ଘଟଗାଁରେ ପିଲାଚୋର ଗୁଜବ ଥମିବାର ନାଁ ନେଉନି । ଗତକାଲି ବିଳମ୍ବିତ ରାତିରେ ସ୍ଥାନୀୟ ଗୋପୀନାଥପୁର ଗାଁ ଲୋକେ ଜଣେ ସନ୍ଦିଗ୍ଧକୁ ଧରି ପୋଲିସ ଜିମା ଦେଇଛନ୍ତି । ଏହି ସନ୍ଦିଗ୍ଧଙ୍କୁ ମିଶାଇ ଗତ ୪ ଦିନରେ ଘଟଗାଁର ଆଖପାଖ ଅଞ୍ଚଳରେ ୮ ଜଣଙ୍କୁ ଧରି ପୋଲିସ ଜିମା ଦେଇଛନ୍ତି ଲୋକେ । ଗତ ବୁଧବାର ଦିନ ଘଟଗାଁ ଦେହୁରୀପଡାରେ ଦୁଇ ଜଣ ଅଣ ଓଡିଆ ବ୍ୟକ୍ତିଙ୍କୁ ପିଲାଚୋର ସନ୍ଦେହରେ ନିର୍ଦ୍ଧୁମ୍ ଛେଚିଥିଲେ ଗାଁ ଲୋକେ । ତାପରେ ସେ ଦୁହିଁଙ୍କୁ ପୋଲିସ୍ କୁ ହସ୍ତା’ର କରିଥିଲେ। ଗତକାଲି ବିଳମ୍ବିତ ରାତିରେ ଘଟଗଁ ଗୋପିନାଥପୁରରେ ଜଣେ ସନ୍ଦିଗ୍ଧକୁ ଧରିଥିଲେ ଗାଁ ଲୋକେ । ସେହି ବ୍ୟକ୍ତି ଠାରୁ ବ୍ଲେଡ୍ ଓ ସିରିଞ୍ଜ ପାଇ ଥିଲେ ଗ୍ରାମବାସୀ । ତାର ହାବଭାବ ନେଇ ସନ୍ଦେହ ହେବାରୁ ତାକୁ ବାନ୍ଧି ଦେଇ ପୋଲିସ୍ କୁ ଖବର ଦେଇଥିଲେ । ତେବେ ସେହି ବ୍ୟକ୍ତି ଜଣକ ମାନସୀକ ବିକାରଗ୍ରସ୍ତ ବୋଲି ପୋଲିସ କହିଛି । ଏହାସହ ଲୋକେ ଧରିଥିବା ଅନ୍ୟ ସନ୍ଦିଗ୍ଧ ମାନେ ଅଣ ଓଡ଼ିଆ ହୋଇଥିବା ବେଳେ, ସେମାନଙ୍କୁ ପଚରା ଉଚରା କରି ଛାଡି ଦେଇଛି ପୋଲିସ ।