oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏକ୍‌ଜିଟ୍ ପୋଲର ଆକଳନ, ଇଟାଲୀର ପ୍ରଧାନମନ୍ତ୍ରୀ ହେବେ ମେଲୋନୀ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୬୪ କୋଭିଡ୍ ପଜିଟିଭ୍
  • ||
  • ସାଲେପୁର: ବିଳମ୍ୱିତ ରାତିରେ ମାତିଲେ ଲୁଟେରା, ମନ୍ଦିରରୁ ଲୁଟିନେଲେ ୩ କୋଟିର ଅଷ୍ଟଧାତୁ ମୂର୍ତ୍ତି
  • ||
  • ଯାଜପୁର: ଗଡିବ ମା’ ବିରଜାଙ୍କ ସିଂହଧ୍ଵଜ ରଥ, ୯ ଦିନ ଧରି ଭକ୍ତଙ୍କୁ ଦର୍ଶନ ଦେବେ ଦେବୀ
  • ||
  • ହିମାଚଳ ପ୍ରଦେଶର କୁଲୁରେ ମର୍ମନ୍ତୁଦ ଦୁର୍ଘଟଣା, ୭ ପର୍ଯ୍ୟଟକ ମୃତ
  • ||
  • ସୋମବାରଠୁ ନବରାତ୍ର ପୂଜା, ମାଆଙ୍କ ଷୋଡ଼ଶ ପୂଜାପାଠରେ କମ୍ପୁଛି ଶକ୍ତିପୀଠ
  • ||
  • ମୋହନା : ଘାଟିରେ ଓଲଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୨୪ଯାତ୍ରୀ
  • ||

ମୁଖ୍ୟ ଶାସନ ସଚିବଙ୍କ ପିତୃବିୟୋଗ : ପ୍ରାଶାସନିକ ସେବାରୁ ଅବସର ନେଇଥିଲେ ଗୌରୀଶଙ୍କର ତ୍ରିପାଠୀ

10/10/2020 at 1:51 PM

ଟିଟିଲାଗଡ଼ ୧୦।୧୦: ମୁଖ୍ୟ ଶାସନ ସଚିବ ଅସିତ ତ୍ରିପାଠୀଙ୍କ ପିତାଙ୍କ ପରଲୋକ ହୋଇଛି । ମୁଖ୍ୟ ଶାସନ ସଚିବଙ୍କ ପିତା ତଥା ଅବସରପ୍ରାପ୍ତ ପ୍ରଶାସନିକ ଅଧିକାରୀ ଗୌରୀଶଙ୍କର ତ୍ରିପାଠୀଙ୍କ ଶୁକ୍ରବାର ସନ୍ଧ୍ୟାରେ ପରଲୋକ ହୋଇଯାଇଛି । ଟିଟିଲାଗଡ଼ ସ୍ଥିତ ବାସଭବନରେ ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୯୬ବର୍ଷ ହେଉଥିଲା । ମୃତ୍ୟୁ ଶଯ୍ୟା ନିକଟରେ ତାଙ୍କ ଝିଅ ଓ ବୋହୂ ଓ ପରିବାରବର୍ଗ ଉପସ୍ଥିତ ଥିଲେ । ଗୌରୀଶଙ୍କର ପରଲୋକ ଖବର ପାଇବା ପରେ ଟିଟିଲାଗଡ଼ ସମେତ ଆଖାପାଖର ଅନେକ ମାନ୍ୟଗଣ୍ୟ ବ୍ୟକ୍ତି ଟିଟିଲାଗଡ଼ ହାଟପଦାସ୍ଥିତ ତାଙ୍କ ବାସଭବନ ପୌର୍ଣ୍ଣମାସୀ କୁଟୀରରେ ଶେଷଦର୍ଶନ କରିଛନ୍ତି ।

ଏପ୍ରିଲ ୧୬, ୧୯୨୫ ମସିହାରେ ଜନ୍ମଗ୍ରହଣ କରିଥିବା ସ୍ୱର୍ଗତ ତ୍ରିପାଠୀ ଓଡ଼ିଶା ସରକାରଙ୍କ ଜଣେ ପ୍ରାଶାସନିକ ଅଧିକାରୀ ଭାବେ କର୍ମମୟ ଜୀବନ ଆରମ୍ଭ କରିଥିଲେ । ଶେଷରେ ସଇଁତଳା ବିଡିଓ ଭାବେ ସେବା ନିବୃତ୍ତ ହୋଇଥିଲେ । ଅବସର ପରେ ଟିଟିଲାଗଡ଼ରେ ରହି ନିଜ ଅଞ୍ଚଳପାଇଁ କାମ କରିବାକୁ ସେ ମନସ୍ଥ କରିଥିଲେ ଏବଂ ସେଠାରେ ରହି ବିଭିନ୍ନ ସାମାଜିକ କାର୍ଯ୍ୟରେ ନିମଗ୍ନ ରହିଥିଲେ । ଜଣେ ସୁସାହିତ୍ୟିକ ଭାବରେ ତାଙ୍କର ବେଶ ଖ୍ୟାତି ଥିଲା । ତାଙ୍କ ୫ଜଣ ପୁଅ ଅଶୋକ, ଅରୁଣ, ଅସୀତ, ଅମିତ, ଅଜିତ ଓ ଦୁଇ ଝିଅ ନିରୁପମା ଓ ମନୋରମା ପ୍ରମୁଖଙ୍କୁ ଉଚ୍ଚ ସଂସ୍କାର ଦେବା ସହ ଉଚ୍ଚଶିକ୍ଷିତ କରି ଗଢି ତୋଳିଥିଲେ ।

ଗତ ୨୦୧୮ରେ ତାଙ୍କ ଧର୍ମପତ୍ନୀ ପୂର୍ଣ୍ଣମାସୀ ଦେବୀଙ୍କର ପରଲୋକ ପରେ ସେ ମାନସିକସ୍ତରରେ ସାମାନ୍ୟ ଦୁର୍ବଳ ହୋଇପଡ଼ିଥିଲେ । ଗତ ନୂଆଖାଇ ସମୟରେ ସେ ଟିଟିଲାଗଡ଼ ତଥା ସମଗ୍ର ରାଜ୍ୟବାସୀଙ୍କ ମଙ୍ଗଳ କାମନା କରି ଏକ ବାର୍ତ୍ତା ଲେଖିଥିଲେ । ପରେ ନିଜ ପୁଅ ଅସିତଙ୍କ ସହିତ ନୂଆଖାଇ ପାଳନ କରିଥିଲେ । କିଛି ଦିନ ଧରି ସେ ସାମାନ୍ୟ ଅସୁସ୍ଥ ହୋଇପଡ଼ିଥିେଲେ । ପ୍ରତିଦିନ ଭଳି ନିଜ ଶୟନ କକ୍ଷରେ ଶୋଇଥିବା ବେଳେ ଶୁକ୍ରବାର ସନ୍ଧ୍ୟା ପ୍ରାୟ ସାଢ଼େ ୬ଟାରେ ତାଙ୍କ ପ୍ରାଣବାୟୁ ଉଡ଼ିଯାଇଥିଲା । ଟିଟିଲାଗଡ଼ ପହଞ୍ଚିବା ପରେ ହାଟପଦା ସ୍ଥିତ ମୁକ୍ତିଧାମରେ ଶେଷକୃତ୍ୟ ସମ୍ପନ୍ନ ହୋଇଛି।

   Related Posts