ଭଗବାନଙ୍କ କୁନି ଭକ୍ତ, ମନରେ ଅପାର ଶ୍ରଦ୍ଧା; ଭିଡିଓ ଦେଖିଲେ ଆପଣଙ୍କ ମୁହଁରେ ଝଲସି ଉଠିବ ଖୁସି

Published By : Prameya-News7 Bureau | November 06, 2022 IST

ବୌଦ୍ଧ ୦୬/୧୧: ପବିତ୍ର କାର୍ତ୍ତିକ ମାସ ପଞ୍ଚୁକରେ ବୌଦ୍ଧ ସହରରେ ଥିବା ରାମେଶ୍ବର ଶୈବ ପୀଠରେ ଏକ ଛୋଟ ପିଲା ଟିଏ ଧୋତି ପିନ୍ଧି, କାନ୍ଧରେ ଗାମୁଛା ପକାଇ, କପାଳରେ ତିଳକ ଲଗାଇ ଓଁ ନମଃ ଶିବାୟ ମନ୍ତ୍ର ଜପ କରିବା ସହିତ ମନ୍ଦିର ବେଢ଼ା ବୁଲୁଛନ୍ତି।  ଏହି ଦୃଶ୍ୟ ସେଠାକାର ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ପରେ ଶିଶୁପୁତ୍ରଟି ଗୁରୁଣ୍ଡି  ଗୁରୁଣ୍ଡି ମନ୍ଦିର ପାହାଚ ଚଢି ଭଗବାନ୍ ଭୋଲାନାଥଙ୍କୁ ମୁଣ୍ଡିଆ ମାରୁଛନ୍ତି। ଏପରି ଭାବେ ସେ ପ୍ରତିଦିନ ମନ୍ଦିରକୁ ଆସେ ଭୋଲାନାଥଙ୍କୁ ଦର୍ଶନ କରି ବେଢ଼ା ପରିକ୍ରମା କରି ମନ୍ଦିରରୁ ଭୋଗ ଖାଇ ଘରକୁ ଯାଆନ୍ତି। ଏ କୁନି ବାଳକର ପରିଚୟ ସଙ୍କିତ୍ ମନହିରା। ସେ ରବି ମନହିରାଙ୍କ ସାନ ପୁଅ ଓ ତାଙ୍କର ମାତ୍ର ଅଢ଼େଇ ବର୍ଷ।  ସହରର ଖଲିଆବଗିଚାର ଏଇ ପିଲାଟିର ଏପରି ଭକ୍ତି ଆଧୁନିକ ସମାଜ ପାଇଁ କିଛି ବାର୍ତ୍ତା ଦେଉଛି। ଏବେ ଏହି ଦୃଶ୍ୟଟି ସୋସିଆଲ୍‌ ମିଡିଆରେ ଖୁବ୍‌ ଭାଇରାଲ୍‌ ହେବାରେ ଲାଗିଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.