ମୁମ୍ଵାଇ ୨୪।୦୨: ଗୁଜୁରାଟରେ ଏକ ଭୟଙ୍କର ସଡକ ଦୁର୍ଘଟଣା ଘଟିଥିଲା । ଯେଉଁଠାରେ ଏକ ଯାତ୍ରୀବାହୀ ବସ୍ ରାସ୍ତାରେ ଥିବା ରେଲିଂ ଭାଙ୍ଗି ୨୫ ଫୁଟ ତଳକୁ ଖସି ପଡିଥିଲା। ଏହି ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଛି। ଘଟଣା ଖେଡା ଜିଲ୍ଲାର ନାଡିଆଦା ଅଞ୍ଚଳରେ ଘଟିଛି। ସୂଚନାନୁସାରେ, ଅହମ୍ମଦାବାଦ-ବଡୋଦରା ଏକ୍ସପ୍ରେସୱେରେ ଥିବା ଏକ ଯାତ୍ରୀବାହୀ ବସ୍ ରାସ୍ତା କଡ଼ରେ ଥିବା ରେଲିଂ ଭାଙ୍ଗି ୨୫ ଫୁଟ ତଳକୁ ଖସିପଡିଥିଲା। ପୋଲିସର ସୂଚନାନୁସାରେ ଏହି ଦୁର୍ଘଟଣାରେ ଅନେକ ଲୋକ ଆହତ ହୋଇଛନ୍ତି। ଏସପିଙ୍କ ସମେତ ପୋଲିସ କର୍ମଚାରୀମାନେ ଘଟଣାସ୍ଥଳରେ ନିୟୋଜିତ ଅଛନ୍ତି।
ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ଘଟଣାସ୍ଥଳରେ ପହଞ୍ଚିଥିବା ଏସପି କହିଛନ୍ତି ଯେ ବସ୍ ଅହମ୍ମଦାବାଦରୁ ପୁଣେ ଅଭିମୁଖେ ଯାଉଥିଲା। ବସ୍ରେ ପ୍ରାୟ ୨୩ ଜଣ ଯାତ୍ରୀ ଥିଲେ। ଏହି ସମୟ ମଧ୍ୟରେ ହଠାତ୍ ଏକ ସିମେଣ୍ଟ ଟ୍ୟାଙ୍କର୍ ରାଜପଥରେ ବାମକୁ ଯାଇ ବସ୍ ସହିତ ମୁହାଁମୁହିଁ ଧକ୍କା ହୋଇଥିଲା।
ଏହି କାରଣରୁ ବସ୍ ନିୟନ୍ତ୍ରଣ ବାହାରକୁ ଯାଇ ରେଲିଂ ଭାଙ୍ଗି ତଳେ ପଡିଯାଇଥିଲା। ଏହି ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଛି। ଏଥିସହିତ ଅନେକ ଲୋକ ଆହତ ହୋଇଛନ୍ତି। ବର୍ତ୍ତମାନ ଟ୍ୟାଙ୍କର ଡ୍ରାଇଭରଙ୍କ ବିରୋଧରେ ଏକ ମାମଲା ରୁଜୁ ହୋଇଛି।
wp:embed {"url":"https://www.prameyanews7.com/8th-class-student-beaten-to-death/","type":"wp-embed","providerNameSlug":"prameya-news-7"}
