Hari omm 2
hari om films
AKK 2023
AKK2023
HARI-OMM_728X90_B
Showcase2022
hari om films
WEB_F-8
WEB_F-9
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଗୁପକାରରେ ଫାଟ: ଜାମ୍ମୁ କାଶ୍ମୀରରେ ସମସ୍ତ ୯୦ଟି ଆସନରେ ଏକା ଲଢ଼ିବ ନ୍ୟାସନାଲ କନଫେରେନ୍ସ

25/08/2022 at 12:29 AM

ଶ୍ରୀନଗର ୨୪/୦୮: ଏଥର ଜମ୍ମୁ କାଶ୍ମୀରରେ ଆଗାମି ବିଧାନ ସଭା ନିର୍ବାଚନରେ ନ୍ୟାସନାଲ କନଫେରେନ୍ସ ଦଳ ଏକା ଲଢ଼ିବ। ବୁଧବାର ଏନେଇ ଦଳ ଘୋଷଣା କରିଛି। ଦଳ କହିଛି ଭବିଷ୍ୟତରେ ଯେବେବି ଜାମ୍ମୁ କାଶ୍ମୀରରେ ନିର୍ବାଚନ ହେବ ନ୍ୟାସ୍‌ନାସ କନଫେରେନ୍ସ ସମସ୍ତ ୯୦ ଟି ଆସନରେ ଏକା ଲଢ଼ିବ। ଏହା ସହିତ ନ୍ୟାସନାଲ କନଫେରେନ୍ସ ଗୁପକାର ଦଳରୁ ଓହରି ଯିବା ନେଇ ସ୍ପଷ୍ଟ କରିଛି।

ପାଞ୍ଚଟି ରାଜନୈତିକ ଦଳ ନ୍ୟାସନାଲ କନଫେରେନ୍ସ,, ପିଡିପି, ଅବାମି ନ୍ୟାସନାଲ କନଫେରେନ୍ସ,, ମାର୍କସବାଦି କମ୍ୟୁନିଷ୍ଟ ପାର୍ଟି ଓ ଭାରତୀୟ କମ୍ୟୁନିଷ୍ଟ ପାର୍ଟି ମିଶି ୩୭୦ ଧାରାକୁ ପୁଣିଥରେ ସକ୍ରିୟ କରିବା ପାଇଁ ପିପୁଲ ଆଲାଏନସ୍‌ ଗୁପକାର ଦଳ ଗଠନ କରିଥିଲେ। ଏହି ଦଳ ଜିଲ୍ଲା ବିକାଶ ପରିଷଦ ନିର୍ବାଚନରେ ଏକାଠି ହୋଇ ନିର୍ବାଚନ ଲଢ଼ିଥିଲା, ଯେଉଁଥିରେ ସଜ୍ଜାଦ ଗନି ଲୋନଙ୍କର ଅଧ୍ୟକ୍ଷତା ଥିବା ଦଳ ନ୍ୟାସନାଲ କନଫେରେନ୍ସ ଏକ କଣ୍ଟା ସଦୃଶ୍ୟ ଥିଲା। ଜମ୍ମୁ କାଶ୍ମୀରରେ ନ୍ୟାସନାଲ କନଫେରେନ୍ସ ବୁଧବାର ଅନେକ ଟୁଇଟ୍‌ କରି ପିଏଜିଡିର କିଛି ସଦସ୍ୟମାନଙ୍କ ଦ୍ୱାରା ଦିଆଯାଇଥିବା ଭାଷଣକୁ ଟାର୍ଗେଟ କରିଥିଲା।

ପାର୍ଟିର ଅଧ୍ୟକ୍ଷ ଉମର ଅବଦୁଲ୍ଲାଙ୍କ ସଭାପତିତ୍ୱରେ ହୋଇଥିବା ବୈଠକ ପରେ ନ୍ୟାସନାଲ କନଫେରେନ୍ସ କହିଛିଯେ ବୈଠକରେ ଯୋଗଦେଇଥିବା ସଦସ୍ୟମାନେ ଜାମ୍ମୁକାଶ୍ମୀର ନ୍ୟାସନାଲ କଫେରେନ୍ସ ବିରୋଧରେ କିଛି ସଦସ୍ୟମାନଙ୍କ ଦ୍ୱାରା କରାଯାଇଥିବା ବୟାନ୍‌ବାଜି, ଅଡ଼ିଓ  ଏବଂ ଭାଷଣରେ ନିରାଶା ପ୍ରକାଶ କରିଛନ୍ତି।

ଅନ୍ୟ ଏକ ଟୁଇଟ୍ ଅନୁସାରେ କୁହାଯାଇଛିଯେ ‘’ପ୍ରୋବିଙ୍ଗସିୟଲ କମିଟିର ସଦସ୍ୟମାନଙ୍କର ସମ୍ମତି କ୍ରମେ ଘୋଷିତ ହେଲାଯେ ଜେକେଏନସିକୁ ପ୍ରସ୍ତୁତ ହୋଇ ସମସ୍ତ ୯୦ ଆସନରେ ନିର୍ବାଚନ ଲଢ଼ିବା ଆବଶ୍ୟକ’’।  

ଏନେଇ ପିଡିପିର ମୁଖ୍ୟ ପ୍ରବକ୍ତା ସୁହୋଲ୍‌ ବୁଖାରି କହିଛନ୍ତିଯେ ନିର୍ବାଚନ ଲଢ଼ିବା ତାଙ୍କ ଦଳ ଏବଂ ପିଏଜିଡି ଗଠନର ମୂଲ ଲକ୍ଷ ନଥିଲା।


   Related Posts