ଦିଲ୍ଲୀ ୨୨|୫: ଦିଲ୍ଲୀ ବିଶ୍ବବିଦ୍ୟାଳୟର ଏକ ନାମୀ ମହିଳା କଲେଜର ଜଣେ ଛାତ୍ରୀଙ୍କ ସହ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । କଲେଜର ଗେଟ୍ କିପର (ସିକ୍ୟୁରିଟି ଗାର୍ଡ) ଛାତ୍ରୀଙ୍କ ସହ ଦୁଷ୍କର୍ମ କରିଥିବା ଛାତ୍ରୀ ଜଣଙ୍କ ଅଭିଯୋଗ ଆଣିଛନ୍ତି । ପୋଲିସ ଅଭିଯୋଗ ଆଧାରରେ ଅଭିଯୁକ୍ତ ସିକ୍ୟୁରିଟି ଗାର୍ଡଙ୍କୁ ଗିରଫ କରି ଜେଲ୍ ପଠାଇଦେଇଛି ।

ସୂଚନାଯୋଗ୍ୟ ଯେ, ଆଇପି ଇଷ୍ଟେଟ ସ୍ଥିତ ଦିଲ୍ଲୀ ବିଶ୍ବବିଦ୍ୟାଳୟର ଏକ ନାମୀ ମହିଳା କଲେଜର ଜଣେ ଛାତ୍ରୀଙ୍କ ସହ ଦୁଷ୍କର୍ମ କରାଯାଇଛି । କଲେଜର ଗେଟ୍ କିପର (ସିକ୍ୟୁରିଟି ଗାର୍ଡ) ଥଣ୍ଡାପାନୀୟରେ ନିଶା ମିଶାଇ ଛାତ୍ରୀଙ୍କ ସହ ଦୁଷ୍କର୍ମ କରିଥିବା ଛାତ୍ରୀ ଜଣଙ୍କ ଅଭିଯୋଗ ଆଣିଛନ୍ତି । ପୀଡିତା ଛାତ୍ରୀଙ୍କ ହୋସ୍ ଆସିବା ପରେ ସେ ତାଙ୍କ ସାଙ୍ଗମାନଙ୍କୁ ଘଟଣା ସଂପର୍କରେ କହିଥିଲେ । ଏହା ପରେ ସାଙ୍ଗମାନଙ୍କ ସହ ସେ ନିକଟରେ ଥିବା ଏକ ଗୁରୁଦ୍ବାରକୁ ପଳାଇଯାଇଥିଲେ ।

ଘଟଣା ନେଇ ପୋଲିସ ଷ୍ଟେସନ ଯାଇ ଛାତ୍ରୀଜଣଙ୍କ ସିକ୍ୟୁରିଟି ଗାର୍ଡଙ୍କ ବିରୋଧରେ ମାମଲା ଦାୟର କରିଥିଲେ । ମାମଲା ଦାୟର କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ସିକ୍ୟୁରିଟି ଗାର୍ଡଙ୍କୁ ଗିରଫ କରି ଜେଲ୍ ପଠାଇଦେଇଛି । ଅଭିଯୁକ୍ତ ସିକ୍ୟୁରିଟି ଗାର୍ଡ କଲେଜରେ ଅସ୍ଥାୟୀ କର୍ମଚାରୀ  ଭାବେ କାମ କରୁଥିଲେ । ଦୁଷ୍କର୍ମ ଘଟଣା ୨୦୧୮ ମସିହା ଅଗଷ୍ଟ ମାସରେ ଘଟିଥିଲା । ମାତ୍ର୧୦ ଦିନ ପୂର୍ବରୁ ପୀଡିତା ଜଣଙ୍କ ଘଟଣାର ଖୁଲାସା କରିଛନ୍ତି । ଦୁଷ୍କର୍ମ ଘଟଣା ପରେ ପୀଡିତା ଜଣଙ୍କ ଡିପ୍ରେସନର ଶୀକାର ହୋଇଥିବା ଜଣାପଡିଛି ।