ନୂଆଦିଲ୍ଲୀ: ଗୁଜୁରାଟର ନାଭସାରିରେ ବିଦ୍ୟୁତ୍ ବିଭାଗର ବଡ ଅବହେଳା ସାମ୍ନାକୁ ଆସିଛି। ଏଠାରେ ପେଟ୍ରୋଲ ପମ୍ପରେ କାମ କରୁଥିବା ଜଣେ ମହିଳାଙ୍କ ପରିବାର  ରହିଲେ ୪ ଜଣ ସଦସ୍ୟ । କେବଳ ଏତିକି ନୁହେଁ, ପରିବାରର ଚାରିଜଣ ସଦସ୍ୟଙ୍କ ମଧ୍ୟରୁ ତିନିଜଣ ବାହାରେ କାର୍ଯ୍ୟରେ କରନ୍ତି। ରହିଛନ୍ତି। ଏହା ସତ୍ତ୍ୱେ ତାଙ୍କର ଇଲେକ୍ଟ୍ରି ବିଲକୁ ଦେଖି ପରିବାର ସଦସ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ଇଲେକ୍ଟ୍ରି ବିଭାଗ ପକ୍ଷରୁ ତାଙ୍କ ଘରକୁ ଆସିଥିଲା ୨୦ ଲକ୍ଷ ଟଙ୍କାର ବିଦ୍ୟୁତ ବିଲ୍। 

ଘରେ କେବଳ ଚାରିଜଣ ଲୋକ। ଚାଲୁଛି କେବଳ ଟିଭି ଏବଂ ଫ୍ରିଜ୍। ନାଭସାରୀର ବିଲିମୋରା ସହରର ପେଟ୍ରୋଲ ପମ୍ପରେ କାମ କରୁଥିବା ଜଣେ ମହିଳାଙ୍କ ଘରେ 20 ଲକ୍ଷ ଟଙ୍କା ବିଦ୍ୟୁତ୍ ବିଲ୍ ଆସିଥିଲା ଯାହା ସାଧାରଣତଃ ଅଢେଇ ହଜାର ଟଙ୍କା ଥିଲା। ଏହି ବିଲ୍ ଦେଖି ପରିବାର ସଦସ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ଦକ୍ଷିଣ ଗୁଜୁରାଟ ପାୱାର କମ୍ପାନୀର ମିଟର ରିଡର୍ ତାଙ୍କୁ ଜୁନ୍-ଜୁଲାଇ ମାସ ପାଇଁ ବିଦ୍ୟୁତ୍ ବ୍ୟବହାର ପାଇଁ ବିଲ୍ ଦେଇଥିଲା ଯେଉଁଥିରେ ୨୦ ଲକ୍ଷ ୧ ହଜାର ୯୦୨ ଟଙ୍କା ଲେଖାଯାଇଥିଲା।

ପେଟ୍ରୋଲ ପମ୍ପରେ କାମ କରୁଥିବା ରୋଟିବେନ ପଟେଲ କହିଛନ୍ତି ଯେ ଆମର ଚାରିଜଣ ପରିବାର ଅଛନ୍ତି ଏବଂ ମୁଁ ପେଟ୍ରୋଲ ପମ୍ପରେ କାମ କରେ। ଆମ ଘରେ ଚାରୋଟି ବଲ୍‌ବ, ଚାରିଟି ଫ୍ୟାନ, ଫ୍ରିଜ୍ ଏବଂ ଗୋଟିଏ ଟିଭି ଅଛି। ଚାରିଜଣ ସଦସ୍ୟଙ୍କ ମଧ୍ୟରୁ ତିନିଜଣ ଦିନସାରା କାମ କରିବାକୁ ଯାଆନ୍ତି। ସାଧାରଣତଃ ଆମର ବିଦ୍ୟୁତ୍ ବିଲ୍ ପ୍ରତି ଦୁଇ ମାସରେ ପ୍ରାୟ ୨ ହଜାର ରୁ ଅଢେଇ ହଜାର ଟଙ୍କା ଆସେ, ଯାହାକୁ ଆମେ ଠିକ୍ ସମୟରେ ଦେଇଥାଉ। ଆମର କୌଣସି ବକେୟା ବିଲ୍ ନାହିଁ, କିନ୍ତୁ ଶେଷ ବିଲ୍ ଆମକୁ ଚିନ୍ତାରେ ପକାଉଛି।

ଏହି ଘଟଣାକୁ ନେଇ ବିଦ୍ୟୁତ ବିଭାଗର ଅଧିକାରୀ କହିଛନ୍ତି ଯେ, ମିଟର ରିଡରଙ୍କ ଭୁଲକୁ ସଂଶୋଧନ କରି ଏକ ଘଣ୍ଟା ମଧ୍ୟରେ ଏକ ନୂତନ ବିଲ୍ ଜାରି କରି ପରିବାରକୁ ଦେବାକୁ କୁହାଯାଇଛି।