ଭୁବନ ୦୭/୧୦: ଦୁଇ ବର୍ଷରୁ ଉର୍ଦ୍ଧ୍ବ ହେବ ବିଛା ହୋଇଛି ଗ୍ୟାସ ପାଇପ ଲାଇନ । ଏଥିପାଇଁ ଖୋଳାଯାଇଛି ଦଶ ପନ୍ଦର ଫୁଟର ଖାଲ । କିନ୍ତୁ ଏହି ପାଇପ ଲାଇନର ଖାଲରେ ପଡି କେତେବେଳେ ଜୀବଜନ୍ତୁଙ୍କ ଜୀବନ ଚାଲିଯାଉଛି ତ କେତେବେଳେ ମଣିଷ ଜୀବନ । ଏପରି ଏକ ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ଥାନା କିଙ୍ଗୋଳ ଗ୍ରାମରେ ।
ସୂଚନାନୁସାରେ, କିଙ୍ଗୋଳ ଗ୍ରାମର ଅନନ୍ତ ରାଉତ ୭୬ ବର୍ଷ ବଡି ଭୋରୁ ଗ୍ରାମ ନିକଟ ଧାନବିଲକୁ ଷଣ୍ଢ ତଡିବାକୁ ଯାଇ ଫେରିନଥିଲେ । ଅନନ୍ତ ରାଉତଙ୍କର ଘରକୁ ଫେରିବା ଡେରି ହେବାରୁ ପରିବାର ଲୋକେ ଖୋଜାଖୋଜି ଆରମ୍ଭ କରିଥିଲେ । ପରେ ନିଜ ଧାନ ବିଲ ନିକଟ ଦେଇ ଯାଇଥିବା ଗେଲ୍ ଇଣ୍ଡିଆ ପାଇପ ଲାଇନ ପାଇଁ ଖୋଳାଯାଇଥିବା ଗଭୀର ଗାତରେ ତାଙ୍କ ମୃତଦେହ ଭାସୁଥିବା ଦେଖିବାକୁ ମିଳିଥିଲା ।
ପରେ ପରିବାର ଲୋକେ ଗେଲ୍ ଇଣ୍ଡିଆ ନାମରେ ଭୁବନ ଥାନାରେ ଅଭିଯୋଗ କରିଥିବା ଜଣାପଡିଛି । ଏବଂ ଅନନ୍ତ ରାଉତଙ୍କ ପରିବାରକୁ କ୍ଷତିପୂରଣ ଦିଆଯିବା ପାଇଁ ଦାବି ହେଉଥିବା ଜଣାପଡିଛି ।
