vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ୟୁକ୍ରେନରେ ଋଷର ଘନଘନ ଆକ୍ରମଣ, ଲୁହାଂସ୍କକୁ କବଜା କଲା ପୁଟିନ ସେନା
  • ||
  • ସେୟାର ବଜାରରେ ଉତ୍ସାହ : ଆରମ୍ଭରୁ ସବୁଜ ରଙ୍ଗରେ ଖୋଲିଲା ସେନସେକ୍ସ ଓ ନିଫ୍ଟି
  • ||
  • ‘ଶିବସେନାକୁ ଶେଷ କରିବାକୁ ଚାହୁଁଚି ବିଜେପି’ : ଗୁରୁତର ଅଭିଯୋଗ ଆଣିଲେ ଉଦ୍ଧବ
  • ||
  • କାହିଁକି ମ୍ୟାଚରେ ପଛେଇଗଲା ଭାରତ ? କାରଣ କହିଲେ ବ୍ୟାଟିଂ କୋଚ୍
  • ||
  • ଭୂମିକମ୍ପରେ ଥରିଲା ଆଣ୍ଡାମାନ-ନିକୋବର, ରିକ୍ଟର ସ୍କେଲରେ ତୀବ୍ରତା ୫.୦
  • ||
  • ଲଘୁଚାପ ପ୍ରଭାବରେ ୪ ଦିନ ପ୍ରବଳ ବର୍ଷା, ଅଧିକ ଭିଜିବ ଏହି ସବୁ ଜିଲ୍ଲା
  • ||
  • ବୁମରାହଙ୍କ ପଡିଆ ଛାଡିବା ଟିମ୍‌କୁ ପଡିଲା ମହଙ୍ଗା, ଦୁଇଟି ରିଭ୍ୟୁ ବରବାଦ କଲେ ପନ୍ତ
  • ||

ବିଳାସପୂର୍ଣ୍ଣ ଶୟନ କକ୍ଷ, ରାଜକୀୟ ଖାଦ୍ୟ ଏବଂ ସୁଇମିଂ ପୁଲ୍…ଦୋସ୍ତମଙ୍କ ମହଲରେ ଅଏଶ କରୁଛନ୍ତି ତାଲିବାନୀ

13/09/2021 at 8:50 PM

ନୂଆଦିଲ୍ଲୀ ୧୩/୦୯ : ତାଲିବାନୀ ନିଜର ସବୁଠାରୁ କଟ୍ଟର ଶତ୍ରୁଙ୍କ ମଧ୍ୟରୁ ଜଣକୁ ଆଫଗାନିସ୍ତାନର ପଳାୟନ ପୂର୍ବତନ ଉପରାଷ୍ଟ୍ରପତି ଓ ୱାରଲର୍ଡ ଅବଦୁଲ ରଶିଦ ଦୋସ୍ତମଙ୍କ ଆକର୍ଷଣୀୟ କାବୁଲ ହବେଲିରେ କବଜା କରିଛନ୍ତି। ହବେଲି ବର୍ତ୍ତମାନ ତାଲିବାନୀଙ୍କ ହାତରେ। ଏହି ଭବ୍ୟ ହବେଲି କଟ୍ଟର ଇସ୍ଲାମିବାଦିଙ୍କୁ ଆଫଗାନିସ୍ତାନର ପୂର୍ବତନ ଶାସକଙ୍କ ଜୀବନର ଏକ ଝଲକ ମଧ୍ୟ ଦେଖାଇଛି।

ଦୋସ୍ତମ ଆଫଗାନିସ୍ତାନ ଛାଡି ଚାଲିଯିବା ପରେ ବର୍ତ୍ତମାନ ସେଠାରେ ତାଲିବାନୀ କବଜା କରିନେଇଛନ୍ତି। ପୁରା ମହଲରେ ସେମାନେ ବୁଲାବୁଲି କରୁଛନ୍ତି। ତାଙ୍କ ବିଛଣାରେ ଶୋଉଛନ୍ତି।

ତାଲିବାନୀ ଭିଡିଓ କରି ଦର୍ଶାଉଛନ୍ତି ଯେ, ଦୋସ୍ତମ କିଭଳି ଜଣେ ରାଜା ଭଳି ରହୁଥିଲେ। କବଜା ପରେ ତାଲିବାନୀଙ୍କ ଏମିତି ଅନେକ ଭିଡିଓ ସାମ୍ନାକୁ ଆସିଥିଲା ଯେଉଁଥିରେ ସେମାନେ ସ୍ନୁକର ଖେଳୁଥିବା ଓ ପିଲାଙ୍କ ଗାଡି ଚଲାଉଥିବା ନଜର ଆସିଥିଲେ।

ମହଲରେ ଏକ ଚୌଡା ଆପଲ ଗ୍ରୀନ ରଙ୍ଗର କାର୍ପେଟ ସହ ଏକ ଅନ୍ତହୀନ ଗାଲିଚା ନଜର ଆସିଛି ଯେଉଁଠାରେ ଜଣେ ତାଲିବାନୀ ନିଜର ରାଇଫଲ ସହ ସୋଫାରେ ଶୋଇଛି। ସୋଫାରେ ଶୋଇଥିବା ତାଲିବାନୀ କାରି ସଲାହୁଦ୍ଦିନ ଅୟୁବୀଙ୍କ ବ୍ୟକ୍ତିଗତ ସୁରକ୍ଷାକର୍ମୀ।

ସଲାହୁଦ୍ଦିନ ଅୟୁବୀ ତାଲିବାନୀ ଶାସନର ସବୁଠାରୁ ଶକ୍ତିଶାଳୀ କମାଣ୍ଡୋଙ୍କ ମଧ୍ୟରୁ ଜଣେ। ଗତ ଅଗଷ୍ଟ ୧୫ ତାରିଖରେ କାବୁଲରେ ତାଲିବାନର ନିୟନ୍ତ୍ରଣ ସ୍ଥାପିତ ହେବା ଦିନ ହିଁ ସଲାହୁଦ୍ଦିନ ଅୟୁବୀ ମଧ୍ୟ ହବେଲିରେ ୧୫୦ ଲୋକଙ୍କୁ ନେଇ ନିଜର କମ୍ପାନୀ ତିଆରି କରିଥିଲେ।

ଦୋସ୍ତମ ଅନେକ ବର୍ଷ ହେଲା ତୁର୍କୀରେ ରହି ନିଜର ଚିକିତ୍ସା କରୁଥିଲେ। ଅଗଷ୍ଟରେ ତୁର୍କୀରୁ ଫେରି ଆସିଥିଲେ ଓ ନିଜ ପ୍ରାନ୍ତକୁ ତାଲିବାନ କବଜାରୁ ରକ୍ଷା କରିବାକୁ ଚେଷ୍ଟା କରିଥିଲେ। କିନ୍ତୁ ସଫଳ ନ ହେବାରୁ ସେ କାବୁଲ ଛାଡି ଚାଲି ଯାଇଥିଲେ। ବର୍ତ୍ତମାନ ସେ ଉଜବେକିସ୍ତାନରେ ଥିବ ଖବର ରହିଛି। ସେ ୨୦୧୪ ସେପ୍ଟେମ୍ବର ୨୯ରୁ ୨୦୨୦ ଯାଏଁ ଆଫଗାନିସ୍ତାନ ଉପରାଷ୍ଟ୍ରପତି ଥିଲେ।

ଦୋସ୍ତମ ଆଫଗାନିସ୍ତାନର ଉତ୍ତରରେ ସବୁଠାରୁ ବଡ ମିଲିସିଆର ନେତୃତ୍ୱ ନେଇଥିଲେ। ୧୯୯୦ ରେ ଯେତେବେଳେ ତାଲିବାନୀ ସମଗ୍ର ଦେଶ ଉପରେ ଆକ୍ରମଣ କରିଥିଲେ ସେତେବେଳେ ସେ ଉତ୍ତରରେ ବିଦ୍ରୋହର ଦାୟିତ୍ୱ ନେଇଥିଲେ। କୁହାଯାଏ ଯେ ସେ ହଜାର ହଜାର ତାଲିବାନୀଙ୍କୁ କଏଦ କରି ମୃତ୍ୟୁ ଦଣ୍ଡ ଦେଇଥିଲେ। ମିଲିସିଆରୁ ଆଫଗାନିସ୍ତାନ ସରକାରଙ୍କର ବହୁତ ଆଶା ଥିଲା। ତଥାପି ଏହା ନିରାଶାଜନକ ଥିଲା।

   Related Posts