କଟକ ୨୦/୦୭: କଟକରେ ବାଲ୍ୟ ବିବାହ । ତାହା ପୁଣି ବଳ ପୂର୍ବକ । କୌଣସି ଉପାନ୍ତ ଅଞ୍ଚଳ ନୁହେଁ ବରଂ କଟକ ଗଡଗଡିଆ ମନ୍ଦିରରେ । ଆଠଗଡ଼ ଗୁରୁଡିଝାଟିଆ ଅଞ୍ଚଳର ଜଣେ ନାବାଳିକାକୁ ତାଙ୍କ ପରିବାର ଲୋକେ ଜୋର ଜବରଦସ୍ତ ମଧ୍ୟ ପ୍ରଦେଶର ଅଞ୍ଚଳର ଜଣେ ଯୁବକ ସହ ବାହା କରାଉଥିବା ବେଳେ ନାବାଳିକାର ଅଜା ଚାଇଲ୍ଡ ଲାଇନକୁ ଖବର ଦେଇଥିଲେ ।

ଚାଇଲ୍ଡ ଲାଇନ ଘଟଣା ସ୍ଥଳରେ ପହଞ୍ଚିବା ସହ ପୋଲିସକୁ ଖବର ଦେଇଥିଲେ । ହେଲେ ପୋଲିସ ପହଞ୍ଚି ବା ବେଳକୁ ବର ଫେରାର ହୋଇଯାଇଥିଲେ । ଦୁଇ ଜଣ ଦଲାଲ୍ ସହ ପରିବାର ଲୋକଙ୍କୁ କ୍ୟାଣ୍ଟନମେଣ୍ଟ ଥାନାକୁ ଆଣିଥିଲେ ପୋଲିସ । ଏହା ପରେ ପୋଲିସ ସେମାନଙ୍କୁ ଅଟକ ରଖିବା ସହ ନାବାଳିକାକୁ ସିଡବ୍ଲ୍ୟୁସିରେ ହାଜର କରାଇଥିଲା । ସେପଟେ ଅଜା ନାତୁଣୀର ଭବିଷ୍ୟତ ଅନ୍ଧାର ହେଉଥିବା ଜାଣି ଏପରି ପଦକ୍ଷେପ ନେଇଥିବାରୁ ସମସ୍ତେ ପ୍ରଶଂସା କରୁଛନ୍ତି ।

CWC ଅଧଃକ୍ଷ ଙ୍କ କହିବାନୁସାରେ, ବୁଧବାର ଅପରାହ୍ନରେ କଟକ ଗଡ଼ଗଡ଼ିଆ ମନ୍ଦିରରେ ଏକ ନାବାଳିକାକୁ ବଳ ପୂର୍ବକ ବିବାହ କରଯାଉଥିଲା । ଯାହାର ଖବର ପାଇ CWC ଘଟଣା ସସ୍ଥଳରେ ପହଞ୍ଚି ନାବାଳିକାକୁ ଉଧାର କରିଥିଲେ । ଏହା ସହ ସ୍ଥାନୀୟ ପୋଲିସର ସହାୟତାରେ ଦୁଇ ଜଣ ମିଡ଼ିଲ ମ୍ୟାନଙ୍କୁ ଅଟକ ରଖାଯାଇଥିଲା ।

ବର୍ତ୍ତମାନ ଉକ୍ତ ନାବାଳିକା ଜଣଙ୍କ ସିଡିଏ ବସୁନ୍ଧରାରେ ରହିଥିବାବେଳେ ତାହାର ବୟାନ ରେକର୍ଡ ହୋଇଛି । ଆହୁରି ତଦନ୍ତ ବାକି ରହିଛି । ତେବେ ମାନବ ଚାଲାଣର ଅଭିଯୋଗ ନେଇ କ୍ୟାଣ୍ଟନମେଣ୍ଟ ଥାନାରେ ଏତଲା ଦିଆଯାଇଛି । କାହିଁକି ଓ କେଉଁ ପରିସ୍ଥିତିରେ ଏହି ବିବାହ କରାଯାଉଥିଲା ତାହାର ପୁଙ୍ଖାନୁପୁଙ୍ଖ ତଦନ୍ତ ଜାରି ରହିଛି ବୋଲି କହିଛନ୍ତି CWC ଅଧକ୍ଷ ।

ସେହିଭଳି କଟକ ଖାନ ନଗର ଅଞ୍ଚଳର ଲୋକନାଥ ସାହୁ ଜଣେ ନାବାଳିକାଙ୍କୁ ବିବାହ କରିବା ପରେ ଭୋଜି ଚାଲିଥିବା ବେଳେ ପୋଲିସ ଓ CWC ଟିମ୍ ଚଢାଉ କରି ନାବାଳିକାଙ୍କୁ ବସୁନ୍ଧରାରେ ଛାଡିଥିଲା । ନାବାଳିକା ବିବାହ କରିବା ଏକ ଅପରାଧ ଓ ଏଥିପାଇଁ କଡା ଆଇନ ରହିଥିବା କଥା କହିଛନ୍ତି CWC ର କଟକ ଅଧ୍ୟକ୍ଷ ।

you can also read…