scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଗୁଜରାଟରେ ପ୍ରଥମ ପର୍ଯ୍ୟାୟ ନିର୍ବାଚନ; ସକାଳ ୮ଟାରୁ ମତଦାନ ଆରମ୍ଭ, ୮୯ଟି ଆସନରେ ସଂଧ୍ୟା ୫ଟା ଯାଏ ଚାଲିବ ଭୋଟିଂ

1/12/2022 at 8:41 AM

ଗାନ୍ଧିନଗର: ଗୁଜରାଟରେ ପ୍ରଥମ ପର୍ଯ୍ୟାୟ ବିଧାନସଭା ନିର୍ବାଚନ ମତଦାନ ଆରମ୍ଭ । ଗୁରୁବାର ସକାଳ ୮ଟାରୁ ଆରମ୍ଭ ହୋଇଛି ଭୋଟିଂ । ସଂନ୍ଧ୍ୟା ୫ଟା ଯାଏଁ ନିଜର ମତାଧିକାର ସାବ୍ୟସ୍ତ କରିବେ ଭୋଟର । ପ୍ରଥମ ପର୍ଯ୍ୟାୟରେ ମୋଟରେ ୮୯ଟି ବିଧାନସଭା ଆସନରେ ଭୋଟିଂ ହେଉଛି ।

ଗୁଜରାଟର ୧୯ଟି ଜିଲ୍ଲାରେ ମତଦାନ ଆରମ୍ଭ ହୋଇଛି । ମୋଟ୍ ୮୯ଟି ସିଟ୍ରେ ୭୮୮ଜଣ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା ହେବ । ୨କୋଟି ୩୯ଲକ୍ଷ ୭୬ହଜାର ୬୭୦ ଭୋଟର ନିଜର ମତାଧିକାର ସାବ୍ୟସ୍ତ କରିବେ । ପ୍ରଥମ ପର୍ଯ୍ୟାୟରେ ୧୪ହଜାର ୩୮୨ଟି ମତଦାନ କେନ୍ଦ୍ର ହୋଇଛି । ଏଥି ମଧ୍ୟରୁ ୩ ହଜାର ୩୧୧ଟି ସହରୀ ମତଦାନ କେନ୍ଦ୍ର ରହିଥିବାବେଳେ ଗ୍ରାମାଞ୍ଚଳ ପାଇଁ ୧୧ ହଜାର ୭୧ଟି ବୁଥ୍‌ ବ୍ୟବସ୍ଥା ହୋଇଛି । ମୋଟ୍ ୭୮୮ ପ୍ରାର୍ଥୀଙ୍କ ମଧ୍ୟରୁ ୩୩୯ଜଣ ସ୍ବାଧୀନ ପ୍ରାର୍ଥୀ ରହିଛନ୍ତି। ତେବେ ପ୍ରଥମ ଚରଣରେ ୭୦ଜଣ ମହିଳା ପ୍ରାର୍ଥୀଙ୍କ ମଧ୍ୟ ଭାଗ୍ୟ ପରୀକ୍ଷା ହେଉଛି ।

ବିଧାନସଭା ନିର୍ବାଚନରେ ୩ଟି ପ୍ରମୁଖ ରାଜନୈତିକ ଦଳ ମଧ୍ୟରେ ପ୍ରତିଦ୍ବନ୍ଦିତା ଦେଖିବାକୁ ମିଳିଛି । ନିଜ ନିଜ ପ୍ରାର୍ଥୀଙ୍କୁ ନେଇ ଜୋରଦାର ପ୍ରଚାର କରିଥିଲେ ବିଜେପି, କଂଗ୍ରେସ ଏବଂ ଆପ୍‌ । ପ୍ରଥମ ପର୍ଯ୍ୟାୟରେ ବହୁ ହେଭିଓ୍ବେଟ୍‌ଙ୍କ ଭାଗ୍ୟ ପରୀକ୍ଷା ହେଉଛି । ଗୁଜରାଟ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଘାଟଲୋଡିଆରେ ପ୍ରତିଦ୍ବନ୍ଦିତା କରୁଥିବା ବେଳେ ଆପ୍‌ ମୁଖ୍ୟମନ୍ତ୍ରୀ ପ୍ରାର୍ଥୀ ଇସୁଦାନ୍‌ ଗାଢବୀ ଖମ୍ବାଲିୟାରୁ ପ୍ରତିଦ୍ବନ୍ଦିତା କରୁଛନ୍ତି । ସେହିଭଳି ଜାମନଗରରୁ କ୍ରିକେଟର ରବୀନ୍ଦ୍ର ଜାଡେଜାଙ୍କ ପତ୍ନୀ ରିଭାବା ଜାଡେଜା, ଭିରାମଗାମ୍‌ରେ ବିଜେପି ପ୍ରାର୍ଥୀ ହାର୍ଦ୍ଧିକ ପଟେଲଙ୍କ ଭାଗ୍ୟ ପରୀକ୍ଷା ଚାଲିଛି

ଗୁଜରାଟରେ ୨ଟି ପର୍ଯ୍ୟାୟରେ ବିଧାନସଭା ନିର୍ବାଚନ ହେବ । ପ୍ରଥମ ପର୍ଯ୍ୟାୟ ମତଦାନ ଗୁରବାର ଆରମ୍ଭ ହୋଇଥିବା ବେଳେ ଦ୍ବିତୀୟ ପର୍ଯ୍ୟାୟ ଆସନ୍ତା ଡିସେମ୍ବର ୫ ତାରିଖରେ ଆରମ୍ଭ ହେବ । ୨ଟି ପର୍ଯ୍ୟାୟରେ ମୋଟ୍ ୪କୋଟି ୯ଲକ୍ଷ ଭୋଟର ନିଜର ମତାଧିକାର ସାବ୍ୟସ୍ତ କରିବେ । ୮ ତାରିଖରେ ଭୋଟ୍ ଗଣତି ହେବ ।    

   Related Posts