Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଶିକ୍ଷା ନାହିଁ କି ଯୋଗ୍ୟତା ନାହିଁ, ଏବେ ହେଲେ ଆଫଗାନୀ ବ୍ୟାଙ୍କଗୁଡିକର ମୁଖିଆ, ଜାଣନ୍ତୁ ସେ କିଏ ?

24/08/2021 at 3:07 PM

ନୂଆଦିଲ୍ଲୀ ୨୪।୦୬: ଆଫଗାନିସ୍ତାନରେ ସରକାର ଗଢିବାକୁ ସଜବାଜ ହେଉଛି ତାଲିବାନ। ଦେଶର ନୀତିକୁ ଧୀରେ ଧୀରେ ତାଲିବାନ ବଦଳାଇବାରେ ଲାଗିଛି । ଏହିକ୍ରମରେ ସୋମବାର ଦିନ ତାଲିବାନ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି ।  ଆଫଗାନିସ୍ତାନର ସେଣ୍ଟ୍ରାଲ ବ୍ୟାଙ୍କର ଜଣେ ନୂଆ କାର୍ଯ୍ୟକାରୀ ଗଭର୍ଣ୍ଣର ଭାବେ ନିଯୁକ୍ତି କରିଛି ତାଲିବାନ । ହାଜି ମହମ୍ମଦ ହଦରୀସଙ୍କୁ ଏହି ଦାୟିତ୍ୱ ଦିଆଯାଇଛି ।  ଆର୍ଥିକ ସଂକଟ ଦେଇ ଗତି କରୁଥିବା ଆଫଗାନିସ୍ତାନର କେନ୍ଦ୍ରୀୟ ବ୍ୟାଙ୍କର ସମସ୍ତ କାର୍ଯ୍ୟକୁ ତଦାରଖ କରିବେ ହଦରୀସ ।

ତେବେ ତାଲିବାନ ସଂଗଠନ ଯେଉଁ ହାଜୀ ମହମ୍ମଦ ହଦରୀସଙ୍କୁ କେନ୍ଦ୍ରୀୟ ବ୍ୟାଙ୍କର ଦାୟିତ୍ୱ ଦେଇଛି । ସେ ବହୁ ସମୟ ଧରି ତାଲିବାନୀ ନେତା ଥିବା ମୁଲ୍ଲା ଅଖତର ମଂସୁରର ଆର୍ଥିକ ଗତିବିଧି କାର୍ଯ୍ୟକୁ ଦେଖାଶୁଣା କରୁଥିଲା । ୨୦୧୬ରେ ଅଖତାର ମଂସୁର ଏୟାରଷ୍ଟ୍ରାଇକ୍‌ରେ ନିହତ ହୋଇଥିଲା ।

ମହମ୍ମଦ ଇଦରୀସ୍‌ ନିକଟରେ କୌଣସି ଇଚଶିକ୍ଷା ଅଛି ନା କୌଣସି ଅର୍ଥନୈତିକ କାର୍ଯ୍ୟ ନେଇ କୌଣସି ଅଭିଜ୍ଞତା ଅଛି । ଦୀର୍ଘ ସମୟ ଧରି ତାଲିବାନର ଆର୍ଥିକ କାରବାରକୁ ବୁଝାସୁଝା କରୁଥିଲେ । ଏହାକୁ ଲକ୍ଷ୍ୟ କରି ତାଲିବାନ ତାଙ୍କ ଉପରେ ଏହି ଭରସା କରିଛି । ମହମ୍ମଦ ଇଦରୀସ ପାଠ ପଢିନାହିଁ ଅବଶ୍ୟ କିନ୍ତୁ ତାଙ୍କ ନିକଟରେ କାମ କରିବାର ସାମର୍ଥ ଅଛି ବୋଲି ତାଲିବାନୀ ସଂଗଠନ କହିଛି । ସେଥିଲାଗି ତାଙ୍କୁ ଏହି ଦାୟିତ୍ୱ ଦିଆଯାଇଛି ।

ସୂଚନାଯୋଗ୍ୟ ଯେ, ଆଫଗାନିସ୍ତାନରେ ତାଲିବାନ କବ୍‌ଜା କରିଛି । ତାଲିବାନକୁ ଅନେକ ଦେଶ ଆତଙ୍କୀ ସଂଗଠନ ଭାବେ ମାନୁଛନ୍ତି । ଏହାକୁ ଆଫଗାନିସ୍ତାନକୁ ମିଳିବାକୁ ଥିବା ଆର୍ଥିକ ସହାୟତାକୁ ଅନେକ ଦେଶ ବନ୍ଦ କରିଦେଇଛନ୍ତି । ଏଥିପାଇଁ ତାଲିବାନ ଏବେ ଦେଶ ଚଳାଇବାକୁ ହେଲେ ଅଧିକ ଟଙ୍କାର ଆବଶ୍ୟକ ରହିଛି । ଏହି ସମସ୍ୟାକୁ ଦୂର କରିବା ପାଇଁ ମହମ୍ମଦ ଇଦରୀସଙ୍କୁ  ଏଭଳି ଦାୟିତ୍ୱ ଦିଆଯାଇଛି ।  

   Related Posts