ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ୱଲପୁର: ଜଳିଗଲା ଘରୋଇ ବସ୍ ନାଗରାଜ୍, ଅଳ୍ପକେ ବର୍ତ୍ତିଗଲେ କଣ୍ଡକ୍ଟର
  • ||
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

ସୋଆର ଆତିଥେୟତାକୁ ପ୍ରଶଂସା କରିବା ସହ ଓଡ଼ିଶାର ସ୍ମୃତି ସାଉଁଟି ଫେରିଲେ ବିଦେଶୀ ମା’

24/11/2019 at 4:57 PM

ଭୁବନେଶ୍ୱର ୨୪।୧୧ – ସରିଛି ଗ୍ଲୋବାଲ୍ ମଦର୍ସ ଅନ୍ତର୍ଜାତୀୟ ସମ୍ମିଳନୀ । ଓଡ଼ିଶାରୁ ବେଙ୍ଗାଲୁର ଅଭିମୁଖେ ଫେରିଛନ୍ତି ଓଡିଶାର ସ୍ମୃତି ସାଉଁଟିବାକୁ ଆସିଥିବା ବିଦେଶୀମହିଳାମାନେ । ଯିବା ବେଳେ ବେଶ୍ ଭାବବିହ୍ୱଳ ହୋଇଥିଲେ ବିଦେଶୀ ମା’ ମାନେ । ଓଡ଼ିଶାର ଭଲ ପାଇବାକୁ ସବୁବେଳେ ମନେ ରଖିବେ ବୋଲି କହିଥିଲେ । ଏହା ସହ ଶିକ୍ଷା ଓ ଅନୁସନ୍ଧାନ ଡିମଡ ଟୁ ବି ୟୁନିଭର୍ସିଟିର ଆତିଥେୟତାକୁ ଭୂରି ଭୂରି ପ୍ରଶଂସା କରିଥିଲେ ।

୩ ଦିନର ରହଣୀ ପରେ ଓଡ଼ିଶା ଛାଡ଼ିଛନ୍ତି ଗ୍ଲୋବାଲ୍ ମଦର୍ସ । ସାଥୀରେ ସାଉଁଟି ନେଇଛନ୍ତି ଅନେକ ଭଲପାଇବା, ଛାଡ଼ି ଯାଇଛନ୍ତି ନିଆରା ସ୍ମୃତି । ଭୁବନେଶ୍ୱରର ଶିକ୍ଷା ଓ ଅନୁସନ୍ଧାନ ଡିମଡ ଟୁ ବି ୟୁନିଭର୍ସିଟିରେ ଆୟୋଜିତ ହୋଇଥିଲା ଗ୍ଲୋବାଲ୍ ମଦର୍ସ ଅନ୍ତର୍ଜାତୀୟ ସମ୍ମିଳନୀ । ୭ଟି ଦେଶରୁ ଯୋଗ ଦେଇଥିଲେ ୩୨ ବିଦେଶୀ ମା’ । ଆଜି ଯେତେବେଳେ ସେମାନେ ଫେରୁଥିଲେ ଏୟାରପୋର୍ଟ ଥିଲା ବେଶ୍ ଭାବବିହ୍ୱଳ ପରିବେଶ ।

ସେମାନଙ୍କ ଏହି ଗସ୍ତ ଥିଲା ଟିକେ ଅଲଗା । କାହିଁକି ନା କୌଣସି ହୋଟେଲ କି ଗେଷ୍ଟ ହାଉସରେ ନୁହେଁ ବରଂ ଦୁଇ ଦୁଇ ଜଣରେ ବିଭକ୍ତ ହୋଇ ଏମାନେ ରହିଥିଲେ ଭୁବନେଶ୍ୱର ଭିନ୍ନ ଭିନ୍ନ ପରିବାର ସହ । ଗଲା ୩ ଦିନ ମଧ୍ୟରେ ସେହି ପରିବାରର ସ୍ନେହ ବନ୍ଧନରେ ବାନ୍ଧି ହୋଇ ଯାଇଥିଲେ । ଖୋର୍ଦ୍ଧାର ଶତାଧିକ ସଦସ୍ୟ ବିଶିଷ୍ଟ ହରିଚନ୍ଦନ ପରିବାରକୁ ଭେଟିଥିଲେ । କୋଣାର୍କର କାରିଗରୀକୁ ଦେଖିଥିଲେ । ଶିକ୍ଷା ଓ ଅନୁସନ୍ଧାନ ଡିମଡ ଟୁ ବି ୟୁନିଭର୍ସିଟିର ଉତ୍କର୍ଷତାକୁ ଅନୁଭବ କରିଥିଲେ । ସୋଆର ଆତିଥେୟତାକୁ ଭୂରି ଭୂରି ପ୍ରଶଂସା କରିଥିଲେ ।


ପ୍ରତିଟି ମଣିଷ ଲାଗି ମା’ର ମହତ୍ତ୍ୱ ସବୁଠୁ ବେଶୀ । ଆଉ ମା’ଟିଏ ଯଦି ନିଜ ପରିବାରରୁ ବାହାରି ବସୁଧୈବ କୁଟୁମ୍ବକମ୍ ନ୍ୟାୟରେ ସାରା ବିଶ୍ୱକୁ ମମତାର ପଣତରେ ଢାଙ୍କଦିଏ, ତା ହେଲେ ସମାଜରେ ଶାନ୍ତି ପ୍ରତିଷ୍ଠା ସମ୍ଭବ ହେବ ନିଶ୍ଚୟ । ଏଭଳି ଏକ ମହତ ଲକ୍ଷ୍ୟ ନେଇ ଫାଉଣ୍ଡେସନ ଫର୍ ହୋଲିଷ୍ଟିକ ଡେଭଲପମେଣ୍ଟ ଇନ୍ ଏକାଡେମିକ ଫିଲ୍ଡ ସହଭାଗିତାରେ ସୋଆ ପରିସରରେ ଆୟୋଜିତ ହୋଇଥିଲା ଏହି କାର୍ଯ୍ୟକ୍ରମ ।

   Related Posts