ସମ୍ୱଲପୁର ୨୪/୦୭: ସମ୍ବଲପୁରୀ ବସ୍ତ୍ର ସାରା ବିଶ୍ବକୁ ବ୍ୟାପି ସାରିଛି । ଏହାର ଆକର୍ଷଣୀୟ ଡିଜାଇନ ହିଁ ଏହାକୁ ଲୋକପ୍ରିୟ କରିପାରିଛି । ତେବେ, ଏହାକୁ ଜିଆଇ ଟ୍ୟାଗ୍ ଦେବାକୁ କେନ୍ଦ୍ର ସରକାରଙ୍କ ପକ୍ଷରୁ ଉଦ୍ୟମ ନିଆଯାଉଛି ବୋଲି କେନ୍ଦ୍ର ବୟନଶିଳ୍ପ କମିଶନର ରୂପ୍ ରାଶି ସୂଚନା ଦେଇଛନ୍ତି ।

ଆଇଆଇଏମ୍ ସମ୍ବଲପୁର ପକ୍ଷରୁ ଅନୁଷ୍ଠିତ କ୍ଷୁଦ୍ର ବ୍ୟବସାୟ ପରିଚାଳନା ତାଲିମ ଶିବିରର ଉଦଯାପନୀ ଉତ୍ସବରେ ଯୋଗଦେଇ ରୂପା ଏଭଳି ସୂଚନା ଦେଇଛନ୍ତି । ଆଇଆଇଏମ ସମ୍ବଲପୁର ପକ୍ଷରୁ ଚାଲିଥିବା କ୍ଷୁଦ୍ର ବ୍ୟବସାୟ ତାଲିମ ଶିବିର ଗତକାଲି ଉଦଯାପିତ ହୋଇଯାଇଛି । ନିର୍ଦ୍ଦେଶକ ପ୍ରଫେସର ମହାଦେଓ ପ୍ରସାଦ ଜୟୱାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେଇ ରୂପ୍ ସମ୍ବଲପୁରୀ ବସ୍ତ୍ରର ଲୋକପ୍ରିୟତା ଉପରେ ଆଲୋକପାତ କରିଥିଲେ ।

ଏହାକୁ ଜିଆଇ ଟ୍ୟାଗ୍ ଦେବାକୁ କେନ୍ଦ୍ର ସରକାରଙ୍କ ପକ୍ଷରୁ ଉଦ୍ୟମ ଆରମ୍ଭ ହୋଇସାରିଛି । ଜିଆଇ ଟ୍ୟାଗ୍ ଦ୍ବାରା ବୁଣାକାରଙ୍କ ଠାରୁ ଆରମ୍ଭ କରି ବ୍ୟବସାୟୀଙ୍କ ପର୍ଯ୍ୟନ୍ତ ଲାଭାନ୍ୱିତ ହୋଇପାରିବେ ବୋଲି ସେ ପ୍ରକାଶ କରିଥିଲେ।

you can also read…