Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ: ଲାଞ୍ଚ ନେଇ ନିଲମ୍ୱିତ ହେଲେ ରାଜସ୍ୱ ନିରୀକ୍ଷକ, କହିଥିଲେ ମୋ ମୁଣ୍ଡର ଦାମ୍‌ କଣ ୨୦୦ ଟଙ୍କା ?
  • ||
  • ବାରିପଦା:ସରକାରୀ ବସଷ୍ଟାଣ୍ଡ ସମ୍ମୁଖରେ ଭୟାବହ ଅଗ୍ନିକାଣ୍ଡ, ୪ ଦୋକାନ ଓ ହୋଟେଲ ଭସ୍ମୀଭୂତ
  • ||

ଇଟାଲୀୟ ପ୍ରେରଣା ? ଗୁରୁଗ୍ରାମ ବାସିନ୍ଦା ବାଲକୋନୀରୁ କରୋନାରୁ ରକ୍ଷା ପାଇବା ପାଇଁ ଗାଇଲେ ‘ଗାୟତ୍ରୀ ମନ୍ତ୍ର’

18/03/2020 at 9:44 PM

ଗୁରୁଗ୍ରାମ ୧୮।୦୩: ବହୁ ଦିନ ପରେ ଇଟାଲୀୟ ପରିବାରର ସଦସ୍ୟ ନିଜ ବାଲକୋନୀରୁ ପଡ଼ୋଶୀମାନଙ୍କ ସହିତ ଗୀତ ଗାଇବାର ଦୃଶ୍ୟ ଭାଇରାଲ ହେବା ପରେ ଗୁରୁଗାଓଁର ଏକ ହାଉସିଂ କମ୍ପ୍ଲେକ୍ସର ବାସିନ୍ଦା ମଧ୍ୟ ଏହି ପରି କିଛି ଚେଷ୍ଟା କରୁଥିବା ଦେଖିବାକୁ ମିଳିଛି। ଉଲ୍ଲେଖନୀୟ ବୁଧବାର ଦିନ ଭାରତରେ ପଜିଟିଭ୍ କରୋନାଭାଇରସ୍ ସଂଖ୍ୟା ୧୪୦ ଅତିକ୍ରମ କରି ସାରିଛି। ଏବେ  ଏପରି ମନେ ହେଉଛି ଯେ ଅନେକ ଭାରତୀୟ ସେଲ୍‌ଫ କ୍ଵାରାଣ୍ଟାଇନ ଗ୍ରହଣ କରିବା ଆରମ୍ଭ କରି ଦେଇଛନ୍ତି।

ହରିୟାଣାର ଗୁରୁଗାଓଁର ଏକ ହାଉସିଂ କମ୍ପ୍ଲେକ୍ସର ଭିଡିଓ ଭାଇରାଲ ହୋଇଛି। ଏଥିରେ ବାସିନ୍ଦା, ବିଶେଷକରି ଘରର ମହିଳାମାନେ, ସେମାନଙ୍କର ଝରକା ଏବଂ ବାଲକୋନୀରୁ ହିନ୍ଦୁ ଧାର୍ମିକ ଜପ “ଗାୟତ୍ରୀ ମହା ମନ୍ତ୍ର” ଗାଉଥିବାର ଦେଖିବାକୁ ମିଳୁଛି। ସେମାନେ ସୁସଂଗଠିତ ଭାବେ ପ୍ରାର୍ଥନା ଘଣ୍ଟି ସହିତ ଗୀତ ଗାଉଥିବା ଭିଡିଓରେ ଦେଖିବାକୁ ମିଳିଛି।

କିନ୍ତୁ ଗୁରୁଗାଓଁର ଉକ୍ତ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଅନେକ ଏହାକୁ ପସନ୍ଦ କରିଥିଲେ। ମାତ୍ର ଗୁରୁଗାଓଁର ଭାଇରାଲ ହୋଇଥିବା ଏହି ଭିଡିଓକୁ ଅନେକ ୟୁଜର୍ସ ଏହାକୁ କେବଳ ପ୍ରଚାରର ମାଧ୍ୟମ ବୋଲି କହିଛନ୍ତି। ଗୁରୁଗାଓଁର ଅବସ୍ଥା ସଂପ୍ରତି ଇଟାଲୀ ପରି ନୁହଁ ବୋଲି କହିଛନ୍ତି।

କିଛି ଘଣ୍ଟା ପୂର୍ବରୁ ଜଣେ ସାମ୍ବାଦିକ ଟ୍ୱିଟରରେ ସେୟାର କରିଥିବା ଏହି ଭିଡିଓ ଭାଇରାଲ ହୋଇସାରିଛି।  ଅନେକ ଲୋକ ସଚେତନ ହେବା ଏବଂ ଆତ୍ମନିର୍ଭରଶୀଳ କରିବା ପାଇଁ ଅଧିବାସୀଙ୍କୁ  ଏହି ପ୍ରୟାସକୁ ପ୍ରଶଂସା କରିବା ସହିତ କ୍ଵାରାଣ୍ଟାଇନ ହିଁ କରୋନା ଭୂତାଣୁରୁ ରକ୍ଷା ପାଇବାର ଏକ ମାତ୍ର ଉପାୟ  ବୋଲି କୁହାଯାଉଛି।

ଉଲ୍ଲେଖଯୋଗ୍ୟ, ସମଗ୍ର ଦୁନିଆରେ କରୋନା ଭୂତାଣୁରେ ୮ ହଜାରରୁ ଅଧିକ ଲୋକଙ୍କ ପ୍ରାଣହାନୀ ଘଟି ସାରିଛି। ଏହାକୁ ବ୍ୟାପିବାରୁ ରୋକିବା ଲାଗି ସମଗ୍ର ବିଶ୍ଵର ଦେଶ ଅନେକ ମହତ୍ଵପୂର୍ଣ୍ଣ ପଦକ୍ଷେପ ନେଉଛନ୍ତି। ଲୋକଙ୍କୁ ସଚେତନ କରାଉଛନ୍ତି।

   Related Posts