ନୂଆଦିଲ୍ଲୀ: ଯାତ୍ରୀଙ୍କୁ ଛାଡ଼ି ଚାଲିଯିବା ଅଭିଯୋଗରେ ଗୋ ଫାଷ୍ଟ ବିମାନ କମ୍ପାନୀକୁ ଫାଇନ କଲେ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ବା ଡିଜିସିଏ। ଗୋ ଫାଷ୍ଟ ବିମାନ ଉପରେ ୧୦ ଲକ୍ଷ ଟଙ୍କା ଫାଇନ୍ କରାଯାଇଛି। ଚଳିତ ମାସ ଆରମ୍ଭରେ ବେଙ୍ଗାଲୁରୁ ବିମାନବନ୍ଦରରେ ଗୋ ଫାଷ୍ଟ ବିମାନ ୫୦ରୁ ଅଧିକ ଯାତ୍ରୀଙ୍କୁ ଛାଡ଼ି ଚଲାଯାଇଥିଲା। ଯାହାକୁ ନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇଛି।

ସୂଚନା ଅନୁସାରେ, ଜାନୁଆରୀ ୯ ତାରିଖରେ ବେଙ୍ଗାଲୁରୁରୁ ଦିଲ୍ଲୀ ଯାଉଥିବା  ଗୋ ପାଷ୍ଟ ବିମାନ ୫୫ ଜଣ ଯାତ୍ରୀଙ୍କୁ ଛାଡ଼ି ଚାଲିଯାଇଥିଲା। ହେଲେ ବିମାନଟି ସମସ୍ତ ଯାତ୍ରୀଙ୍କ  ଲଗେଜ୍ ସାଥିରେ ନେଇଯାଇଥିଲା। ଏହାପରେ ଯାତ୍ରୀମାନେ ଆସନ୍ତୋଷ ବ୍ୟକ୍ତ କରି ସୋସିଆଲ୍ ମିଡିଆ ମାଧ୍ୟମରେ ବିଭାଗକୁ ଅବଗତ କରାଇବା ସହ ଅସନ୍ତୋଷ ପ୍ରକାଶ କରିଥିଲେ। ଗୋ ଫାଷ୍ଟର ଜି୮୧୧୬ ବିମାନଟି ଯାତ୍ରୀଙ୍କୁ ଛାଡ଼ିଯାଇଥିବ ଜଣାପଡ଼ିଥିଲା।

ଏହି ଘଟଣା ପରେ ଡିଜିସିଏ ପକ୍ଷରୁ ଗୋ ଫାଷ୍ଟର ମ୍ୟାନେଜରଙ୍କୁ କାରଣ ଦର୍ଶାଅ ନୋଟିସ ଜାରି କରିଥିଲା। ଏହାପରେ ଜାନୁଆରୀ ୨୫ରେ ଏୟାର ଲାଇନ୍ ପକ୍ଷରୁ ନୋଟିସର ଜବାବ ଦିଆଯାଇଥିଲା। ଯୋଗାଯୋଗ ଅଭାବରୁ ଏଭଳି ଘଟିଥିବା କମ୍ପାନୀ ଏୟାର୍‌ଲାଇନ ପକ୍ଷରୁ କୁହାଯାଇଥିଲା। ଏଥିପାଇଁ ଡିଜିସିଏ ଏୟାର ଲାଇନ୍‌ ଉପରେ ୧୦ ଲକ୍ଷ ଟଙ୍କା ଫାଇନ୍ କରିଛି। ସେଏଆର୍ ସେକ୍ସନ-୩, ସିରିଜ୍ C  Part-II ଏବଂ ATC-II ୨୦୧୯ର ଉଲ୍ଲଂଘନ ଦର୍ଶାଇ କମ୍ପାନୀକୁ ଫାଇନ୍ କରାଯାଇଛି।