scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

‘ଯବାନଙ୍କ ଜୀବନଠୁ କ୍ରିକେଟ ଗୁରୁତ୍ୱପୂର୍ଣ୍ଣ ନୁହେଁ, ପାକିସ୍ତାନ ସହ କୌଣସି ମ୍ୟାଚ୍ ନ ହେଉ’- ଗମ୍ଭୀର

27/02/2021 at 11:32 AM

ନୂଆଦିଲ୍ଲୀ,୨୭/୦୨: ଭାରତୀୟ କ୍ରିକେଟ ଦଳର ପୂର୍ବତନ ଓପନର ତଥା ବିଜେପି ସାଂସଦ ଗୌତମ ଗମ୍ଭୀର ପାକିସ୍ତାନ ସହ କ୍ରିକେଟ ମ୍ୟାଚକୁ ନେଇ ବଡ ବୟାନ ଦେଇଛନ୍ତି । ଭାରତ ଭବିଷ୍ୟତରେ ପାକିସ୍ତାନ ସହ କୌଣସି ମ୍ୟାଚ୍ ନଖେଳୁ ବୋଲି ଗମ୍ଭୀର କହିଛନ୍ତି । ଶୁକ୍ରବାର ସାମ୍ବାଦିକଙ୍କ ସହ ଆଲୋଚନା ବେଳେ ଦେଶର ଯବାନଙ୍କ ଜୀବନ କ୍ରିକେଟଠୁ ଅଧିକ ଗୁରୁତ୍ୱପୂର୍ଣ୍ଣ । ପାକିସ୍ତାନ ସୀମା ପାର୍ ଆତଙ୍କବାଦ ବନ୍ଦ ନକଲେ କୌଣସି ମ୍ୟାଚ୍ ନହେଉ ବୋଲି ସେ କହିଛନ୍ତି ।

ଗମ୍ଭୀର ସାମ୍ବାଦିକଙ୍କୁ କହିଛନ୍ତି ଯେ, କ୍ରିକେଟ ବହୁତ ଛୋଟ କଥା ଓ ଛୋଟ ପ୍ରସଙ୍ଗ ଅଟେ । ଭାରତୀୟ ଯବାନଙ୍କ ଜୀବନ ଅଧିକ ଗୁରୁତ୍ୱପୂର୍ଣ୍ଣ । ଯେତେବେଳ ଯାଏଁ ସୀମା ପାର୍ ଆତଙ୍କବାଦ ଶେଷ ନହୋଇଛି ସେବେଯାଏଁ ପାକିସ୍ତାନ ସହ କୌଣସି ମ୍ୟାନ୍ ନହେବା ଦରକାର ।

ସୂଚନାଯୋଗ୍ୟ, ୨୦୧୯ ବିଶ୍ୱକପରେ ଗମ୍ଭୀର ପାକିସ୍ତାନ ସହ ମ୍ୟାଚ୍ ନଖେଳିବାକୁ ଭାରତକୁ କହିଥିଲେ । ଗମ୍ଭୀର କହିଥିଲେ ଯେ, ବିଶ୍ୱକପରେ ଭାରତ ପାକିସ୍ତାନ ସହ ମ୍ୟାଚ୍ ନଖେଳିବା ନିଷ୍ପତ୍ତି ବିସିସିଆଇ ନେବା ଦରକାର । ପାକିସ୍ତାନ ସହ ମ୍ୟାଚ୍ ନଖେଳି ୨ ଅଙ୍କ ହରାଇଲେ କୌଣସି ଦୁଃଖ କରିବାର ନାହିଁ । କୌଣସି ମ୍ୟାଚଠୁ ଦେଶର ଯବାନ ଅଧିକ ଗୁରୁତ୍ୱପୂର୍ଣ୍ଣ ।

ଗମ୍ଭୀର ଅଧିକାଂଶ ସମୟରେ ପାକିସ୍ତାନ ବିରୋଧରେ ବୟାନ ଦେଇଥାନ୍ତି । ପାକିସ୍ତାନର ଅନେକ କ୍ରିକେଟର ଏହାକୁ ବିରୋଧ ମଧ୍ୟ କରନ୍ତି । ସୋଏବ ଅଖତାର, ସାହିଦ ଆଫ୍ରିଦି ଆଦି ପୂର୍ବରୁ ଗମ୍ଭୀରଙ୍କ ବୟାନକୁ ସମାଲୋଚନା କରିଥିଲେ । ତେବେ ଚଳିତ ବର୍ଷ ଭାରତରେ ଟି୨୦ ବିଶ୍ୱକପ ଆୟୋଜିତ ହେବ । କିନ୍ତୁ ପାକିସ୍ତାନ ଲଗାତର ଭାବେ ଏହି ଟୁର୍ଣ୍ଣାମେଣ୍ଟ ଦୁବାଇରେ ଆୟୋଜନ ହେଉ ବୋଲି ଦାବି କରୁଛି ।

   Related Posts