ଭୁବନେଶ୍ୱର ୨୫।୧୨ : ଗୋବିନ୍ଦ ସାହୁ ଆତ୍ମହତ୍ୟା ଘଟଣା । ମାମଲାର ତଦନ୍ତ କରିବେ ବିଚାର ବିଭାଗୀୟ ମାଜିଷ୍ଟ୍ରେଟ୍‌ । ଏନେଇ ନିର୍ଦ୍ଦେଶ ଦେଲେ ଜେଲ୍‌ ଡିଜି ମନୋଜ ଛାବ୍ରା ।

ସେହିପରି ଗୋବିନ୍ଦ ସାହୁଙ୍କ ପୋଷ୍ଟ ମର୍ଟମ ରିପୋର୍ଟ ଓ ଭିସେରା ରିପୋର୍ଟ ମାଜିଷ୍ଟ୍ରେଟ୍‌କୁ ଦିଆଯିବ । ଏନଏଚଆରସି ଗାଇଡଲାଇନ୍ ଅନୁଯାୟୀ ତଦନ୍ତକୁ ତ୍ବରାନ୍ବିତ କରାଯିବ । ଏନେଇ ବଲାଙ୍ଗିର ଜିଲ୍ଲାପାଳଙ୍କୁ ଚିଠି ଲେଖିଛନ୍ତି ଜେଲ ଡିଜି ।

ସୂଚନାଯୋଗ୍ୟ ଯେ, ବହୁ ଚର୍ଚ୍ଚିତ ମମିତା ମେହେର ହତ୍ୟା ମାମଲାରେ ବିଚାରାଧିନ କଏଦୀ ଥିଲେ ଗୋବିନ୍ଦ । ହେଲେ ଗତ ୨୦ ତାରିଖ ଦିନ କଣ୍ଟାବାଂଜି ଜେଲ୍ ରେ ବନ୍ଦୀ ଥିବା ଗୋବିନ୍ଦ ଏକ ଗଛରେ ଗାମୁଛା ଲଗାଇ ଝୁଲିପଡିଥିଲେ । ଗୋବିନ୍ଦଙ୍କୁ ହସ୍ପିଟାଲ୍ ନିଆଯାଇଥିଲେ ମଧ୍ୟ ଡାକ୍ତର ମୃତ୍ୟୁ ଘୋଷଣା କରିଥିଲେ ।