scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଆସୁଛି ବିକଳ୍ପ, ଆମାଜନ୍‌ ଏବଂ ଫ୍ଲିପ୍‌କାର୍ଟକୁ ଟକ୍କର ଦେବ ସରକାରଙ୍କ ଓଏନ୍‌ଡିସି ଆପ୍‌, ଜାଣନ୍ତୁ କଣ ରହିଛି ବିଶେଷତ୍ୱ

12/07/2021 at 5:28 PM

ନୂଆଦିଲ୍ଲୀ, ୧୨/୦୭: ସରକାର ୟୁପିଆଇକୁ ଆଧାର କରି ନିଜର ନେଟ୍‌ୱାର୍କ ଫର୍‌ ଡିଜିଟାଲ୍‌ କମର୍ସ ପ୍ଲାଟ୍‌ଫର୍ମ ପ୍ରସ୍ତୁତ କରିବାକୁ ଯାଉଛନ୍ତି । ସରକାର ଏହି ପ୍ଲାଟ୍‌ଫର୍ମ ଜରିଆରେ ବିକ୍ରେତା ଏବଂ ଲଜିଷ୍ଟିକ୍‌ ସେବା କମ୍ପାନୀମାନଙ୍କ ସହ କିଣୁଥିବା ବ୍ୟକ୍ତିଙ୍କୁ ସଂଯୋଗ କରିବାକୁ ଯୋଜନା ରଖିଥିବା ଜଣାପଡ଼ିଛି ।

ଯଦି ସରକାରଙ୍କ ଏହି ପ୍ଲାଟ୍‌ଫର୍ମ ଓଏନ୍‌ଡିସି ମଡେଲ୍‌ ସଫଳ ହୁଏ ତେବେ ଏହା ଆମାଜନ୍‌ ଏବଂ ଫ୍ଲିପ୍‌କାର୍ଟ ଭଳି କମ୍ପାନୀଙ୍କ ସହିତ ପ୍ରତିଦ୍ୱନ୍ଦିତା କରିପାରିବ । ୟୁପିଆଇ ଭିଳି ବଡ଼ ବଡ଼ ବେସରକାରୀ କମ୍ପାନୀଗୁଡ଼ିକ ଏଥିରେ ଯୋଡ଼ି ହେବା ନେଇ ସରକାର ଆଶା ରଖିଛନ୍ତି । ବିଶେଷ ସୂତ୍ରରୁ ଜଣାପଡ଼ିଛି ଯେ, ଓଏନ୍‌ଡିସି ଇ-ମେଲ୍‌ ଭଳି ହେବ । ଯେଉଁଥିରେ ମେଲ୍‌ ପଠାଇଥିବା ବ୍ୟକ୍ତି ଏବଂ ଏହା ଗ୍ରହଣ କରିଥିବା ବ୍ୟକ୍ତି ଗୋଟିଏ ପ୍ଲାଟ୍‌ଫର୍ମର ହୋଇଥିବା ଜରୁରୀ ନୁହେଁ । ଜଣେ ଗୁଗୁଲ୍‌ର ହୋଇପାରେ ତ ଆଉଜଣେ ୟାହୁର ହୋଇପାରନ୍ତି ବୋଲି କୁହାଯାଇଛି ।

ଏହି ନେଟ୍‌ୱାର୍କରେ ଉପଭୋକ୍ତାଙ୍କୁ ଲଗ୍‌ ଇନ୍‌ କରିବାକୁ ପଡ଼ିବ । ଏଥି ସହିତ ନିଜର ଆବଶ୍ୟକତା ଅନୁସାରେ ପ୍ରଡକ୍ଟ ଏବଂ ସର୍ଭିସେସ୍‌ର ଚୟନ କରିପାରିବେ ଉପଭୋକ୍ତା । ସ୍ଥାନ ହିସାବରେ ବିକ୍ରେତାଙ୍କ ହିସାବ ଲିଷ୍ଟ ପ୍ରସ୍ତୁତ କରାଯିବ । ଏଥିରେ ଅନେକ ପ୍ରଡକ୍ଟର ଦାମ୍‌ ସହ ଡିଟେଲ୍ସ୍‌ ମଧ୍ୟ ସାମିଲ୍‌ ରହିବ । କିଣୁଥିବା ବ୍ୟକ୍ତି ନିଜର ମନ ମୁତାବକ ବିକ୍ରେତାଙ୍କ ଚୟନ କରିପାରିବେ । ତେବେ ଏହା ଲଞ୍ଚ୍‌ ହେବା ପରେ ଏହାର ଲୋକପ୍ରିୟତା କେତେ ରହିବ ସେ ନେଇ ଆଲୋଚନା ହେଉଛି ।  

   Related Posts