ହରିୟାଣା ୦୩।୦୭: ଅବିବାହିତମାନଙ୍କୁ ମଧ୍ୟ ପେନସନ ଦେବାକୁ ସରକାର ବର୍ତ୍ତମାନ ପ୍ରସ୍ତୁତ ହେଉଛନ୍ତି। ଏକ ମାସ ମଧ୍ୟରେ ଏହା ଉପରେ ନିଷ୍ପତ୍ତି ନିଆଯିବ ବୋଲି ରାଜ୍ୟ ସରକାର କହିଛନ୍ତି। ଏହି ଯୋଜନା ଅଧୀନରେ, ଯେଉଁମାନେ ଏପର୍ଯ୍ୟନ୍ତ ବିବାହ କରିନାହାଁନ୍ତି ସେମାନଙ୍କୁ ଲାଭ ଦିଆଯିବ । ଏଭଳି ପେନ୍‌ସନ୍‌ ଯୋଜନା ଆଣିବାକୁ ହରିୟାଣା ସରକାର ଏକ ପ୍ରକାରର ପ୍ଲାନ୍‌ ଆରମ୍ଭ କରିଛନ୍ତି। ୪୫ ରୁ ୬୦ ବର୍ଷ ବୟସର ଅବିବାହିତ ଲୋକଙ୍କୁ ପେନସନ ଦେବା ସରକାରଙ୍କ ଯୋଜନା। ଯେଉଁଥିରେ ଉଭୟ ମହିଳା ଏବଂ ପୁରୁଷ ସୁବିଧା ପାଇବେ। ପେନ୍‌ସନ୍‌ର ପରିମାଣ ଏବଂ ଏହା କିପରି ଉପକୃତ ହେବ ସେ ସମ୍ବନ୍ଧରେ ସୂଚନା ଏହି ଯୋଜନା ଅନୁମୋଦନ ପରେ ନିଆଯିବ। ଖୁବ ଶୀଘ୍ର ନିଷ୍ପତ୍ତି ନିଆଯିବ ବୋଲି ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର କହିଛନ୍ତି।

ଏହି ପେନସନ ଯୋଜନାର ଲାଭ କିଏ ପାଇବ –

ଜନସମ୍ଵାଦ ସମୟରେ ୬୦ ବର୍ଷ ବୟସ୍କା ଅବିବାହିତ ବ୍ୟକ୍ତିଙ୍କ ପେନ୍‌ସନ୍‌ ସମ୍ବନ୍ଧୀୟ ଅଭିଯୋଗର ଉତ୍ତର ଦେଇଥିବାବେଳେ ହରିୟାଣାର ମୁଖ୍ୟମନ୍ତ୍ରୀ ଏହି ଯୋଜନା ଆରମ୍ଭ କରିବା ବିଷୟରେ ସୂଚନା ଦେଇଛନ୍ତି। କେବଳ ଅବିବାହିତ ଲୋକମାନେ ଏହି ପେନସନ୍ ଯୋଜନା ଅଧୀନରେ ଲାଭ ପାଇବେ। ଏହା ସହିତ, ସେହି ନାଗରିକ ମଧ୍ୟ ହରିୟାଣାର ବାସିନ୍ଦା ହେବା ଉଚିତ୍ । ଏହା ବ୍ୟତୀତ ତାଙ୍କ ଆୟ ବାର୍ଷିକ ୧.୮୦ ଲକ୍ଷରୁ ଅଧିକ ହେବା ଉଚିତ୍ ନୁହେଁ ।

କେତେ ଲୋକଙ୍କୁ ମିଳିବ ଲାଭ –

କେତେକ ରିପୋର୍ଟରେ କୁହାଯାଇଛି ଯେ ଏହି ଯୋଜନା କାର୍ଯ୍ୟକାରୀ ହେବା ସହିତ ରାଜ୍ୟର ୧.୨୫ ଲକ୍ଷ ଲୋକ ପେନସନ ସୁବିଧା ପାଇବେ। ବର୍ତ୍ତମାନ ହରିୟାଣା ସରକାର ନାଗରିକମାନଙ୍କୁ ବୃଦ୍ଧାବସ୍ଥା, ବିଧବା, ଭିନ୍ନକ୍ଷମ ପେନସନ୍ ପ୍ରଦାନ କରୁଛନ୍ତି।

ଏହି ପେନସନ୍ ଯୋଜନା ଆଣିବାକୁ ମଧ୍ୟ ସରକାର ବିଚାର କରୁଛନ୍ତି–

ବୃଦ୍ଧାବୃଦ୍ଧ ପେନ୍‌ସନ୍‌ ଯୋଜନା ଅଧୀନରେ ହରିୟାଣା ସରକାର ତିନି ହଜାର ଟଙ୍କା ପେନ୍‌ସନ ପ୍ରଦାନ କରୁଛନ୍ତି। ଅବିବାହିତ ପେନସନ ଯୋଜନା ଅଧୀନରେ ଏହି ରାଶି ଦିଆଯାଇପାରେ ବୋଲି ଆଶା କରାଯାଉଛି ।