ମୁମ୍ଵାଇ ୧୬।୦୩: ବଲିଉଡ୍‌ର ପ୍ରସିଦ୍ଧ ହିପ୍ ହପ୍ କଳାକାର ତଥା ରାପର ୟୋ ୟୋ ହନି ସିଂ । ତାଙ୍କ ଜନ୍ମଦିନ ଅବସରରେ ପ୍ରଶଂସକଙ୍କ ପାଇଁ ଏକ ବଡ଼ ଖବର ଆସିଛି। ହନି ସିଂଙ୍କ ଉପରେ ଏକ ଡକ୍ୟୁମେଣ୍ଟାରୀ ଫିଲ୍ମ ନିର୍ମାଣ ହେବାକୁ ଯାଉଛି। ସବୁଠାରୁ ବଡ କଥା ହେଉଛି ଯେ ଓସ୍କାର ବିଜେତା ଚଳଚ୍ଚିତ୍ର ନିର୍ମାତା ଗୁନିତ୍ ମୋଙ୍ଗା ଏହି ଡକ୍ୟୁମେଣ୍ଟାରୀ ତିଆରି କରିବାର ଦାୟିତ୍ଵ ଗ୍ରହଣ କରିଛନ୍ତି। ହନି ସିଂଙ୍କ ଉପରେ ଆଧାରିତ ଏହି ଚଳଚ୍ଚିତ୍ର ଗୁନିତ୍‌ ମୋଙ୍ଗାଙ୍କ ଶିଖ୍ ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ହେବ।

ହନି ସିଂଙ୍କ ଡକ୍ୟୁମେଣ୍ଟାରୀ ଫିଲ୍ମ ନେଟଫ୍ଲିକ୍ସରେ ଆସିବ। ଏହି ଚଳଚ୍ଚିତ୍ର ମାଧ୍ୟମରେ ପ୍ରଶଂସକମାନେ ରାପରଙ୍କ ଜୀବନ ସହିତ ପରିଚିତ ହୋଇପାରିବେ । ଉଲ୍ଲେଖନୀୟ କଥା ହେଉଛି, ହନି ସିଂଙ୍କ କ୍ରେଜ ସାରା ବିଶ୍ୱରେ ଅଛି । ଯୁବକମାନଙ୍କ ମଧ୍ୟରେ ତାଙ୍କର ଗୀତଗୁଡ଼ିକ ବିଶେଷ ପସନ୍ଦ । ତେବେ ବିବାଦ ସହ ହନି ସିଂଙ୍କର ମଧ୍ୟ ଅନେକ ସମ୍ପର୍କ ରହିଛି। କ୍ୟାରିୟର ଶୀର୍ଷରେ ହନି ସିଂ ହଠାତ୍ ଅଦୃଶ୍ୟ ହୋଇଗଲେ ଏବଂ ହଠାତ୍ ସେ ନିଜର ଅସୁସ୍ଥତା ଘୋଷଣା କରି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲେ। ହନି ସିଂଙ୍କ ଜୀବନ ଉତ୍ଥାନରେ ପରିପୂର୍ଣ୍ଣ ଥିଲା, ଯାହା ବର୍ତ୍ତମାନ ପରଦାରେ ଦେଖିବାକୁ ମିଳେ ।

ଏହି ଚଳଚ୍ଚିତ୍ରଟି ଓସ୍କାର ବିଜେତା ଶିଖା ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ହେଉଛି। ଏହି ସମୟରେ ଏହାର ନିର୍ଦ୍ଦେଶନା ଦେବେ ମୋଜେ ସିଂ। ଅନ୍ୟପକ୍ଷରେ ଗୁନିତ୍‌ ମୋଙ୍ଗା କୁହିଛନ୍ତି’ ହନି ସିଂ ଭାରତୀୟ ସଙ୍ଗୀତ ଶିଳ୍ପରେ ଏକ ନୂତନ ପରିବର୍ତ୍ତନର ସାକ୍ଷୀ ହୋଇଛନ୍ତି। ଯୁବ ପିଢିମାନଙ୍କ ମଧ୍ୟରେ ତାଙ୍କର ଏକ ଜବରଦସ୍ତ କ୍ରେଜ୍ ଅଛି । ମୁଁ ତାଙ୍କ ଜୀବନ କାହାଣୀ ଅନୁସନ୍ଧାନ କରିବାକୁ ଚାହୁଁଥିଲି । ଏଥିପାଇଁ ମୁଁ ନେଟଫ୍ଲିକ୍ସକୁ କୃତଜ୍ଞ, ଯାହା ସର୍ବଦା ବହୁତ ସାହାଯ୍ୟ କରିଆସୁଛି । ଏହି ପ୍ଲାଟଫର୍ମ ସର୍ବଦା ସ୍ଥାନୀୟ କାହାଣୀକୁ ବିଶ୍ୱ ସ୍ତରକୁ ନେବାରେ ସର୍ବଦା ଆଗରେ ରହିଆସିଛି । ଆମେ ହନି ସିଂଙ୍କ ଜୀବନକୁ ଦର୍ଶକଙ୍କ ନିକଟରେ ଉପସ୍ଥାପନ କରିବାକୁ ଉତ୍ସାହିତ ।