ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାନ୍ଦବାଲି: କଇଥଖୋଲା ବଜାରରେ ଭୟାବହ ଅଗ୍ନିକାଣ୍ଡ, ଜଳିଗଲା ୧୦ରୁ ଅଧିକ ଦୋକାନ
  • ||
  • ବ୍ରହ୍ମପୁରରେ ପୁଣି ରାଗିଂ ଅଭିଯୋଗ, ଘରୋଇ ସ୍କୁଲରେ ଜୁନିୟରଙ୍କୁ ପିଟିଲେ ସିନିୟର
  • ||
  • ଭୁବନେଶ୍ୱର: ଗୁମର ଖୋଲିଛି ଶ୍ରଦ୍ଧାଞ୍ଜଳୀ, ଇଡି ହାତରେ ଲାଗିଛି ବିସ୍ଫୋରକ ତଥ୍ୟ
  • ||
  • ଚାନ୍ଦବାଲି: କଇଥଖୋଲା ବଜାରରେ ଭୟାବହ ଅଗ୍ନିକାଣ୍ଡ, ଜଳିଗଲା ୧୦ରୁ ଅଧିକ ଦୋକାନ
  • ||

ମହଙ୍ଗା ପଡିଲା ଅନ୍ୟ ଜାତିରେ ବିବାହ, ଭଉଣୀକୁ ହତ୍ୟା କଲେ ଭାଇ

12/12/2020 at 6:44 PM

ଲକ୍ଷ୍ନୌ ୧୨/୧୨ : ଅନ୍ୟ ଜାତିରେ ପ୍ରେମ କରିବା ଜଣେ ଯୁବତୀଙ୍କ ପାଇଁ ମହଙ୍ଗା ପଡିଛି । ପ୍ରେମ କରି ଅନ୍ୟ ଜାତିର ପୁଅକୁ ବିବାହ କରିବାରୁ ସହି ପାରିଲେନି ପରିବାର ଲୋକ ।  ପ୍ରତିଶୋଧ ପରାୟଣ ହୋଇ ନିଜ ଭଉଣୀକୁ ହତ୍ୟା କରି ପୋଡି ଦେଲେ ନିଜ ଭାଇ । ଏଭଳି ଘଟଣା ଘଟିଛି ଉତ୍ତର ପ୍ରଦେଶର ମୈନପୂରୀ ଜିଲ୍ଲାରେ ।

ସୂଚନା ଅନୁସାରେ, ଯୁବତୀଜଣକ ଅନ୍ୟ ଜାତିର ଜଣେ ଯୁବକଙ୍କୁ ପ୍ରେମ କରୁଥିଲେ । ତେବେ ଏହହାକୁ ପରିବାର ଲୋକେ ଗ୍ରହଣ କରୁନଥିଲେ । ବାଧ୍ୟ ହୋଇ ଯୁବତୀଜଣକ ପ୍ରେମିକଙ୍କ ସହିତ ଦିଲ୍ଲୀ ଫେରାର ହୋଇଯାଇଥିଲେ । ପରିବାର ଲୋକଙ୍କୁ କିଛି ନକହି ଦୁହେଁ ମନ୍ଦିରରେ ବିବାହ କରିନେଇଥିଲେ । କିନ୍ତୁ ଯୁବତୀଙ୍କ ଭାଇମାନେ ଏହାକୁ ଆଦୌ ହଜମ କରିପାରିନଥିଲେ । ତାଙ୍କର କୁତ୍ସିତ ମାନସିକତା ଆଗରେ ହାର ମାନିଥିଲା ଭାଇ-ଭଉଣୀ ସମ୍ପର୍କ ।

ତେବେ ଚକ୍ରାନ୍ତ କରି ଭାଇମାନେ ଉକ୍ତ ଯୁବତୀ ଏବଂ ତାଙ୍କ ପ୍ରେମିକଙ୍କୁ ଘରକୁ ଡକାଇଥିଲେ । ପରିବାର ଲୋକେ ସ୍ବୀକାର କରିନେବେ ଭାବି ସେମାନେ ଦିଲ୍ଲୀରୁ ଉତ୍ତର ପ୍ରଦେଶର ମୈନପୁରରେ ପହଞ୍ଚିଥିଲେ । ସୁଯୋଗ ଦେଖି ନିଜ ଭଉଣୀକୁ ହତ୍ୟା କରିବା ପରେ ଶବକୁ ଗାଏବ କରି ଜାଳି ଦେଇଥିଲେ । ପ୍ରେମିକଙ୍କ ଅଭିଯୋଗ ଆଧାରରେ ପୋଲିସ ମାମଲା ରୁଜୁ କରିବା ସହିତ ଯୁବତୀଙ୍କ ଜଣେ ଭାଇକୁ ତାଙ୍କ ଘରୁ କାବୁ କରିବାରେ ସକ୍ଷମ ହୋଇଛି ।  ଅଭିଯୋଗ ଆଧାରରେ ପୋଲିସ ମାମଲାକୁ ଗମ୍ଭୀରତାର ସହ ନେବା ସହିତ ଅନ୍ୟ ଅଭିଯୁକ୍ତଙ୍କୁ ଧରିବା ପାଇଁ ଛାନଭିନ ଜାରି ରଖିଛି ।

   Related Posts