ଆଠଗଡ ୨୫।୫: ବିଜେଡି ବିଧାୟକ ପ୍ରାର୍ଥୀ ତଥା ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ଵାଇଁ ୧୧୫ନଂ ବୁଥ ରାଧାଗୋବିନ୍ଦପୁର ଗ୍ରାମରେ ଭୋଟ୍ ଦେବା ସମୟରେ ଉତ୍ତେଜନା । ଦୁଇ ଗୋଷ୍ଠୀ ମଧ୍ୟରେ ମୁହାଁମୁହିଁ ହୋଇ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି । ପ୍ରଥମେ ହାତାହାତି ଏବଂ ପରେ ଚେୟାରରେ ଆକ୍ରମଣ । ଉଭୟ ଗୋଷ୍ଠୀଙ୍କ ମଧ୍ୟରେ ରକ୍ତାକ୍ତ ସଘର୍ଷ । ଉଭୟ ଗୋଷ୍ଠୀରୁ ୪ ଜଣ ଆହତ ହୋଇଛନ୍ତି । ଆହାତଙ୍କୁ ଆଠଗଡ଼ ମେଡିକାଲରେ ଭର୍ତ୍ତି କରାଯାଇଛି ।
ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ଵାଇଁ ଭୋଟ୍ ଦେବା ପାଇଁ ଧାଡ଼ିରେ ଛିଡା ହୋଇଥିବା ବେଳେ କିଛି ଯୁବକ ମନ୍ତ୍ରୀଙ୍କ ହାତ ଟାଣିଥିଲେ ବାହାରକୁ ବାହାରି କରିବାକୁ ଚେଷ୍ଟା କରୁଥିଲେ । ଏହାକୁ ବିରୋଧ କରି କିଛି ସ୍ଥାନୀୟ ଲୋକେ ଅଟକାଇବାକୁ ଚେଷ୍ଟା କରିଥିଲେ । ଫଳରେ ଉଭୟ ଗୋଷ୍ଠୀଙ୍କ ମଧ୍ୟରେ ଚାପା ଉତ୍ତେଜନା ଦେଖା ଦେଇଥିଲା । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ସ୍ଥିତି ନିୟନ୍ତ୍ରଣ କରିବା ପରେ ଏବେ ଶୃଙ୍ଖଳିତ ଭାବରେ ମତଦାନ ଚାଲୁ ରହିଛି ।
You Can Read :
ଶ୍ରୀ ଶ୍ରୀ ରଘୁନାଥଜୀଉଙ୍କ ପ୍ରସିଦ୍ଧ ଚନ୍ଦନ ଯାତ୍ରା, ପାରମ୍ପରିକ ଷଣ୍ଢ ନାଚ ଆକର୍ଷଣର କେନ୍ଦ୍ରବିନ୍ଦୁ