scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବ୍ୟାକଗ୍ରାଉଣ୍ଡ ଡ୍ୟାନସରରୁ ପ୍ରସିଦ୍ଧ କୋରିଓଗ୍ରାଫର ହୋଇଥିଲେ ଗୀତା କପୁର, ଜନ୍ମଦିନରେ ଜାଣନ୍ତୁ ତାଙ୍କର ସଂଘର୍ଷ ଯାତ୍ରା …

5/07/2021 at 5:47 PM

ମୁମ୍ବାଇ ୦୫।୦୭: ବଲିଉଡରେ ଅନେକ କୋରିଓଗ୍ରାଫର ନାଁ କମାଇବା ସହ ସ୍ଵତନ୍ତ୍ର ସ୍ଥାନ ହାସଲ କରିଛନ୍ତି । ତାଙ୍କ ମଧ୍ୟରୁ ଏମିତି ଜଣେ ଅଛନ୍ତି ଯିଏ ବହୁ ପ୍ରସିଦ୍ଧ ଓ ଅନ୍ୟତମ। ସମସ୍ତଙ୍କ ପାଇଁ ତାଙ୍କୁ ମା ବୋଲି ବିବେଚନା କରାଯାଏ। ସେ ହେଉଛନ୍ତି ଗୀତା କପୁର । ଆଜି ଗୀତା କପୁରଙ୍କ ଜନ୍ମ ଦିନ | ବର୍ତ୍ତମାନ ସେ ସୁପର ଡାନ୍ସର୍ ଚାଫ୍ଟର ୪ରେ ଜର୍ଜ ଭୂମିକାରେ ଟିଭିରେ ନଜର ଆସୁଛନ୍ତି | ଏହା ବ୍ୟତୀତ ସେ ଡ୍ୟାନ୍ସ ଇଣ୍ଡିଆ ଡ୍ୟାନ୍ସ, ସୁପର ଡାନ୍ସର୍, ଭଳି ରିଆଲିଟି ଶୋ’ର ଜର୍ଜ ହୋଇଛନ୍ତି ।

ତାଙ୍କ ଜନ୍ମଦିନ ଅବସରରେ ଆମେ ଆପଣଙ୍କୁ ଜଣାଇବୁ ଯେ, ଗୀତା ୧୫ ବର୍ଷ ବୟସରେ କେମିତି ଡ୍ୟାନ୍ସ କ୍ୟାରିଅର୍ ଆରମ୍ଭ କରିଥିଲେ | ସେ ‘ତୁଜେ ୟାଦ ନା ମେରୀ ଆୟି, ‘ଗୋରି ଗୋରି’ ଭଳି ଗୀତରେ ବ୍ୟାକଗ୍ରାଉଣ୍ଡ ଡ୍ୟାନ୍ସର ଭାବେ ମଧ୍ୟ କାମ କରିଥିଲେ। ପରେ ସେ ଜଣାଶୁଣା କୋରିଓଗ୍ରାଫର ଫରାହ ଖାନଙ୍କ ଡ୍ୟାନ୍ସ ଗ୍ରୁପରେ ଯୋଗ ଦେଇଥିଲେ। ଏହା ପରେ ସେ ଫରାହ ଖାନଙ୍କ ସହ କାମ କରିବା ଆରମ୍ଭ କରିଥିଲେ | କୁଛ କୁଛ ହୋତା ହେ , ଦିଲ ତୋ ପାଗଲ ହେ , କଭି ଖୁସୀ କଭି ଗମ, ମହବତେ, କଲ ହୋ ନା ହୋ, ମେନ୍ ହୁଁ ନା ଏବଂ ଓମ୍ ଶାନ୍ତି ଓମ୍ ଭଳି ଫିଲ୍ମରେ ଗୀତା ଫରାହଙ୍କ ସହ କାମ କରିଥିଲେ । ଏହା ପରେ ଗୀତା ନିଜେ କୋରିଓଗ୍ରାଫର ହୋଇଥିଲେ । ଯାହା ଦ୍ବାରା ସେ ଫିଜା, ଅଶୋକା, ସାଥିଆ, ହେ ବେବି, ଆଲାଦ୍ଦିନ, ତିସ୍ ମାର ଖାନଙ୍କ ହିଟ୍ ଗୀତ ଶିଲା କି ଜାୱାନୀଙ୍କ କୋରିଓଗ୍ରାଫି କରି ଲୋକପ୍ରିୟତା ହାସଲ କରିଥିଲେ |

୪୭ ବର୍ଷୀୟ ଗୀତା କପୁରଙ୍କ ବ୍ୟକ୍ତିଗତ ଜୀବନ ବିଷୟରେ କହିଲେ ସେ ଏପର୍ଯ୍ୟନ୍ତ ବିବାହ କରି ନାହାଁନ୍ତି | ଗତ କିଛି ମାସ ତଳେ ଗୀତା ସୋସିଆଲ ମିଡିଆରେ ତାଙ୍କର ଏକ ଫଟୋ ସେୟାର କରିଥିଲେ ଯେଉଁଥିରେ ସେ ରେଡ ରଙ୍ଗର ସୁନ୍ଦର ପୋଷକରେ ନଜର ଆସିଥିଲେ କିନ୍ତୁ ତାଙ୍କ ମଥାରେ ସିନ୍ଦୁର ଲାଗିଥିଲା । ଯେଉଁଥିପାଇଁ ସେ ଚର୍ଚ୍ଚାର ବିଷୟ ପାଲଟିଥିଲେ | ସେ କେବଳ ସୁଟିଂ ପାଇଁ ଏହି ଗେଟ୍‌ଅପ୍‌ କରିଥିଲେ|

ଗତ କିଛି ବର୍ଷ ପୂର୍ବେ କୋରିଓଗ୍ରାଫର ଗୀତା କପୁର ତାଙ୍କ ସମ୍ପର୍କର ଖବର ପାଇଁ ଚର୍ଚ୍ଚାରେ ଥିଲେ। ବାସ୍ତବରେ, ଲୋକେ ତାଙ୍କର ଜଣେ ବନ୍ଧୁଙ୍କୁ ପ୍ରେମିକ ଭାବି ନେଇଥିଲେ | ଗୀତା କପୁରଙ୍କ କିଛି ଫଟୋ ମଧ୍ୟ ଭାଇରାଲ ହୋଇଥିଲା, ଯେଉଁଥିରେ ସେ ଜଣେ ପୁଅ ସହ ଫଟୋ ଉଠାଇଥିବାର ଦେଖିବାକୁ ମିଳିଥିଲା। ଦୀର୍ଘ ଦିନ ଧରି ଏଣ୍ଟରଟେନମେଣ୍ଟ ଇଣ୍ଡଷ୍ଟ୍ରିର ଥିବା ଜଣାଶୁଣା କୋରିଓଗ୍ରାଫର ରାଜୀବ ଖିଚିଙ୍କ ଗୀତାଙ୍କ ନାମ ସହ ଯୋଡା ଯାଇଥିଲା | ଗୀତାଙ୍କ ସହ ସମ୍ପର୍କ ବିଷୟରେ ରାଜୀବ ଏକ ସାକ୍ଷାତକାରେ କହିଥିଲେ କି ଏହା ଟିକେ ଶୁଣିବାକୁ ଅଜବ ଲାଗୁଥାଇପାରେ କିନ୍ତୁ ଆମେ ଦୁହେଁ ପରସ୍ପରର ବହୁତ ଭଲ ବନ୍ଧୁ। ଆମେ ଅନେକ ବର୍ଷ ଧରି ପରସ୍ପରକୁ ଜାଣିଛୁ | ଯଦି ଆମ ମଧ୍ୟରେ ସେମିତି କିଛି ଥାନ୍ତା ତେବେ ସାରା ଦୁନିଆ ଜାଣିଥାନ୍ତା । ଉଭୟଙ୍କ ସଂପର୍କରେ ଥିବା ଖବର ମଧ୍ୟ ଆସିଥିଲା କିନ୍ତୁ ପରେ ଏହି ଖବର ଗୁଜବ ବୋଲି କୁହାଗଲା |

ସୂଚନା ଅନୁଯାୟୀ, ରାଜୀବ ଖିଚି ଜଣେ ଅଭିନେତା, ନିର୍ଦ୍ଦେଶକ ଏବଂ କୋରିଓଗ୍ରାଫର। ନ୍ୟୁୟର୍କର ମାଡିସନ୍ ସ୍କୋୟାରରେ ରାଜୀବ ନରେନ୍ଦ୍ର ମୋଦୀଙ୍କ କାର୍ଯ୍ୟକ୍ରମକୁ କୋରିଓଗ୍ରାଫ୍ କରିଥିଲେ। ଏହା ବ୍ୟତୀତ ତାଙ୍କର ଆଉ କେଉଁଥିରେ ସଫଳତା ନାହିଁ |

   Related Posts