ଝାରସୁଗୁଡା ୧୪/୦୨: ମନ୍ତ୍ରୀ ନବ ଦାସଙ୍କୁ ହତ୍ୟା ଘଟଣା । ଅଭିଯୁକ୍ତ ଗୋପାଳ ଦାସଙ୍କୁ ଚୌଦ୍ୱାର ଜେଲ ସ୍ଥାନାନ୍ତର । ସୁରକ୍ଷା ଦୃଷ୍ଟିରୁ ଝାରସୁଗୁଡା ଜେଲରୁ ଚୌଦ୍ୱାର ଜେଲ୍ ସ୍ଥାନାନ୍ତର । କଡା ସୁରକ୍ଷା ବଳୟ ମଧ୍ୟରେ ଗୋପାଳଙ୍କୁ ଚୌଦ୍ୱାର ଜେଲ ସ୍ଥାନାନ୍ତର କରାଯାଇଛି ।

ଚୌଦ୍ୱାର ଜେଲ୍‌ରେ ଗୋପାଳଙ୍କୁ ୨୪ ଘଣ୍ଟିଆ ପହରା ମଧ୍ୟରେ ରଖାଯିବ । ଏହାସହ ଜେଲ୍‌ରେ ଗୋପାଳଙ୍କ ତଦାରଖ ପାଇଁ ଜେଲ ସୁପରିଟେଣ୍ଡେଣ୍ଟଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରାଯାଇଛି । ଏନେଇ ସୂଚନା ଦେଇଛି ଜେଲ ବିଭାଗ । ତେବେ ସ୍ଥାନାନ୍ତର ପୂର୍ବରୁ ଗୋପାଳର ବୟାନ ରେକର୍ଡ ହୋଇଛି ।

ସୂଚନା ଥାଉକି, ମଙ୍ଗଳବାର କୋର୍ଟରେ ହାଜର ହୋଇଥିଲା ନବ ଦାସ ହତ୍ୟାକାରୀ ଗୋପାଳ ଦାସ । କଡା ସୁରକ୍ଷା ମଧ୍ୟରେ ଗୋପାଳକୁ ଜେଲରୁ ଆଣି କୋର୍ଟରେ ହାଜର କରାଯାଇଥିଲା । ମାଜିଷ୍ଟ୍ରେଟଙ୍କ ସମ୍ମୁଖରେ crpc ୧୬୪ ଧାରାରେ ଗୋପାଳର ବୟାନ ରେକର୍ଡ କରାଯାଇଛି । ଏଠାରେ କହିରଖୁଯେ, ନବ ଦାସ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗୋପାଳ ଦାସ ।