ନୂଆଦିଲ୍ଲୀ: ସରକାର ଗୁରୁବାର ୮ କୋର ସେକ୍ଟେରର ଉଣ୍ଡଷ୍ଟ୍ରିଜ ଗ୍ରୋଥ ପରିସଂଖନ ଜାରି କରିଛନ୍ତି । ସରକାରଙ୍କ ଦ୍ୱାରା ଜାରି କରାଯାଇଥିବା ଏହି ଡାଟା ଅନୁସାରେ କୋର ଇଣ୍ଡଷ୍ଟ୍ରିଜ ଅଭିବୃଦ୍ଧି ୯.୩ ପ୍ରତିଶତରୁ ବଢି ୧୮.୧ ପ୍ରତିଶତ ହୋଇଛି । ଏହାଛଡା କୋଇଲା ଉତ୍ପାଦନରେ ମାସିକ ଆଧାରରେ ବୃଦ୍ଧି ୨୫.୧ ପ୍ରତିଶତ ହୋଇଛି।
ତେବେ ଏପ୍ରିଲ-ମେ କୋର ଇଣ୍ଡଷ୍ଟ୍ରିଜ ଅଭିବୃଦ୍ଧି ଦୁର୍ବଳ ଥିଲା ଏବଂ ଏହା ହ୍ରାସ ହୋଇ ୧୩.୬ ପ୍ରତିଶତ ଥିଲା। ବାର୍ଷିକ ଆଧାରର ପରିସଂଖ୍ୟନକୁ ତୁଳନା କଲେ ଏପ୍ରିଲ-ମେ କୋର ଅଭିବୃଦ୍ଧି ୩୬.୩ ପ୍ରତିଶତରୁ ହ୍ରାସ ହୋଇ ୧୩.୬ ପ୍ରତିଶତକୁ ଖସିଥିଲା।
ଭିନ୍ନ-ଭିନ୍ନ ସେକ୍ଟରର ସରକାରୀ ଡାଟା ଅନୁସାରେ କୋଇଲା ଉତ୍ପାଦନରେ ମଧ୍ୟ ବୃଦ୍ଧି ଘଟିଛି । ମାସିକ ଆଧାରରେ କୋଇଲା ଉତ୍ପାଦନ ବଢି ୨୫.୧ ପ୍ରତିଶତ ହୋଇଛି । ଅନ୍ୟପଟେ ଅଶୋଧିତ ତୈଳ ଉତ୍ପାଦନରେ ମଧ୍ୟ ଅଭିବୃଦ୍ଧି ଦେଖିବାକୁ ମିଳିଛି । ଏହା ମାସିକ ଆଧାରରେ ୦.୯ ପ୍ରତିଶତରୁ ବଢି ୪.୬ ପ୍ରତିଶତ ହୋଇଛି ।
ଚଳିତ ଥର ରିଫାଇନରୀ ଉତ୍ପାଦନ ଏବଂ ପ୍ରାକୃତିକ ଗ୍ୟାସ ଉତ୍ପାଦନରେ ମଧ୍ୟ ବୃଦ୍ଧି ଦେଖିବାକୁ ମିଳିଛି । ଅନ୍ୟପଟେ ଡାଟା ଅନୁସାରେ ମାସିକ ଆଧାରରେ ରିଫାଇନରୀ ଉତ୍ପାଦନ ୯.୨ ପ୍ରତିଶତ ବଢି ୧୬.୭ ପ୍ରତିଶତରେ ପହଞ୍ଚିଛି । ସେହିପରି ପ୍ରାକୃତିକ ଗ୍ୟାସ ଉତ୍ପାଦନ ୬.୪ ପ୍ରତିଶତରୁ ବଢି ୭ ପ୍ରତିଶତ ହୋଇଛି।
ସେହିପରି ଇସ୍ପାତ ଉତ୍ପାଦନରେ ମଧ୍ୟରେ ଅଭିବୃଦ୍ଧି ଘଟିଛି । ଚଳିତ ଥର ଷ୍ଟିଲ ଉତ୍ପାଦନ ମାସିକ ଆଧାରରେ ୨.୨ରୁ ବଢି ୧୫ ପ୍ରତିଶତ ହୋଇଛି । ଅନ୍ୟପଟେ ସାର ଉତ୍ପାଦନରେ ମଧ୍ୟ ଭଲ ଅଭିବୃଦ୍ଧି ଦେଖିବାକୁ ମିଳିଛି । ଚଳିତ ଥର ସାର ଉତ୍ପାଦନ ୮.୭ରୁ ପ୍ରାୟ ତିନି ଗୁଣା ବୃଦ୍ଧି ପାଇ ୨୨.୮ ପ୍ରତିଶତ ହୋଇଛି ।
ସେହିପରି ସେମେଣ୍ଟ ଉତ୍ପାଦନରେ ମଧ୍ୟ ବଡ଼ ବୃଦ୍ଧି ଘଟିଛି । ସିମେଣ୍ଟ ଉତ୍ପାଦନରେ ମାସିକ ଆଧାରରେ ପ୍ରାୟ ୪ ଗୁଣା ବୃଦ୍ଧି ଦେଖିବାକୁ ମିଳିଛି । ସିମେଣ୍ଟ ଉତ୍ପାଦନ ୭.୪ ପ୍ରତଶତରୁ ବଢି ୨୬.୩ ପ୍ରତିଶତ ହୋଇଛି । ଏହାଛଡା ଚଳିତ ଥର ବିଜୁଳି ଉତ୍ପାଦନରେ ଦୁଇ ଗୁଣା ବୃଦ୍ଧି ଦେଖିବାକୁ ମିଳିଛି। ବିଜୁଳି ଉତ୍ପାଦନ ପ୍ରାୟ ଦୁଇ ଗୁଣା ବୃଦ୍ଧି ସହ ୧୧.୮ ପ୍ରତିଶତରୁ ୨୨ ପ୍ରତିଶତ ହୋଇଛି।
