scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

୬୮ ଛାତ୍ରୀଙ୍କୁ ଅନ୍ତବସ୍ତ୍ର ଉତାରିବାକୁ କହିଲେ ଅଧ୍ୟକ୍ଷା : ବିବାଦରେ ଗୁଜୁରାଟର ମହିଳା ଶିକ୍ଷାନୁଷ୍ଠାନ, ମହିଳା କମିଶନ ଦେଲେ ନୋଟିସ

14/02/2020 at 10:02 PM

 ଗାନ୍ଧିନଗର ୧୪/୦୨ – ଗୁଜୁରାଟର ଏକ ମହାବିଦ୍ୟାଳୟରେ ଛାତ୍ରୀ ମାନଙ୍କୁ ଏକ ଅଦ୍ଭୁତ କାର୍ଯ୍ୟଲାଗି ବାଧ୍ୟ କରାଯିବା ଘଟଣା ଆଲୋଡନ ସୃଷ୍ଟି କରିଛି, ବିବାଦର କାରଣ ହୋଇଛି । ଘଟଣାଟି ଭୁଜ ସହର  ସ୍ଥିତ ଶ୍ରୀ ସହଜାନନ୍ଦ ଗର୍ଲ୍ସ ଇନଷ୍ଟିଚ୍ୟୁଟ୍‌ ରେ ଘଟିଛି। ସ୍ବାମୀନାରାୟଣ ସଂପ୍ରଦାୟ ଦ୍ବାରା ପରିଚାଳିତ ଏହି ଛାତ୍ରୀ ଅନୁଷ୍ଠାନରେ ପ୍ରାୟ ୬୮ଜଣ ଛାତ୍ରୀଙ୍କୁ  ଅଧ୍ୟକ୍ଷା ପୋଷାକ ଉତ୍ତାରିବାକୁ କହିବାକୁ ନେଇ ଏହି ବିବାଦ । ଛାତ୍ରୀ ମାନଙ୍କର  ମାସିକ ଧର୍ମ ବା ଋତୁସ୍ରାବ ହୋଇଛି କି ନା ତାହା ଯାଞ୍ଚ କରିବାକୁ  ସେମାନଙ୍କୁ ଅନ୍ତବସ୍ତ୍ର ଓହ୍ଲାଇବାକୁ  ନିର୍ଦ୍ଦେଶ ଦେଇଥିଲେ ଅନୁଷ୍ଠାନର ଅଧ୍ୟକ୍ଷା ।ଛାତ୍ରୀ ମାନଙ୍କୁ ହଷ୍ଟେଲରେ ଧାଡିରେ ଛିଡା କରାଇ ପ୍ରଶ୍ନ କରାଯାଇଥିଲା । ତାହାପରେ ସେମାନଙ୍କୁ ଜଣକପରେ ଜଣେ କରି ହଷ୍ଟେଲର ୱାସ ରୁମ୍‌କୁନେଇ  ପୋଷାକ ଓହ୍ଲାଇବାକୁ କହିଥିଲେ ପ୍ରିନ୍ସପାଲ ଓ କିଛି ଶିକ୍ଷୟତ୍ରୀ ।ଏବେ ଏହା ଆଲୋଡନ ସୃଷ୍ଟି କରିଛି । ବିବାଦରେ ଫସିଛନ୍ତି କଲେଜ କର୍ତ୍ତୁପକ୍ଷ । ରାଜ୍ୟ ଓ ଜାତୀୟ ମହିଳା କମିସନ ପଠାଇଛନ୍ତି ନୋଟିସ ।

ଶ୍ରୀ ସହଜାନନ୍ଦ ଗର୍ଲ୍ସ ଇନଷ୍ଟିଚ୍ୟୁଟ୍‌ ହଷ୍ଟେଲ ମୁଖ୍ୟଙ୍କ ଅଭିଯୋଗ ପରେ ହିଁ ଏପରି  ଘଟିଛି । ହଷ୍ଟେଲ ମୁଖ୍ୟ ଅଭିଯୋଗ କରିଥିଲେ ଯେ, କିଛି ଛାତ୍ରୀ ସେମାନଙ୍କ ଋତୁ ସ୍ରାବ ସମୟରେ ଧାର୍ମିକ ନୀତି ନିୟମକୁ ଉଲଂଘନ କରୁଛନ୍ତି ।ସାଧାରଣତଃ ମାସିକ ଧର୍ମ ସମୟରେ ବାଳିକା ଙ୍କ ଠାରୁ ମହିଳାଙ୍କ ପର୍ଯ୍ୟନ୍ତ , କାହାରିକୁ ମନ୍ଦିରଏବଂ ରୋଷ ଶାଳା ପ୍ରବେଶ କରିବାକୁ ଅନୁମତି ନାହିଁ ।ଏହି ନିୟମ ସ୍ବାମୀନାରାୟଣ ସଂପ୍ରଦାୟ ବା ଅନୁଗାମୀଙ୍କ ଲାଗି ଏକ ବଡ଼ ଏବଂ କଠୋର ନିୟମ । କିନ୍ତୁ ହଷ୍ଟେଲର କିଛି ଛାତ୍ରୀ ସେହି ନିୟମ ମାନୁ ନଥିବା ଏବଂ ଋତୁସ୍ରାବ ସମୟରେ ମନ୍ଦିର ତଥା ରୋଷ ଘରେ ପ୍ରବେଶ କରୁଥିବା କହିଥିଲେ ହଷ୍ଟେଲ ମୁଖ୍ୟ ।ହଷ୍ଟେଲ ବାହାର ବଗିଚାରେ ଏକ ବ୍ୟବହୃତ ସାନିଟାରୀ ପ୍ୟାଡ୍‌ ମିଳିଥିଲା । ତାହାପରେ ହିଁ  ହଷ୍ଟେଲ  ମୁଖ୍ୟ ପ୍ରିନସିପାଲଙ୍କୁ ଅଭିଯୋଗ କରିଥିଲେ । ତାପରେ ଛାତ୍ରୀ ମାନଙ୍କୁ ପୋଷାକ ଓହ୍ଲାଇ ଯାଞ୍ଚ କରିବାକୁ ନିର୍ଦ୍ଦେଶ ଦେଇଥିଲେ ଅଧ୍ୟକ୍ଷା ରୀତା ରଙ୍ଗିଆ । ଘଟଣାଟି ବାହାରେ ପ୍ରଘଟ ପରେ ତୀବ୍ର ପ୍ରତିକ୍ରିୟା ସୃଷ୍ଟି ହୋଇଛି । ଏପରି ଘଟଣାରେ ସେମାନେ ମାନସିକ ନିର୍ଯାତନା ଭୋଗୁଥିବା ଛାତ୍ରୀ ମାନେ କିଛି ଗଣ ମାଧ୍ୟମ ଆଗରେ ପ୍ରକାଶ କରିଛନ୍ତି ।

 ଏହି ଖବର ପ୍ରକାଶ ପରେ ଗୁଜୁରାଟ ରାଜ୍ୟ  ମହିଳା କମିଶନ ଏବଂ ଜାତୀୟ ମହିଳା କମିଶନ ଅନୁଷ୍ଠାନର ଅଧ୍ୟକ୍ଷାଙ୍କୁ ନୋଟିସ କରି ଜବାବ ମାଗିଛନ୍ତି ।କୁଚ୍ଚ ବିଶ୍ବବିଦ୍ୟାଳୟ ପକ୍ଷରୁ ଘଟଣାର ତଦନ୍ତଲାଗି ଏକ ୫ ଜଣିଆ କମିଟି ଗଠନ କରାଯାଇଛି ।    

   Related Posts