scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ନିର୍ବାଚନ ପୂର୍ବରୁ ଗୁଜରାଟରେ ଏଟିଏସ୍ ଆକ୍ସନ, ଔଷଧ କମ୍ପାନୀରେ ଚଢ଼ାଉ, ୫ଶହ କୋଟିରୁ ଅଧିକ ଡ୍ରଗ୍ସ ଜବତ

30/11/2022 at 2:12 PM

ଗାନ୍ଧିନଗର: ଗୁଜରାଟ ନିର୍ବାଚନ ପୂର୍ବରୁ ଆକ୍ସନ ମୋଡରେ ଏଟିଏସ । ଆଣ୍ଟି ଟେରର୍ ସ୍କ୍ବାର୍ଡ ବେଆଇନ ଡ୍ରଗ୍ସ ବ୍ୟବସାୟୀ ବିରୋଧରେ କାର୍ଯ୍ୟାନୁଷ୍ଠାନ ନେଇଛି । ବଡ଼ଦୋରାର ବିଭିନ୍ନ ଔଷଧ ନିର୍ମାଣୀକାରୀ କମ୍ପାନୀ ଗୁଡ଼ିକରେ ରେଡ୍ ମାରିଛି ଏଟିଏସ୍  । ବିଭିନ୍ନ ସ୍ଥାନରୁ ପ୍ରାୟ ୫ଶହ କୋଟି ଟଙ୍କାରୁ ଅଧିକ ବେଆଇନ ଔଷଧ ଜବତ କରିଛି ।

ଏଟିଏସ ଅଧିକାରୀଙ୍କୁ କହିବା ଅନୁଯାୟୀ, ଔଷଧ କମ୍ପାନୀମାନେ ବେଆଇନ ଭବେ ରସାୟନିକ ପଦାର୍ଥରେ ଏମଡି ଔଷଧ ତିଆରି କରୁଥିଲେ । ଯାହାକୁ ନିଶାଦ୍ରବ୍ୟ ପ୍ରସ୍ତୁତିରେ ବ୍ୟବହାର କରାଯାଏ । ଏନେଇ ଖବର ମିଳିବା ପରେ ଏସିଏସର ସ୍ବତନ୍ତ୍ର ଟିମ୍ ମଙ୍ଗଳବାର ରାତିରେ ସହର ବିଭିନ୍ନ ଔଷଧ ନିର୍ମାଣକାରୀ ସଂସ୍ଥା ଓ ଗୋଦାମ ଘରେ ଛାପା ମାରିଥିଲା । ଚଢାଉ ବେଳେ ୫ଶହ କୋଟିରୁ ଅଧିକ ଟଙ୍କା ମୂଲ୍ୟର ବେଆଇନ ଔଷଧ ବା ଡ୍ରଗ୍ସ ଜବତ କରିବା ସହିତ ଏଥିରେ ସାମିଲ ଥିବା ୫ଜଣଙ୍କୁ ଗିରଫ କରିଛି ଟିମ୍ । ତେବେ ଏହି ନକଲି କାରବାରରେ ଆଉ କେଉଁମାନଙ୍କର ସମ୍ପୃକ୍ତି ଅଛି ଏନେଇ ଖୋଳତାଳ ଜାରି ରଖିଛି ଏଟିଏସ ।  

ଏହା ପୂର୍ବରୁ ଏସିଏସ ଅଗଷ୍ଟ ମାସରେ ବଡ଼ଦୋରାର ସହର ନିକଟରେ ଥିବା ଔଷଧ କମ୍ପାନୀରୁ ୨ଶହ କିଲୋଗ୍ରାମର ମୈଫଡ୍ରୋନ୍ ଜବତ କରିଥିଲା । ଯାହାର ଆନୁମାନିକ ମୂଲ୍ୟ ହଜାରେ କୋଟିରୁ ଅଧିକ ହେବ ।

ଗୁଜରାଟରେ ଡିସେମ୍ବର ୧ତାରିଖରେ ପ୍ରଥମ ପର୍ଯ୍ୟାୟ ବିଧାନସଭା ନିର୍ବାଚନ । ଏହାକୁ ପୂର୍ବରୁ ଏଟିଏସ ବଡ଼ଧରଣର ରେଡ୍ ମାରିଛି । ନିର୍ବାଚନ ପ୍ରକ୍ରିୟାକୁ ସ୍ବଚ୍ଛ କରିବାକୁ ଏଭଳି ପଦକ୍ଷେପ ନିଆଯାଇଛି ବୋଲି ଆଣ୍ଟି ଟେରର୍ ସ୍କ୍ବାର୍ଡର ଅଧିକାରୀ କହିଛନ୍ତି ।  

   Related Posts