ସୁବର୍ଣ୍ଣପୁର ୧୪।୨: ସୁବର୍ଣ୍ଣପୁର ଜିଲ୍ଲା ବିନିକା ଥାନା ଚରଦାଗ୍ରାମରେ ଘଟିଛି ଅଘଟଣ । ଗାଧୋଇଯାଇଥିବା ବେଳେ ପାଣିରେ ବୁଡି ଯୁବତୀଙ୍କ ମୃତ୍ୟୁ ହୋଇଛି । ମୃତ ଯୁବତୀ ହେଲେ ଚରଦା ଗ୍ରାମର ପ୍ରିୟଙ୍କା ଥନାପତି । ପ୍ରିୟଙ୍କା ଗାଁରେ ଥିବା ପୋଖରୀକୁ ଗାଧୋଇବାକୁ ଯାଇଥିଲେ । ସେଠାରେ ସେ ବୁଡିଯାଇଥିବାର ଦେଖି ସ୍ଥାନୀୟ ଲୋକମାନେ ବିନିକା ଅଗ୍ନିଶମ ବିଭାଗକୁ ଖବର ଦେଇଥିଲେ । ବିନିକା ଅଗ୍ନିଶମ ବିଭାଗର କର୍ମଚାରୀମାନେ ପ୍ରିୟଙ୍କାଙ୍କୁ ଖୋଜାଖୋଜି କରି ପାଇବା ପରେ ବିନିକା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଚିକିତ୍ସାପାଇଁ  ନେଇଥିଲେ । କିନ୍ତୁ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ ।