ବୋରିଗୁମ୍ମା ୧୬।୩: ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ । ତିନି ଜଣ ଅଜଣା ବ୍ୟକ୍ତି ଚେନ୍ ଝାମ୍ପି ନେଇଥିବା ଜଣାପଡିଛି । ପୋଲିସ ଘଟଣାର ତଦନ୍ତ ଜାରି ରଖିଛି ।

ସୂଚନାଯୋଗ୍ୟ ଯେ, ବୋରିଗୁମ୍ମା ହାଟପଦା ନିକଟରେ ୭୨ ବର୍ଷ ବୟସ୍କା ଜଣେ ବୃଦ୍ଧା ସେବତୀ ମହାପାତ୍ର ପାହାନ୍ତିଆରେ ନିଜ ଘର ସାମ୍ନାରେ ଝାଡୁ ମାରୁଥିଲେ । ହଠାତ ଗୋଟିଏ ବାଇକ୍‌ରେ ତିନି ଜଣ ଅଜଣା ବ୍ୟକ୍ତି ଆସି ପିଇବା ପାଇଁ ପାଣି ମାଗିଥିଲେ । ବୃଦ୍ଧା ଜଣକ ପାଣି ଦେବା ସମୟରେ ବୃଦ୍ଧାଙ୍କ ବେକରୁ ସୁନା ଚେନ୍ ଝାମ୍ପି ନେଇ ଚମ୍ପଟ ମାରିଥିଲେ ଦୁର୍ବୃତ୍ତ ।

ସେପଟେ ବୋରିଗୁମ୍ମାରେ ଅନେକ ଦିନ ଧରି ସିସିଟିଭି ଅଚଳ ହୋଇପଡିଛି । ଗୋଟିଏ ପଟେ ନିଛାଟିଆ ଅନ୍ୟପଟେ ସିସିଟିଭି ଅଚଳ । ଏହାର ସୁଯୋଗ ନେଇ ଦୁର୍ବୃତ୍ତମାନେ ଚୋରି କରିବା ପାଇଁ ସୁଯୋଗ ପାଇଛନ୍ତି । ବୃଦ୍ଧାଙ୍କ ପୁଅ ଏ ନେଇ ବୋରିଗୁମ୍ମା ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ଲିଖିତ ଅଭିଯୋଗ ପରେ ବୋରିଗୁମ୍ମା ପୋଲିସ ତଦନ୍ତ ଆରମ୍ଭ କରିଛି ।