ନୂଆଦିଲ୍ଲୀ ୨୬/୦୬: ଚଳିତ ବର୍ଷ ଜୁନ୍ ଶେଷରେ ପାଳନ କରାଯିବ ବକ୍ରି ଇଦ୍ । ମୁସଲମାନ ସମ୍ପ୍ରଦାୟ ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ପର୍ବ । ଇସଲାମ ଅନୁଯାୟୀ ବକ୍ରି ଇଦ୍ ପର୍ବ ବଳିଦାନର ପ୍ରତୀକ ଅଟେ । ଏହାର ତାରିଖ ମଧ୍ୟ ଘୋଷଣା ସରିଛି ।
ଇଦ୍ ଉଲ୍-ଅଜହା ଅର୍ଥାତ୍ ବକ୍ରି ଇଦ୍ ଚଳିତ ବର୍ଷ ୨୯ ଜୁନ୍ରେ ପାଳନ କରାଯିବ। ଏଥିପାଇଁ ଆରମ୍ଭ ହୋଇଛି କିଣାବିକା । ଖାସ୍ କରି ଛେଳି ବିକା କିଣାକୁ ଜୋରଦାର କରାଯାଇଛି । ଯଦିଓ ଛେଳିର ମୂଲ୍ୟ ନର୍ମାଲ ରହିଛି । ତଥାପି ଅନେକ ସ୍ଥାନରେ ମାଂସ ସହଜରେ ଉପଲବ୍ଧ ହେଉନି । କିନ୍ତୁ ରାଜସ୍ଥାନର ଝୁଞ୍ଜୁନୁଂରେ ଏମିତି ଗୋଟିଏ ଛେଳି ଅଛି, ଯାହାର ମୂଲ୍ୟ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି ।
୭ ଲକ୍ଷ ଯାଏଁ ବିଡ୍:
ଛେଳିଟି ଝୁନ୍ଝୁନ୍ ଜିଲ୍ଲାର ଗଦାଖେଡା ଗ୍ରାମରେ ରହିଛି । ଛେଳିର ମୂଲ୍ୟ ଶୁଣି ତାଜୁବ ହୋଇଯାଇଛନ୍ତି ସମସ୍ତେ । କିଣିବାକୁ ଲୋକଙ୍କ ଲମ୍ୱା ଲାଇନ୍ ବି ଚାଲିଥିଲା । ହେଲେ ମାଲିକ ଏତେ ଦାମ୍ରେ ଛେଳି ଦେବାକୁ ରାଜି ନୁହଁନ୍ତି । କିଣିବା ପାଇଁ ଲୋକମାନଙ୍କର ଲମ୍ୱା ଲାଇନ୍ ଅଛି ସତ କିନ୍ତୁ, ମାଲିକ ଛେଳି ବିକ୍ରି କରିବାକୁ ରାଜି ନାହାଁନ୍ତି । କୁହାଯାଉଛି ଯେ କ୍ରେତା ଏହି ଛେଳିର ମୂଲ୍ୟ ୭ ଲକ୍ଷ ଟଙ୍କା ପର୍ଯ୍ୟନ୍ତ ଜାଚିଲେଣି । ତଥାପି ମାଲିକ ଏଥିରେ ରାଜି ହେଉନାହାଁନ୍ତି ।
କାହିଁକି ଛେଳିର ଦାମ୍ ଏତେ ?
କହିବାକୁ ଗଲେ ଯେ ଛେଳିର ବେକରେ ଆରବୀୟ ଭାଷାରେ ଲେଖା ହୋଇଛି ଆଲହା । ଯେଉଁଥିପାଇଁ ସମସ୍ତେ ଏହି ଛେଳି ବଳି ଦେବାକୁ ଚାହୁଁଛନ୍ତି । ଛେଳି ଉପରେ ଆଲ୍ଲାହା ଲେଖିବା ଲୋକମାନଙ୍କ ପାଇଁ କୌତୁହଳର ବିଷୟ । ଛେଳିର ମାଲିକ ମଧ୍ୟ ଏହାର ମହତ୍ତ୍ୱ ଜାଣିବାକୁ ପାଇଛନ୍ତି । ଫଳରେ ଛେଳିର ମାଲିକ ଆଶାବାଦୀ ଅଛନ୍ତି ଯେ ତାଙ୍କ ଛେଳି ପାଇଁ ଦରକାର ପଡିଲେ ବିଡ୍ ୭ ଲକ୍ଷରୁ ଅଧିକ ହୋଇପାରେ ।
ମାର୍କେଟରେ ବଢିଲା ଏହି ଛେଳିର ଚାହିଦା:
ଉଲ୍ଲେଖନୀୟ କଥା ହେଉଛି, ଦୀନେଶ କୁମାର ଗତ ୫ ବର୍ଷ ଧରି ଝୁନ୍ଝୁନ୍ରେ ଛେଳି ପାଳୁଛନ୍ତି । ବକ୍ରିଇଦ୍ ଅବସରରେ ବଜାରରେ ଦୀନେଶଙ୍କ ଛେଳିର ଚାହିଦା ବୃଦ୍ଧି ପାଇଛି କାରଣ ଆଲ୍ଲାହାଙ୍କ ବେକରେ ଲେଖା ହୋଇଛି। ଦୀନେଶ କହିଛନ୍ତି ଯେ ସେ ଦୀର୍ଘ ସମୟ ଧରି ବକ୍ରି ଇଦ୍କୁ ଅପେକ୍ଷା କରିଥିଲେ । ମନରେ ବିଶ୍ୱାସ ଥିଲା ଯେ, ବକ୍ରି ଇଦ୍ ସମୟରେ ଏହାର ଉଚିତ୍ ମୂଲ୍ୟ ପାଇବେ ।
You can also read...
wp:embed {"url":"https://www.prameyanews7.com/pashupatinath-temple-10-kg-gold-stolen/","type":"wp-embed","providerNameSlug":"prameya-news-7"}
