ନୂଆଦିଲ୍ଲୀ: କୃଷକଙ୍କ ରୋଜଗାର ବଢାଇବା ସହ ଦେଶର କୃଷି ଉତ୍ପାଦକୁ ବୈଶ୍ୱିକ ବଜାରରେ ସଶକ୍ତ କରାଇବା ପାଇଁ ମୋଦୀ ସରକାର ବଡ଼ ନିଷ୍ପତ୍ତି ନେଇଛନ୍ତି । ବାସୁମତି ଚାଉଳ ରପ୍ତାନୀ ଉପରେ ଲାଗିଥିବା ସର୍ବନିମ୍ନ ମୂଲ୍ୟ ସୀମାକୁ ହଟାଇ ସରକାର ଚାଷୀ ଏବଂ ବ୍ୟବସାୟୀଙ୍କୁ ବଡ଼ ଆଶ୍ୱସ୍ତି ଦେଇଛନ୍ତି । ଏହାସହ ରିଫାଇଣ୍ଡ ତେଲ ଉପରେ ଡ୍ୟୁଟି ଟ୍ୟାକ୍ସ ବଢାଇବା ଏବଂ ପିଆଜ ରପ୍ତାନୀ ଉପରେ କଟକଣା ହଟାଇବା ପରି ନିଷ୍ପତ୍ତି ନେଇ କୃଷି କ୍ଷେତ୍ରକୁ ନୂଆ ଦିଗ ଦେବାକୁ ପ୍ରୟାସ କରିଛନ୍ତି । ଉଲ୍ଲେଖଯୋଗ୍ୟ ଯେ ଆଗାମୀ କିଛି ମାସରେ ହରିୟାଣା ସହ ମହାରାଷ୍ଟ୍ରରେ ମଧ୍ୟ ନିର୍ବାଚନ ହେବ, ତେଣୁ ସରକାରଙ୍କ ନିଷ୍ପତ୍ତି ଏହି ରାଜ୍ୟର ସ୍ଥାନୀୟ ଚାଷୀଙ୍କୁ ବଡ଼ ଲାଭ ଦେଇପାରେ ।
देश की खाद्य सुरक्षा के लिए दिन-रात जुटे रहने वाले अपने किसान भाई-बहनों के हित में हम कोई कोर-कसर नहीं छोड़ रहे हैं। चाहे प्याज का निर्यात शुल्क कम करना हो या खाद्य तेलों का आयात शुल्क बढ़ाना, ऐसे कई फैसलों से हमारे अन्नदाताओं को बहुत लाभ होने वाला है। इनसे जहां उनकी आय बढ़ेगी,… pic.twitter.com/CgOSes5W6R
— Narendra Modi (@narendramodi) September 14, 2024
ମୋଦୀ ସରକାର ବାସୁମତି ଚାଉଳ ରପ୍ତାନୀ ଉପରେ ଲାଗୁ କରାଯାଇଥିବା ସର୍ବନିମ୍ନ ରପ୍ତାନୀ ମୂଲ୍ୟ (ଏମଇପି) ସୀମାକୁ ହଟାଇବା ପରି ବଡ଼ ନିଷ୍ପତ୍ତି ନେଇଛନ୍ତି । ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରଣାଳୟ ଶନିବାର ଏକ ବୟାନ ଜାରି କରି ଏହି ନିଷ୍ପତ୍ତି ବବାଦରେ ଜଣାଇଛି । ସରକାରଙ୍କ ଏହି ପଦକ୍ଷେପ ଚାଷୀଙ୍କ ଆୟ ବଢାଇବା ଉଦ୍ଦେଶ୍ୟରେ ନିଆଯାଇଛି ବୋଲି କୁହାଯାଇଛି ।
ଉଲ୍ଲେଖଯୋଗ୍ୟ ଯେ ୨୦୨୩ ଅଗଷ୍ଟରେ ବାସୁମତି ଚାଉଳ ରପ୍ତାନୀ ପାଇଁ ପ୍ରତି ମ୍ୟାଟ୍ରିକ୍ ଟନ୍ ୧୨୦୦ ଆମେରିକୀୟ ଡଲାରର ସର୍ବନିମ୍ନ ସୀମା ଧାର୍ଯ୍ୟ କରାଯାଇଥିଲା । ଏହାଦ୍ୱାରା ଘରୋଇ ଯୋଗାଣ ଏବଂ ଦର ବୃଦ୍ଧିକୁ ନିୟନ୍ତ୍ରଣ କରାଯାଇ ପାରିବ । ଏବେ ସରକାରଙ୍କ ନିଷ୍ପତ୍ତି ପରେ ଏପିଡା (APEDA) ଏବେ ରପ୍ତାନୀ ଅନୁବନ୍ଧ ଉପରେ କଡ଼ା ନଜର ରଖିବ, ଫଳରେ ବାସୁମତି ଚାଉଳର ମୂଲ୍ୟରେ ପରାଦର୍ଶିତା ରହିବା ସହ ମୂଲ୍ୟକୁ ନିୟନ୍ତ୍ରଣରେ ରଖାଯାଇପାରିବ । ସରକାର ପିଆଜ ରପ୍ତାନୀ ଉପରେ ମଧ୍ୟ ଏମଇପି ହଟାଇବା ପାଇଁ ନିଷ୍ପତ୍ତି ନେଇଛନ୍ତି । ସରକାରଙ୍କ ଏହି ପଦକ୍ଷେପ ଦ୍ୱାରା ଚାଷୀଙ୍କୁ ସିଧା ଲାଭ ପହଞ୍ଚିବ ।
