scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବିଚାରପତିଙ୍କ ପତ୍ନୀ ଏବଂ ପୁଅକୁ ଗୁଳିମାଡ ଘଟଣା ; ଗୁଳିମାରିଥିବା ହେଡ୍ କନେଷ୍ଟେବଳ ମହିପାଲଙ୍କ ଝିଅ ଅସୁସ୍ଥ ଥିବା ସତ୍ତ୍ବେ ସେଦିନ ତାକୁ ଛୁଟି ଦେଇନଥିଲେ ବିଚାରପତି

17/10/2018 at 1:10 PM

ଗୁରୁଗ୍ରାମ ୧୭।୧୦: ଗୁରୁଗ୍ରାମରେ ବିଚାରପତିଙ୍କ ବ୍ୟକ୍ତିଗତ ସୁରକ୍ଷାକର୍ମୀ ତାଙ୍କ ପତ୍ନୀ ଏବଂ ପୁଅକୁ ଗୁଳିମାଡ କରିବା ଘଟଣାରେ ଆଉ ଏକ ନୂଆ କଥା ପଦାକୁ ଆସିଛି । ଅଭିଯୁକ୍ତ ଗନର ମହିପାଲ ସିଂହ ଯାଦବଙ୍କ ଦାଦା ଦାନ ସିଂହ କହିଛନ୍ତି ଯେ,ମହିପାଲର ୭ବର୍ଷର ଝିଅ ଅସୁସ୍ଥ ଥିବାରୁ ଘଟଣା ଦିନ ସେ ବିଚାରପତି କୃଷ୍ଣକାନ୍ତଙ୍କୁ ଛୁଟି ପାଇଁ ଅନୁରୋଧ କରିଥିଲା। ମାତ୍ର ତାର ଅନୁରୋଧକୁ କୃଷ୍ଣକାନ୍ତ ଖାରଜ କରିଦେଇଥିଲେ । ତାଙ୍କ ପତ୍ନୀ ଏବଂ ପୁଅ ସପିଂରେ ଯିବା ବେଳେ ସେମାନଙ୍କୁ ସୁରକ୍ଷା ଯୋଗାଇଦେବା ପାଇଁ କହିଥିଲେ । ତେବେ ଏଥିପାଇଁ ସେ ତାଙ୍କ ପତ୍ନୀ ଏବଂ ପୁଅକୁ ଗୁଳିକରିଥାଇ ପାରେ ।

ସେହିପରି ପୋଲିସ ତଦନ୍ତ ବେଳେ ପୋଲିସକୁ ମଧ୍ୟ ଅଧିକ ସୂଚନା ମିଳିଛି । ଅଭିଯୁକ୍ତ ମହିପାଲ ଗୁଳିକାଣ୍ଡ ଘଟାଇବା ପୂର୍ବରୁ ସୋସିଆଲ ମିଡିଆରେ ରହସ୍ୟମୟ ପୋଷ୍ଟ କରିଥିବା ଜଣାପଡିଛି । ଗୁଳିକାଣ୍ଡ ପୂର୍ବ ଦିନ ରାତିରେ ମହିପାଲ କାଗଜରେ ବିନ୍ଦୁ କରି କିଛି ଲେଖିଥିଲା । ମାତ୍ର ତାଙ୍କୁ ପରେ ପେନ୍ ରେ କାଟିଦେଇଥିଲା । ପୋଲିସ ଏହାକୁ ରେକର୍ଡ କରିନେଇଛି । ପୋଲିସ ଏହି ଲେଖାରୁ ପତ୍ତା କରିବା ପାଇଁ ଚେଷ୍ଟା କରୁଛି ।  ଗୁଳିକାଣ୍ଡ ପାଇଁ ମହିପାଲ ପୂର୍ବରୁ କିଛି ଯୋଜନା କରିଥିଲା କି ନାହିଁ ତାହା ମଧ୍ୟ ଜାଣିବାକୁ ପୋଲିସ ଉଦ୍ୟମ କରୁଛି  । ମହିପାଲ କିଛି ଦିନ ପୂର୍ବରୁ ଜଣେ ଧର୍ମ ପରିବର୍ତ୍ତନକାରୀଙ୍କ ସଂସ୍ପର୍ଶରେ ଥିବା ମଧ୍ୟ ଜଣାପଡିଛି । ମହିପାଲ ଦେଢବର୍ଷ ହେବ ବିଚାରପତିଙ୍କ ବ୍ୟକ୍ତିଗତ ସୁରକ୍ଷାକର୍ମୀ ଭାବେ ରହିଥିଲା ।

ସୂଚନା ଅନୁସାରେ ଗୁରୁଗ୍ରାମ ସେକ୍ଟର ୪୯ ସ୍ଥିତ ଆର୍କଡିଆ ମାର୍କେଟର ଜନଗହଳିପୂର୍ଣ୍ଣ ସ୍ଥାନରେ ଗତ ୧୩ତାରିଖ ଦିନ ଅତିରିକ୍ତ ଜିଲ୍ଲା ଓ ଦୌରା ବିଚାରପତି କୃଷ୍ଣକାନ୍ତଙ୍କ ପତ୍ନୀ ଋତୁ (୪୫) ଏବଂ ପୁଅ ଧୃବ (୧୬) ସପିଂ ପାଇଁ ଯାଇଥିବାବେଳେ ମହିପାଲ ଗୁଳିମାଡ କରିଥିଲା । ପରେ ଅଭିଯୁକ୍ତ ସୁରକ୍ଷାକର୍ମୀ ମହିପାଲକୁ ପୁଲିସ ଗିରଫ କରିଥିଲା। ତେବେ ବିଚାରପତିଙ୍କ ପତ୍ନୀ ରିତୁଙ୍କର ମୃତ୍ୟୁ ହୋଇଯାଇଥିବାବେଳେ ପୁଅ ଧ୍ରୁବଙ୍କୁ ଡାକ୍ତର ବ୍ରେନ ଡେଡ୍ ଘୋଷଣା କରିଛି ।

   Related Posts