ନୂଆଦିଲ୍ଲୀ: ୧୦୦ ବର୍ଷ ପରେ ଦେଖିବାକୁ ମିଳିଲା ବିଶାଳକାୟ ତିମି। ଆର୍ଜେଣ୍ଟିନା ପାଟାଗୋନିଆନ ଉପକୂଳରେ ଏହା ଦେଖିବାକୁ ମିଳିଛି।  ବିଶାଳ ନୀଳ-ଧୂସର ତିମି ୮ ଦଶନ୍ଧି ପରେ ପ୍ରତ୍ୟାବର୍ତ୍ତନ କରିଛନ୍ତି। ଏକ ଶତାବ୍ଦୀରୁ ଅଧିକ ସମୟ ଧରି ନିରନ୍ତର ଶିକାର ହେବାପରେ ସେମାନଙ୍କୁ ଏହି ଅଞ୍ଚଳର ବିଲୁପ୍ତ ହେବାକୁ ଯାଉଥିଲା। 1920 ଏବଂ 1930 ଦଶକରେ ଆର୍ଜେଣ୍ଟିନା କୂଳରେ ଜାହାଜର ଯାତାୟାତ ଯୋଗୁଁ ଏଠାରେ ବଂଶ ଲୋପ ପାଇଯାଇଥିଲା।

ଅବଶ୍ୟ ସାମ୍ପ୍ରତିକ ଦଶନ୍ଧିରେ କାର୍ଯ୍ୟକାରୀ ହୋଇଥିବା ତିମି ବ୍ୟବସାୟ ଉପରେ ବିଶ୍ୱସ୍ତରୀୟ ନିଷେଧାଦେଶ ପରେ ସେମାନଙ୍କର ପୁନରୁଦ୍ଧାର ପାଇଁ ବାଟ ଫିଟିଛି।

ଆର୍ଜେଣ୍ଟିନାର CONICET ଏଜେନ୍ସିର ଜୀବବିଜ୍ଞାନୀ ତଥା ସାମୁଦ୍ରିକ ଇକୋସିଷ୍ଟମ ଗବେଷକ ମାରିଆନୋ କୋସକେରେଲା ସ୍ପଷ୍ଟ କରିଛନ୍ତି ଯେ, ସମୁଦ୍ର ଉପକୂଳରେ ଶିକାର କରାଯାଉଥିବାରୁ ସେମାନେ ଅଦୃଶ୍ୟ ହୋଇଥିଲେ କିନ୍ତୁ ବିଲୁପ୍ତ ହୋଇନଥିଲେ। ତଥାପି ଏତେ ମାତ୍ରାରେ ହ୍ରାସ ହୋଇଥିଲା ଯେ କେହି ସେମାନଙ୍କୁ ଦେଖି ନଥିଲେ। କୁହାଯାଉଛି ସେମାନଙ୍କ ପୁନଃରୁଦ୍ଧାର ପାଇଁ ୮୦ ବର୍ଷରୁ ଅଧିକ ସମୟ ଲାଗିଛି।"

ଦେଖାଦେଇଥିବା ତିମି ବୃହତ ଆକାରର ଏବଂ ସ୍ୱତନ୍ତ୍ର ନୀଳ-ଧୂସର ରଙ୍ଗ ପାଇଁ ଜଣାଶୁଣା। ପ୍ରତି ଦୁଇରୁ ତିନି ବର୍ଷରେ ଏମାନେ ପ୍ରଜନନ କରନ୍ତି, ଯାହା ଗତ ଶତାବ୍ଦୀରେ ସେମାନଙ୍କ ସଂଖ୍ୟା ସ୍ଥିର ରହିଛି।

ପାଟାଗୋନିଆ ଉପକୂଳରେ ସେମାନଙ୍କର ଦୃଶ୍ୟମାନ ହେବାପରେ  ସଂରକ୍ଷଣକୁ ନେଇ ପ୍ରସଙ୍ଗ ପାଲଟିଛି। ଗତ ମାସରେ, ନ୍ୟାସନାଲ୍ ଜିଓଗ୍ରାଫିକ୍ ପ୍ରିଷ୍ଟାଇନ୍ ସାଗର ପ୍ରକଳ୍ପର କୋସାରେଲାଙ୍କ ଟିମ୍ ସାଟେଲାଇଟ୍ ଟ୍ରାକର୍ ସହିତ କିଛି ତିମିର ଗତିବିଧି ଯାଞ୍ଚ କରିଥିଲେ।

ସେମାନେ ଜାହାଜ, ଡ୍ରୋନ୍ ସହାୟତାରେ ଗଭୀର ଜଳରାଶିରୁ ତିମିମାନଙ୍କ ଫୁଟେଜ୍ କ୍ୟାପଚର କରିଥିଲେ।  ଏହାକୁ ବିଶ୍ୱସ୍ତରରେ ସଂରକ୍ଷଣର ନିହାତି ଆବଶ୍ୟକ ଓ ବିରଳ ପ୍ରଜାତିର ପୁନରୁଦ୍ଧାର ପାଇଁ ଫୋକସ୍ ଦେବା ଜରୁରୀ କହିଛନ୍ତି।