ନୂଆଦିଲ୍ଲୀ ୨୬।୦୯: ଏବେ ଇନଷ୍ଟାଗ୍ରାମ୍‌ କ୍ରେଜ୍‌ । ଯାହାକୁ ଦେଖିବ ସେ କରୁଛି ରିଲ୍ସ । କିନ୍ତୁ ବେଳେବେଳେ ରିଲ୍ସ କରିବା ହେଉଛି ଘାତକ । ୟୁଜର୍ସଙ୍କୁ ଏପରି ରିଲ୍ସ ନିଶା ଘାରୁଛି,  ସେମାନେ ନିଜ ଜୀବନକୁ ବିପଦରେ ପକାଇବାକୁ ଡରନ୍ତିନି ।  ଯାହାକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଆନ୍ତି । ସୋଶିଆଲ୍‌ ମିଡିଆରେ ଏବେ ଏପରି ଏକ ଭିଡିଓ ଭାଇରାଲ୍‌ ହେଉଛି । ଯାହା ଲୋକଙ୍କୁ ଚକିତ ହୋଇଯାଇଛନ୍ତି । ବାସ୍ତବରେ ଭିଡିଓରେ ଯୁବତୀ ଜଣକ ବଡ ବଡ ବିଲ୍ଡିଙ୍ଗ୍‌ରେ ଚଢି କରୁଛନ୍ତି ରିଲ୍ସ । ଖାଲି ଚଢୁନାହାନ୍ତି ତ ପୋଜ୍‌ ଦେଇ କରୁଛନ୍ତି ରିଲ୍ସ । ପୁଣି ସେ ଉଞ୍ଚା ବିଲ୍ଡିଙ୍ଗ୍‌ର ଏକ କଣରେ ବସି ନିଜର  ଭିଡିଓ ସୁଟିଂ କରୁଛନ୍ତି ।

ଆଉ ଏହି ବିଲ୍ଡିଙ୍ଗ୍ରୁ ତଳକୁ ଚାହିଁଲେ କାହାର ବି ପାଦ ତଳୁ ମାଟି ଖସିଯିବ ।  କୁହାଯାଉଛି କି ଏହି ବିଲ୍ଡିଙ୍ଗ୍ ଦୁନିଆର ଦ୍ବିତୀୟ ସବୁଠାରୁ ଉଚ୍ଚ ବିଲ୍ଡିଙ୍ଗ୍ । ଆଉ ଯେଉଁଠି ଯୁବତୀ ଜଣକ ଠିଆ ହୋଇ ରିଲ୍ସ କରୁଛନ୍ତି । କେବଳ ଏତିକି ନୁହେଁ ଯୁବତୀ ଜଣକ ଏହାବ୍ୟତୀତ ଅନେକ ଉଚ୍ଚ ବିଲ୍ଡିଙ୍ଗ୍‌ ଉପରେ ଚଢି ଏପରି ଭିଡିଓ କରୁଛନ୍ତି ।  ତେବେ ଏହି ଦୃଶ୍ୟ ଯେ କେହି ବି ଦେଖିବେ ନିଶ୍ଚୟ ଭୟଭୀତ ହୋଇଯିବେ । କିନ୍ତୁ ଯୁବତୀ ଜଣଙ୍କୁ ଦେଖିଲେ ଲାଗୁଛି ତାଙ୍କୁ ଟିକେ ବି ମାତ୍ର ଡର ନାହିଁ ।  

View this post on Instagram

A post shared by Viral Videolar (@worldwidefavs)

ଏହି ଭିଡିଓଟି ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ worldwidefavs ନାମକ ଆଇଡିରୁ ସେୟାର କରାଯାଇଛି । ଯାହା ଖବର ଲେଖା ହେବା ଯାଏଁ  ୨ ଲକ୍ଷ ୮୮ ହଜାରରୁ ଅଧିକ ଥର ଦେଖାଯାଇଥିବାବେଳେ ୧୮ ହଜାରରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି ।ଭିଡିଓ ଦେଖିବା ପରେ ଅନେକ ୟୁଜର୍ସ ବିଭିନ୍ନ କମେଣ୍ଟ ଦେଇଛନ୍ତି । ଜଣେ କହିଛନ୍ତି କି  ଭିଡିଓ ଦେଖିବାମାନେ ମୋ ଦେହରେ ଏକ ଅଜବ  ଅନୁଭବ ହେଉଛି । ଆଉ ଜଣେ ୟୁଜର୍ସ ରାଗିକି କହିଛନ୍ତି କି ଘରକୁ ଯାଅ, ଜୀବନ ନଷ୍ଟ କରନ୍ତୁ ନାହିଁ । ତେବେ ଅନେକ ୟୁଜର୍ସ ଯୁବତୀଙ୍କ ଏହି ଷ୍ଟଣ୍ଟକୁ ଫେକ୍ ବୋଲି କହୁଛନ୍ତି ।

You Can Read: