ସୋର ୧୩|୩ : ପୋଲିସକୁ ଦେଖି ବିବାହ ପାଇଁ ବାହାରିଥିବା ବର ଫେରାର । ଘଟଣା ଘଟିଛି ସୋର ତାଳନଗର ଅଞ୍ଚଳରେ । ବିବାହର ପ୍ରତିଶ୍ରୁତି ଦେଇ ଜଣେ ଉଚ୍ଚଶିକ୍ଷିତ ଯୁବତୀଙ୍କ ସହ ଶାରିରୀକ ସଂପର୍କ ରଖିବା ଏବଂ ତାଙ୍କୁ ଧୋକା ଦେଇ ଅନ୍ୟଜଣଙ୍କୁ ବିବାହ କରିବାକୁ ଯାଉଥିଲା ଇଂଜିନିୟର ବର । ତେବେ ପ୍ରତାରିତ ଯୁବତୀ ଜଣଙ୍କ ଏନେଇ ସୋର ଥାନାରେ ଅଭିଯୋଗ କରିବା ପରେ ପୋଲିସ ବିବାହସ୍ଥଳକୁ ଯାଇଥିଲା । ହେଲେ ପୋଲସ ପହଞ୍ଚିଥିବା ଜାଣି ବିବାହ କରିବାକୁ ଶୋଭାଯାତ୍ରା ଧରି ବାହାରୁଥିବା ବର ସେଠାରୁ ଚମ୍ପଟ ମାରିଛି ।  ପ୍ରତାରିତ ଯୁବତୀଙ୍କ ଅଭିଯୋଗ ଅନୁସାରେ ଦୀର୍ଘଦିନ ଧରି ସଂପୃକ୍ତ ଯୁବକଙ୍କ ସହ ତାଙ୍କର ସଂପର୍କ ରହିଛି । ହେଲେ ଇଂଜିନିୟର ଯୁବକ ଜଣଙ୍କ ତାଙ୍କୁ ଠକି ଅନ୍ୟ ଆଡେ ବିବାହ କରିବାକୁ ବାହାରିଥିଲା ।