ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ଆଉ ଏକ ଲଘୁଚାପ ! ୮ରୁ ବର୍ଷା ସମ୍ଭାବନା
  • ||
  • ପଦ୍ମପୁର ଉପନିର୍ବାଚନ : ନେତା ବାଛିବେ ଜନତା, ଭୋଟ ଦେବେ ୨ ଲକ୍ଷରୁ ଅଧିକ ଭୋଟର
  • ||

୧୨ରୁ ୧୮ ପ୍ରତିଶତ ହେଲା GST, ମହଙ୍ଗା ହେବ ମୋବାଇଲ ଫୋନ

14/03/2020 at 5:54 PM

ନୂଆଦିଲ୍ଲୀ ୧୪।୩: ଯଦି ମୋବାଇଲ ଫୋନ କିଣିବାକୁ ଯୋଜନା କରିଛନ୍ତି ତେବେ ଆପଣଙ୍କ ଲାଗି ବଡ ଖବର। ମୋଦି ସରକାର ଏପର୍ଯ୍ୟନ୍ତ ମୋବାଇଲ ଫୋନ ଉପରେ ଲାଗୁ ହେଉଥିବା ଜିଏସଟି ହାର ୧୨ରୁ ୧୮ ପ୍ରତିଶତକୁ ବୃଦ୍ଧି କରିବା ଲାଗି ନିଷ୍ପତ୍ତି ନେଇଛନ୍ତି। ଶନିବାର  ଅନୁଷ୍ଠିତ ଜିଏସଟି କାଉନସିଲ ବୈଠକରେ ଏହି ନିଷ୍ପତ୍ତି ହୋଇଛି। ଏଣୁ ଦେଶରେ ମୋବାଇଲ ଫୋନ ମୂଲ୍ୟ ବୃଦ୍ଧି ହେବା ସ୍ପଷ୍ଟ ହୋଇଯାଇଛି।

ଜିଏସଟି କାଉନସିଲ ବୈଠକରେ ୪ଟି ସାମଗ୍ରୀ ମୋବାଇଲ ଫୋନ, ସାର, ଜୋତା, କୃତ୍ରିମ ସୂତାରେ ପ୍ରସ୍ତୁତ କପଡା ଓ ଗାରମେଣ୍ଟର ଜିଏସଟି ଦରର ପରିବର୍ତ୍ତନ ପ୍ରସ୍ତାବ ଉପସ୍ଥାପିତ କରାଯାଇଥିଲା। ଏଥିରେ ମୋବାଇଲ ଫୋନ ଲାଗି ଲାଗୁ ହେଉଥିବା ଜିଏସଟି ହାରକୁ ଅଧିକ ୬ ପ୍ରତିଶତ ବଢାଇବାକୁ ନିଷ୍ପତ୍ତି ହୋଇଛି। ତେବେ ଅନ୍ୟ ସାମଗ୍ରୀର ଜିଏସଟିରେ କୌଣସି ପରିବର୍ତ୍ତନ କରାଯାଇ ନାହିଁ।

ଦେଶରେ ଏବେ ଟେଲିଭିଜନ, ଟର୍ଚ୍ଚ, ଗିଜର, ଆଇରନ, ହିଟର, ମିକ୍ସର ଓ ଜୁସର ଆଦି ସାମଗ୍ରୀ ଲାଗି ୧୮ ପ୍ରତିସତ ଜିଏସଟି ଲାଗୁ ହେଉଛି। ଏଭଳି କ୍ଷେତ୍ରରେ ମୋବାଇଲ ଜିଏସଟି ୧୨ ପ୍ରତିଶତ ରଖାଯିବା ପ୍ରଥମରୁ ହିଁ ବିତର୍କ ସୃଷ୍ଟି କରିଥିଲେ। ମୋବାଇଲ ଫୋନ ମଧ୍ୟ ଇଲେକ୍ଟ୍ରୋନିକ୍ ସାମଗ୍ରୀ ଶ୍ରେଣୀଭୁକ୍ତ। ଏଣୁ ଏହାର ଜିଏସଟି ମହଙ୍ଗା କରାଯାଇଛି। ଯଦି ମୋବାଇଲ ନେବାକୁ ଚାହୁଁଛନ୍ତି ନୂଆ ଜିଏସଟି ହାର ଲାଗୁ ପୂର୍ବରୁ କିଣି ନିଅନ୍ତୁ।

   Related Posts