Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

ପ୍ରେମିକକୁ ଭେଟିବାକୁ ଆସି ରେଳ ଷ୍ଟେସନ୍‌ରେ ବିଷ ପିଇଦେଲା ପ୍ରେମିକା, ଡାକ୍ତରଖାନାରେ ମୃତ୍ୟୁ

16/11/2022 at 8:54 AM

ଧନବାଦ, ୧୬/୧୧: ଅନ୍‌ଲାଇନ୍‌ ଗେମ୍‌ରୁ ପ୍ରେମ । ପରେ ପ୍ରେମିକକୁ ଭେଟିବାକୁ ଆସି ପ୍ରେମିକା କରିଛି ଆତ୍ମହତ୍ୟା । ଏପରି ଏକ ଘଟଣା ଦେଖିବାକୁ ମିଳିଛି ଝାଡ଼ଖଣ୍ଡର ଧନବାଦ ଅଞ୍ଚଳରେ । ଫ୍ରି ଫାୟାର ଅନ୍‌ଲାଇନ୍‌ ଗେମ୍‌ ଖେଳିବା ସମୟରେ ବିହାରର ବାଇପାସ୍‌ ଅଞ୍ଚଳର ଜଣେ ୨୦ ବର୍ଷୀୟ ଯୁବତୀ ଏବଂ ଧନବାଦ ପୁଟକୀ ଅଞ୍ଚଳର ଜଣେ ୧୯ ବର୍ଷୀୟ ଯୁବକଙ୍କ ମଧ୍ୟରେ ସଂପର୍କ ଆରମ୍ଭ ହୋଇଥିଲା । ଦିନକୁ ଦିନ ସଂପର୍କ ବଢ଼ିବାକୁ ଲାଗିଲା । ମଙ୍ଗଳବାର ପ୍ରେମିକା ଜଣକ ପ୍ରେମିକଙ୍କୁ ଦେଖାକରିବାକୁ ଧାନବାଦରେ ପହଞ୍ଚିଥିଲେ ।

ଧନବାଦ ରେଳ ଷ୍ଟେସନ୍‌ରେ ଦୁହିଁଙ୍କ ମଧ୍ୟରେ ଝଗଡ଼ା ହୋଇଥିଲା । ପ୍ରେମିକା ସହି ନପାରି ବିଷ ଖାଇ ଦେଇଥିଲା । ଏହି ଘଟଣା ପରେ ପ୍ରେମିକ ଚାହତ କୁମାର ସିଂହ ଯୁବତୀଙ୍କୁ ନେଇ ଏସ୍‌ଏନ୍‌ଏମ୍‌ଏମ୍‌ସିଏଚ୍‌ ହସ୍ପିଟାଲ୍‌ରେ ଭର୍ତ୍ତି କରିଥିଲା । କିନ୍ତୁ ଯୁବତୀଙ୍କ ଚିକିତ୍ସା ଚାଲିଥିବା ବେଳେ ମୃତ୍ୟୁ ହୋଇଯାଇଥିଲା । ତେବେ ଏହି ଘଟଣା ପରେ ଚାହତ ପୋଲିସ୍‌ ପାଖରେ ଆତ୍ମସମର୍ପଣ କରିଥିଲା । ପରେ ପୋଲିସ୍‌ ଏନେଇ ଯୁବତୀଙ୍କ ପରିବାରଙ୍କୁ ଖବର ଦେଇଥିଲା ।

କିଛି ମାସ ପୂର୍ବରୁ ଦୁହେିଙ୍କ ମଧ୍ୟରେ ଫ୍ରି ଫାୟାର୍‌ ଗେମ୍‌ରୁ ଜଣେ ଜଣଙ୍କ ସହ ପରିଚୟ ହୋଇଥିବା ପ୍ରେମିକ ଚାହତ ପୋଲିସ୍‌କୁ କହିଛି । ମୋବାଇଲ୍‌ ନମ୍ୱର ଦିଆ-ନିଆ ହେବା ସହ ଦୁହିଁଙ୍କ ମଧ୍ୟରେ କଥାବାର୍ତ୍ତା ମଧ୍ୟ ଆରମ୍ଭ ହୋଇଥିଲା । ଥରେ ଯୁବତୀ ଜଣଙ୍କ ତାଙ୍କୁ ଜଣେ ସଂପର୍କୀୟଙ୍କ ବାହାଘରକୁ ଡାକିଥିଲେ । ସେଠାରେ ଦୁହିଁଙ୍କ ମଧ୍ୟରେ ପ୍ରଥମେ ଦେଖା-ସାକ୍ଷାତ ହୋଇଥିଲା । ଏହାପରେ ଦୁହେଁ ପ୍ରେମରେ ପଡ଼ିଯାଇଥିଲେ ।

ହେଲେ ସେନାରେ ଯୋଗ ଦେବା ପାଇଁ ଚାହତ ପ୍ରସ୍ତୁତି ଚଳାଇଥିବାରୁ କିଛିଦିନ ହେବ ପ୍ରେମିକା ସହିତ କମ୍‌ କଥା ହେଉଥିଲେ । ଯେତେବେଳେ ସେନା ରାଲିରେ ଭାଗ ନେବା ପାଇଁ ପ୍ରେମିକ ରାଞ୍ଚି ଯାଇଥିଲା ପ୍ରେମିକା ମଧ୍ୟ ସେଠାରେ ପହଞ୍ଚି ଯାଇଥିଲା । କିନ୍ତୁ ପ୍ରେମିକ ଜଣକ ତାଙ୍କୁ ତାଙ୍କ ଘରେ ପହଞ୍ଚାଇ ନିଜ ଘରକୁ ଫେରିଥିବା କହିଛି ।           

   Related Posts