scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବିବାହ ପରେ ପତ୍ନୀଙ୍କୁ ଧରି ଫେରୁଥିଲେ ଘରକୁ, ଅଧାବାଟରେ ବର କଲେ ଆତ୍ମହତ୍ୟା

12/02/2020 at 9:57 AM

ମୁରାଦାବାଦ ୧୨।୨: ବିବାହ ପରେ କନ୍ୟାକୁ ନେଇ ଘରକୁ ଫେରୁଥିବା ବର ଅଧା ରାସ୍ତାରେ ଆତ୍ମହତ୍ୟା କରିଛି । ମୁରାଦାବାଦରେ ଏଭଳି ଏକ ଅଭାବନୀୟ ଘଟଣା ଘଟିଛି । ଯୁବକ ଜଣଙ୍କ ନିଜ ଟାଇରେ ବେକରେ ବାନ୍ଧି ଗଛରେ ଆତ୍ମହତ୍ୟା କରିଥିବା ଜଣାପଡିଛି । ତେବେ ଆତ୍ମହତ୍ୟାର ପ୍ରକୃତ କାରଣ ଜଣାପଡିନାହିଁ ।

ସୂଚନାଯୋଗ୍ୟ ଯେ, ଗତ ସୋମବାର ଦିନ ବିବାହ ପରେ ବର କନ୍ୟା ଘରକୁ ଫେରିବା ସମୟରେ ଏଭଳି ଘଟଣା ଘଟିଛି । ଘରକୁ ଫେରିବା ବାଟରେ ଏକ ଢାବାରେ କାର୍ ଅଟକାଇ ଚା ପିଇଥିଲେ ସମସ୍ତେ । ଢାବାରେ ଖାଇବା ଅର୍ଡର ଦେଇ ଶୌଚ ହେବା ବାହାନାରେ ଯୁବକ ଜଣଙ୍କ ପଳାଇଥିଲେ । ଏହାପରେ ଆଉ ସେ ଫେରିନଥିଲେ । ଘର ଲୋକ ବହୁ ଖୋଜା ଖୋଜି କରିଥିଲେ ତାଙ୍କୁ । ମାତ୍ର ତାଙ୍କୁ ପାଇନଥିଲେ । ତାପର ଦିନ ଅର୍ଥାତ୍ ମଙ୍ଗଳବାର ଦିନ ପୋଲିସ ଉକ୍ତ ଢାବାଠାରୁ ଦୁଇ କିଲୋମିଟର ଦୂରରୁ ଯୁବକଙ୍କ ମୃତଦେହ ଗଛରୁ ଝୁଲନ୍ତା ଅବସ୍ଥାରେ ଉଦ୍ଧାର କରିଥିଲା । ପୋଲିସ ମୃତଦେହ ଜବତ କରି ପୋଷ୍ଟମର୍ଟମ ପାଇଁ ପଠାଇଥିଲା । ପୋଷ୍ଟ ମର୍ଟମ ରିପୋର୍ଟରେ ଝୁଲିବା କାରଣରୁ ତାଙ୍କର ମୃତ୍ୟୁ ହୋଇଥିବା ସ୍ପଷ୍ଟ ହୋଇଥିଲା ।

ମୃତ ଯୁବକ ଜଣଙ୍କ ହେଉଛନ୍ତି ସୌଦନଗଲି ସ୍ଥିତ କୁଆଣ୍ଡାଲି ଗାଁର ଦୁଶ୍ୟନ୍ତ ଗିରି । ତାଙ୍କ ବୟସ ୨୨ ବର୍ଷ ବୋଲି ଜଣାପଡିଛି । ସେ ମେରଠ ଫଫୁଡା ସ୍ଥିତ ଏକ ପେଟ୍ରୋଲ ପମ୍ପରେ ସେଲ୍ସମ୍ୟାନ୍ ଭାବେ କାର୍ଯ୍ୟ କରୁଥିଲେ । ତାଙ୍କ ପରିବାରରେ ତାଙ୍କ ମାଙ୍କ ସହ ଦୁଇ ଭାଇ ଏବଂ ୩ ଭଉଣୀ ମଧ୍ୟ ଅଛନ୍ତି । ଦୁଶ୍ୟନ୍ତ ବରେଲି ନଓ୍ବାବଗଞ୍ଜ ସ୍ଥିତ କୁତକାପୁର ଗାଁର ଓମପ୍ରକାଶ ଗୋସ୍ବାମୀଙ୍କ ବିବାହ କରିଥିଲେ । ଉଭୟ ପ୍ରେମ ବିବାହ କରିଥିଲେ । ସୋମବାର ସକାଳେ ଦୁଶ୍ୟନ୍ତ କୁତକାପୁର ବର ହୋଇ ଯାଇଥିଲେ । ଦ୍ବିପ୍ରହରରେ ବିବାହ ସମ୍ପନ୍ନ ହୋଇଥିଲା । ସଂଧ୍ୟା ବେଳେ ସେ ତାଙ୍କ ନବବିବାହିତା ପତ୍ନୀଙ୍କୁ ସାଙ୍ଗରେ ନେଇ ଘରକୁ ଫେରୁଥିଲେ । ଉଭୟ ସ୍ବାମୀ-ସ୍ତ୍ରୀଙ୍କ ସହ କାର୍ ରେ ଦୁଶ୍ୟନ୍ତ ଦୁଇ ଭାଇ ଫଟୋଗ୍ରାଫର ଏବଂ ଗାଡି ଚାଳକ ଥିଲେ ।

   Related Posts