ସୋର ୧୪/୦୨: ଜମିବାଡ଼ି ବିବାଦକୁ କେନ୍ଦ୍ରକରି ସଂଘର୍ଷ। ପଡ଼ୋଶୀଙ୍କ ଆକ୍ରମଣରେ ଗୋଟିଏ ପରିବାର ୭ଜଣ ଆହତ ହୋଇଛନ୍ତି । ସୋମବାର ବିଳମ୍ବିତ ରାତିରେ ବାଲେଶ୍ବର ଜିଲ୍ଲା ସୋର ଥାନା ତଳନଗରର ଗାଁର ଏଭଳି ଅଭବନୀୟ ଘଟଣା ଘଟିଛି ।
ତଳନଗରର ଗାଁରେ ଜମିବାଡ଼ି ଓ ଇଟା ରାସ୍ତାକୁ ଦୁଇଟି ପରିବାର ମଧ୍ୟରେ ସଂଘର୍ଷ ହୋଇଛି । ଗାଁର ମହେନ୍ଦ୍ର ରାଉତଙ୍କ ପରିବାରକୁ ତାଙ୍କ ପଡ଼ୋଶୀ ପ୍ରଫୁଲ୍ଲ ରାଉତଙ୍କ ପରିବାର ଘରେ ପଶି ଆକ୍ରମଣ କରିଥିବା ଅଭିଯୋଗ ହୋଇଛି । ଏଥିରେ ୭ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରୁ ୩ଜଣଙ୍କ ଅବସ୍ଥା ଗୁରୁତର ରହିଛି । ସମସ୍ତଙ୍କୁ ବାଲେଶ୍ବର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ପୂର୍ବର ଶତ୍ରୁତା ଓ ଜମିବାଡ଼ି ବିବାଦକୁ ନେଇ ସଂଘର୍ଷ ହୋଇଥିବା ଜଣାପଡ଼ିଛି । ସୋର ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
