ବୈପାରୀଗୁଡା ୨୩/୧୨: ଗୋରୁ ବୋଝଇ କଣ୍ଟେନର ଓଲଟି ୫୦ରୁ ଉର୍ଦ୍ଧ୍ୱ ଗାଈ ମୃତ । ଏହିପରି ଏକ ଅଭାବନୀୟ ଘଟଣା ୩୨୬ ନମ୍ବର ଜାତୀୟ ରାଜପଥ ବୈପାରୀଗୁଡା ଥାନା ଅନ୍ତର୍ଗତ ଟାପାଯୋଡି ଠାରେ ଘଟିଛି ।
ଖବର ଅନୁଯାୟୀ,ଗତକାଲି ବିଳମ୍ବିତ ରାତିରେ ରାଞ୍ଚି ବିଜୟୱାର୍ଡା ୩୨୬ ନମ୍ବର ଜାତୀୟ ରାଜପଥ ଦେଇ ହାଇଦ୍ରାବାଦ ଅଭିମୁଖେ ଯାଉଥିବା ଯାଉଥିଲା ଗୋରୁ ବୋଝେଇ କଣ୍ଟେନର । ତେବେ ଟାପାଯୋଡିରେ ରାସ୍ତା କଡ଼ରେ ଥିବା ବିଦ୍ୟୁତ ଖୁଣ୍ଟକୁ ଧକ୍କା ଦେଇ ଓଲଟି ଯାଇଛି ।
ଗାଡ଼ିରେ ଥିବା ୧୦୦ରୁ ଉର୍ଦ୍ଧ୍ୱ ଗାଈ ମଧ୍ୟରୁ ୫୦ ଗାଈଙ୍କ ମୃତ୍ୟୁ ହୋଇଛି । ଆଉ ଜୀବିତ ଗାଈଙ୍କ ଉଦ୍ଧାର କାର୍ଯ୍ୟ ଜାରି ରହିଛି । ଘଟଣା ସ୍ଥଳରୁ ଗାଡି ଚାଳକ ଚମ୍ପଟ୍ ମାରିଥିବାବେଳେ ବୈପାରୀଗୁଡା ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
