Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ: ଲାଞ୍ଚ ନେଇ ନିଲମ୍ୱିତ ହେଲେ ରାଜସ୍ୱ ନିରୀକ୍ଷକ, କହିଥିଲେ ମୋ ମୁଣ୍ଡର ଦାମ୍‌ କଣ ୨୦୦ ଟଙ୍କା ?
  • ||
  • ବାରିପଦା:ସରକାରୀ ବସଷ୍ଟାଣ୍ଡ ସମ୍ମୁଖରେ ଭୟାବହ ଅଗ୍ନିକାଣ୍ଡ, ୪ ଦୋକାନ ଓ ହୋଟେଲ ଭସ୍ମୀଭୂତ
  • ||

GST Council Meeting: ଟିକସ ହାରକୁ ତର୍କସଙ୍ଗତ କରିବା ନେଇ GoMର ଅନ୍ତରୀଣ ରିପୋର୍ଟକୁ ମଞ୍ଜୁରୀ

28/06/2022 at 10:48 PM

ଚଣ୍ଡିଗଡ: ଜିଏସଟି କାଉଁସିଲର ୪୭ତମ ବୈଠକ ମଙ୍ଗଳବାର ଚଣ୍ଡିଗଡରେ ଆରମ୍ଭ ହୋଇଛି। ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଏହି ଦୁଇ ଦିନିଆ ବୈଠକ ହେବ । ପ୍ରଥମ ଦିନରେ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଚର୍ଚ୍ଚା ହୋଇଛି। ତେବେ ଅନୁଷ୍ଠାନିକ ଭାବେ ଏହା ଉପରେ କୌଣସି ସୂଚନା ଦିଆଯାଇ ନାହିଁ।

ପ୍ରଥମ ଦିନରେ ପରିଷଦ ଜିଏସଟିର ହାରକୁ ସର୍କସଙ୍ଗତ କରିବା ପାଇଁ ଗଠିତ ଗ୍ରୁପ ଅଫ୍ ମିନିଷ୍ଟର୍ସର ଅନ୍ତରୀଣ ରିପୋର୍ଟକୁ ମଞ୍ଜୁରୀ ପ୍ରଦାନ କରିଛି । କର୍ଣ୍ଣାଟକ ମୁଖ୍ୟମନ୍ତ୍ରୀ ବସବରାଜ ବୋମାଇଙ୍କ ଅଧ୍ୟକ୍ଷତାରେ ଗଠିତ ଜିଓଏମ ୫୦୦୦ ଟଙ୍କା ପ୍ରତିଦିନରୁ ଅଧିକ ଚାର୍ଜ କରୁଥିବା ହସ୍ପିଟାଲ ରୁମ୍ସର ରେଟ୍ ଉପରେ ୫ ପ୍ରତିଶତ ଜିଏସଟି ଲାଗୁ କରିବା ପ୍ରସ୍ତାବକୁ ମଞ୍ଜୁରୀ ଦିଆଯାଇଛି । ଏହାସହ ପୋଷ୍ଟକାର୍ଡ, ଇନଲ୍ୟାଣ୍ଡ ଲେଟର ଏବଂ ୧୦ ଗ୍ରାମ ଓଜନ ଯାଏଁ ଲଫାପାକୁ ଛାଡି ପୋଷ୍ଟ ଅଫିସର ସବୁ ସେବା ଉପରେ ଟ୍ୟାକ୍ସ ଲାଗୁ କରିବାକୁ ପ୍ରସ୍ତାବ ଦିଆଯାଇଛି।

ଛତିଶଗଡ ବାଣିଜ୍ୟ ମନ୍ତ୍ରୀ ଟି ଏସ ସିଂ ଦେବ ରାଜ୍ୟକୁ ଦିଆଯାଉଥିବା ଜିଏସଟି କ୍ଷତି ଭରଣାକୁ ଆଉ ୫ ବର୍ଷ ବଢାଇବା ପାଇଁ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ନିକଟରେ ଅପିଲ କରିଛନ୍ତି । ଅଧିକାଂଶ ରାଜ୍ୟ ଏହି ସମାନ ଦାବି କରିଥିଲେ। ଉଲ୍ଲେଖଯୋଗ୍ୟ ଯେ ଏହି କମ୍ପନସେସନ ଜୁନ ୩୦ରୁ ଶେଷ ହୋଇଯିବ।

୨୦୧୭ ଜୁଲାଇ ୧ରେ ଦେଶରେ ଜିଏସଟି ଲାଗୁ ହୋଇଥିଲା। ସେହି ସମୟରେ କେନ୍ଦ୍ର ସରକାର ରାଜ୍ୟର ରାଜସ୍ୱ ହାନୀର ଭରଣା କରିବାକୁ ପ୍ରତିଶ୍ରୁତି ଦେଇଥିଲେ । ଏହାକୁ ଡିଏସଟି କମ୍ପନସେସନ କୁହାଯାଉଛି ।  

   Related Posts