scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବିଚାରପତିଙ୍କ ପତ୍ନୀ ଏବଂ ପୁଅକୁ ଗୁଳିମାଡ ଘଟଣା ; ଚିକିତ୍ସାଧିନ ଅବସ୍ଥାରେ ବିଚାରପତିଙ୍କ ପୁଅ ଧ୍ରୁବଙ୍କର ମୃତ୍ୟୁ

23/10/2018 at 5:02 PM

ଗୁରୁଗ୍ରାମ ୧୭।୧୦: ଗୁରୁଗ୍ରାମରେ ବିଚାରପତିଙ୍କ ବ୍ୟକ୍ତିଗତ ସୁରକ୍ଷାକର୍ମୀ ଗୁଳିମାଡରେ ଗୁରୁତର ଆହତ ହୋଇଥିବା ବିଚାରପତି କୃଷ୍ଣ କାନ୍ତଙ୍କ ପୁଅ ଧ୍ରୁବଙ୍କର ଆଜି ମୃତ୍ୟୁ ହୋଇଛି । ଅକ୍ଟାେବର ୧୩ତାରିଖରେ ବିଚାରପତିଙ୍କ ପତ୍ନୀ ଏବଂ ପୁଅକୁ ଗୁଳି କରିଥିଲେ ତାଙ୍କ ବ୍ୟକ୍ତିଗତ ସୁରକ୍ଷାକର୍ମୀ । ତେବେ ବିଚାରପତିଙ୍କ ପତ୍ନୀ ରିତୁଙ୍କର ମୃତ୍ୟୁ ହୋଇଯାଇଥିବାବେଳେ ପୁଅ ଧ୍ରୁବଙ୍କୁ ଡାକ୍ତର ବ୍ରେନ୍ ଡେଡ୍ ଘୋଷଣା କରିଥିଲେ ।

ସୂଚନା ଅନୁସାରେ ଗୁରୁଗ୍ରାମ ସେକ୍ଟର ୪୯ ସ୍ଥିତ ଆର୍କଡିଆ ମାର୍କେଟର ଜନଗହଳିପୂର୍ଣ୍ଣ ସ୍ଥାନରେ ଗତ ୧୩ତାରିଖ ଦିନ ଅତିରିକ୍ତ ଜିଲ୍ଲା ଓ ଦୌରା ବିଚାରପତି କୃଷ୍ଣକାନ୍ତଙ୍କ ପତ୍ନୀ ଋତୁ (୪୫) ଏବଂ ପୁଅ ଧ୍ରୁବ (୧୬) ସପିଂ ପାଇଁ ଯାଇଥିବାବେଳେ ମହିପାଲ ସେମାନଙ୍କୁ ଗୁଳିମାଡ କରିଥିଲା । ପରେ ଅଭିଯୁକ୍ତ ସୁରକ୍ଷାକର୍ମୀ ମହିପାଲକୁ ପୁଲିସ ଗିରଫ କରିଥିଲା।

ପୋଲିସ ତଦନ୍ତ ବେଳେ ଅଭିଯୁକ୍ତ ମହିପାଲ ଗୁଳିକାଣ୍ଡ ଘଟାଇବା ପୂର୍ବରୁ ସୋସିଆଲ ମିଡିଆରେ ରହସ୍ୟମୟ ପୋଷ୍ଟ କରିଥିବା ଜଣାପଡିଥିଲା । ଗୁଳିକାଣ୍ଡ ପୂର୍ବ ଦିନ ରାତିରେ ମହିପାଲ କାଗଜରେ ବିନ୍ଦୁ କରି କିଛି ଲେଖିଥିଲା । ମାତ୍ର ତାଙ୍କୁ ପରେ ପେନ୍ ରେ କାଟିଦେଇଥିଲା । ପୋଲିସ ଏହାକୁ ରେକର୍ଡ କରିନେଇଥିଲା । ପୋଲିସ ଏହି ଲେଖାରୁ ପତ୍ତା କରିବା ପାଇଁ ଚେଷ୍ଟା କରୁଛି । ମହିପାଲ କିଛି ଦିନ ପୂର୍ବରୁ ଜଣେ ଧର୍ମ ପରିବର୍ତ୍ତନକାରୀଙ୍କ ସଂସ୍ପର୍ଶରେ ଥିବା ମଧ୍ୟ ଜଣାପଡିଛି । ମହିପାଲ ଦେଢବର୍ଷ ହେବ ବିଚାରପତିଙ୍କ ବ୍ୟକ୍ତିଗତ ସୁରକ୍ଷାକର୍ମୀ ଭାବେ ରହିଥିଲା ।

   Related Posts