭାବେ ବିବେଚନା କରାଯାଏ। ଉଭୟଙ୍କ ବିବାହକୁ ପ୍ରାୟ ୨୪ବର୍ଷ ବିତିଯାଇଛି। ଏଭଳି ପରିସ୍ଥିତିରେ ଏହି ଷ୍ଟାର ଦମ୍ପତିଙ୍କ ଛାଡପତ୍ର ଖବର ଇଣ୍ଡଷ୍ଟ୍ରିରେ ଏକ ଅଡୁଆ ସୃଷ୍ଟି କରିଛି।
ବର୍ତ୍ତମାନ ପିଙ୍କଭିଲ୍ଲାର ଏକ ରିପୋର୍ଟରେ କୁହାଯାଇଛି କି ଏହି ଖବର ପୁରାପୁରି ଭୁଲ୍ । ଖବର ଭାଇରାଲ ହେବା ପରେ ବିଜୟ ଏବଂ ସଂଗୀତାଙ୍କ ନିକଟ ସୂତ୍ର କହିଛି ଯେ ବିଜୟ ଏବଂ ସଂଗୀତଙ୍କ ଛାଡପତ୍ର ଖବର ଭିତ୍ତିହୀନ। ଏହା କେଉଁଠାରୁ ଆରମ୍ଭ ହେଲା କେହି ଜାଣନ୍ତି ନାହିଁ । ନିକଟରେ ତାଙ୍କ ପତ୍ନୀ ସଙ୍ଗୀତା ବିଜୟଙ୍କ ଆଗାମୀ ଚଳଚ୍ଚିତ୍ର ଭାରିସୁର ଅଡିଓ ଲଞ୍ଚରେ ଉପସ୍ଥିତ ନଥିବାବେଳେ ନିର୍ଦ୍ଦେଶକ ଅଟଲେ କୁମାରଙ୍କ ଗର୍ଭବତୀ ପତ୍ନୀ ପ୍ରିୟଙ୍କ ବେବି ସାୱାର ପାର୍ଟୀରେ ମଧ୍ୟ ଆସି ନଥିଲେ। ଯାହା ପରେ ଏହି ଖବର ପ୍ରସାରିତ ହୋଇଥିଲା। କିନ୍ତୁ କହିବାକୁ ଗଲେ ସେ ପିଲାମାନଙ୍କ ସହ ଆମେରିକାରେ ଛୁଟି କାଟୁଥିଲେ। ଏହି କାରଣରୁ ବିଜୟ ଏବଂ ସଙ୍ଗୀତାଙ୍କୁ ଏକାଠି ଦେଖିବାକୁ ମିଳି ନ ଥିଲା। ଖୁବ୍ ଶୀଘ୍ର ବିଜୟ ମଧ୍ୟ ତାଙ୍କ ପରିବାରକୁ ଭେଟିବାକୁ ଆମେରିକା ଯିବେ । ହେଲେ କେେ ଯିବେ ତାହା ଉପରେ କୌଣସି ବିବୃତ୍ତି ମିଳି ନାହିଁ ।
ସାଉଥ ସୁପରଷ୍ଟାର ବିଜୟ ଏବଂ ସଂଗୀତ ପରସ୍ପର ସହିତ ପ୍ରେମ ବିବାହ କରିଥିଲେ। ସଂଗୀତ ସୁପରଷ୍ଟାର ବିଜୟଙ୍କ ଜଣେ ବଡ଼ ପ୍ରଶଂସକ ଥିଲେ। ଯିଏ ବିଜୟଙ୍କୁ ଭେଟିବା ପାଇଁ ଲଣ୍ଡନରୁ ଚେନ୍ନାଇ ଆସିଥିଲେ। ସଂଗୀତା ହେଉଛି ଶ୍ରୀଲଙ୍କନ ତାମିଲ ଏବଂ ତାଙ୍କ ପିତା ଜଣେ ବଡ ବ୍ୟବସାୟୀ ଥିଲେ। ଏପରି ପରିସ୍ଥିତିରେ, ଯେତେବେଳେ ଉଭୟ ତାରା ପ୍ରଥମ ଥର ପାଇଁ ଭେଟିଲେ। ଏହା ବନ୍ଧୁତ୍ୱରେ ପରିଣତ ହୋଇଥିଲା ପରେ ଦୁହେଁ ପରସ୍ପରକୁ ବିବାହ କରିଥିଲେ।
