ନୂଆଦିଲ୍ଲୀ ୨୭/୦୧: ଦେଶରେ ସୁନା ଦାମ ଗୁରୁବାର ଭାରି ମାତ୍ରାରେ ହ୍ରାସ ପାଇଛି । କେବଳ ସୁନା ଦାମ୍ ନୁହେଁ ବରଂ ରୂପା ଦାମରେ ମଧ୍ୟ ହ୍ରାସ ପରିଲକ୍ଷିତ ହୋଇଛି । ଆଜି ମଲ୍ଟି କମୋଡିଟି ଏକ୍ସଚେଞ୍ଜରେ ସୁନାର ଦାବ ୬୧୨ ଟଙ୍କା ହ୍ରାସ ପାଇଛି । ଅର୍ଥାତ ୧୦ ଗ୍ରାମ ସୁନାର ଦାମ ଗୁରୁବାର ୪୮,୨୩୯ ଟଙ୍କା ରହିଛି । ସେହିଭଳି ରୂପା ଦାମ ୧୧୪୫ ଟଙ୍କା ହ୍ରାସ ପାଇ କିଲୋ ପିଛା ୬୨ ହଜାର ୯୨୬ ଟଙ୍କା ରହିଛି । ୨୪ କ୍ୟାରେଟ୍ ସୁନାର ଦାମ ଗତକାଲି ୪୯,୮୩୦ ଟଙ୍କା ରହିଥିବା ବେଳେ ଗୁରୁବାର ଏଥିରେ ୧୯୦ ଟଙ୍କା ହ୍ରାସ ପାଇଛି । ଆଜି ସୁନାର ଦାମ ୪୯,୬୪୦ ଟଙ୍କା ରହିଛି ।
ଭୁବନେଶ୍ବରରେ ଗତକାଲି ଅର୍ଥାତ ବୁଧବାର ୨୨ କ୍ୟାରେଟ୍ ସୁନା ୧୦ ଗ୍ରାମ ପ୍ରତି ୪୫ ହଜାର ୯୦୦ ଟଙ୍କା ଥିଲାବେଳେ ଆଜି ତାହା ୪ଶହ ଟଙ୍କା ଶସ୍ତା ହୋଇ ୪୫ ହଜାର ୫୦୦ ଟଙ୍କା ରହିଛି । ସେହିଭଳି ୨୪ କ୍ୟାରେଟ୍ ସୁନା ଦାମ ୪୭୦ ଟଙ୍କା କମି ୧୦ ଗ୍ରାମ ପ୍ରତି ୪୯ ହଜାର ୮୩୦ ଟଙ୍କା ରହିଛି । ଭୁବନେଶ୍ବରରେ ରୂପା ଦାମ ମଧ୍ୟ ହ୍ରାସ ପାଇଛି । ଆଜି ରୂପାର ଦର କିଲୋ ପିଛା ହଜାରେ ଟଙ୍କା ଶସ୍ତା ହୋଇ ୬୩ ହଜାର ୨୦୦ ଟଙ୍କା ରହିଛି ।
ଯଦି ଆପଣ ଆପଣଙ୍କ ସହରରେ ସୁନା ଏବଂ ରୂପାର ଦାମ କେତେ ଟଙ୍କା ଅଛି ତାହା ଜାଣିବାକୁ ଚାହୁଁଛନ୍ତି ତେବେ, ଇଣ୍ଡିଆନ୍ ବୁଲିୟନ୍ ଆସୋସିଏସନ୍ ଦ୍ବାରା ଜାରି କରାଯାଇଥିବା 8955664433 ନମ୍ବରକୁ ମିସଡ୍ କଲ ଦେବାକୁ ହେବ । ଏହି ନମ୍ବରକୁ ମିସଡ୍ କଲ୍ ଦେବା ପରେ ଆପଣଙ୍କ ମୋବାଇଲକୁ ମେସେଜ୍ ଆସିଯିବ । ଏପରି ଭାବେ ଆପଣ ଘରେ ବସି ସୁନାର ଦାମ ବାବଦରେ ସୂଚନା ପାଇପାରିବେ ।
