previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା : ନୀତୀଶ କୁମାରଙ୍କ ଅଷ୍ଟମ ପାଳି, ମୁଖ୍ୟମନ୍ତ୍ରୀ ଭାବେ ନେଲେ ଶପଥ
  • ||
  • ରାଜ୍ୟରେ କମିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୫୩ କୋଭିଡ୍ ପଜିଟିଭ୍
  • ||
  • ବ୍ରହ୍ମପୁର: ଗଞ୍ଜେଇ ଚାଲାଣ ବେଳେ ଧରାପଡିଲା ସୁନା ତସ୍କରୀ, ୨୦ ସୁନା ବିସ୍କୁଟ ଜବତ
  • ||
  • ସୋର : ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ୍, ୩୦ରୁ ଅଧିକ ଆହତ
  • ||

୨୦ ବର୍ଷ ପରେ ମିଳିଲା ହଜି ଯାଇଥିଲା ସୁନାର କାନଫୁଲ, ଯାହାର ଦାମ୍ ଏବେ ଦଶ ଗୁଣ ଅଧିକ

20/08/2020 at 9:45 PM

କସାରଗୋଡ, ୨୦|୦୮: ୨୦ ବର୍ଷ ତଳେ କାମ କରୁଥିବା ବେଳେ ଜମିରେ ହଜି ଯାଇଥିଲେ ସୁନାର କାନର ବା କାନଫୁଲ । ଏବେ ତାକୁ ପାଇଛନ୍ତି କିଛି ଶ୍ରମିକ । ପାଇବା ସହ ଯାହାଙ୍କ କାନର ହଜିଥିଲା ତାଙ୍କୁ ପ୍ରଦାନ ମଧ୍ୟ କରିଛନ୍ତି । ଏପରି ଘଟଣା ସାମ୍ନାକୁ ଆସିଛି କେରଳର କସାରଗୋଡ ଜିଲ୍ଲାରେ ।

ସୂଚନାନୁସାରେ, କସାରଗୋଡ ଜିଲ୍ଲାର ଇଡାମପୋରାଡି ଜିଲ୍ଲାରେ ରହୁଥିବା ନାରାୟଣୀ ଭେଲ୍ୟାମ୍ମାନାମକ ଜଣେ ମହିଳା ଚାଷ ଜମିରେ ୨୦ ବର୍ଷ ତଳେ ନିଜର କାନର ହଜାଇ ଦେଇଥିଲେ । ବହୁ ଖୋଜଖୋଜି କରିବା ପରେ ମଧ୍ୟ ତାକୁ ପାଇନଥିଲେ । କିନ୍ତୁ ତାଙ୍କ ଭାଗ୍ୟ କିଛି ଅଲଗା ରଖିଥିଲା ।ଏବେ ଦୀର୍ଘ ୨୦ ବର୍ଷ ପରେ ସେହି ଜମିରେ କାମ କରୁଥିବା କିଛି ମହିଳା ଶ୍ରମିକ କାନରକୁ ପାଇଥିଲେ । ଜମିରେ ମନରେଗା କାମ ପାଇଁ ଖୋଳାଖୋଳି ଚାଲିଥିବା ବେଳେ କାନର ମିଳିଥିଲା । ଏହି ଶ୍ରମିକଙ୍କ ମଧ୍ୟରୁ ଜଣେ ଥିଲେ ନାରାୟଣୀଙ୍କ ଝିଅ ମାଳିନୀ । ସେ ଏହାକୁ ତାଙ୍କ ମାଆଙ୍କର ବୋଲି ଚିହ୍ନଟ କରିଥିଲେ ।

ନାରାୟଣୀ ଏହି କାନରକୁ ୬୦-୭୦ ବର୍ଷ ତଳେ ଟଙ୍କା ସଞ୍ଚୟ କରି କିଣିଥିଲେ । ଯେତେବେଳେ ଏହା ହଜିଥିଲା ସେ ଭାଙ୍ଗି ପଡିଥିଲେ । ଏବେ ସେ କାନର ପାଇ ଖୁସି ଅଛନ୍ତି । ସେତେବେଳେ ଯେଉଁ କାନର ଦାମ କମ୍ ଥିଲା ଏବେ ତାହା ୧୦ ଗୁଣ ମୂଲ୍ୟର ହୋଇ ତାଙ୍କୁ ମିଳିଛି । କାରଣ ସେତେବେଳେ ସୁନାର ଦାମ୍ ୧୦ ଗ୍ରାମ ପିଛା ୪ ହଜାର ଥିବା ବେଳେ ଏବେ ୫୦ ହଜାର ପାଖାପାଖି ରହିଛି ।

   Related Posts