ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

ଗୀତା ମେହେଟ୍ଟାଙ୍କ ସ୍ବାମୀ ସୋନି ମେହେଟ୍ଟାଙ୍କ ପରଲୋକ, ଟ୍ବିଟ୍ କରି ଦୁଃଖ ପ୍ରକାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

31/12/2019 at 11:33 AM

ଭୁବନେଶ୍ବର ୩୧।୧୨: ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଜ୍ବାଇଁ ତଥା ପ୍ରସିଦ୍ଧ ଲେଖିକା ଗୀତା ମେହେଟ୍ଟାଙ୍କ ସ୍ବାମୀ ସୋନି ମେହେଟ୍ଟାଙ୍କର ପରଲୋକ । ମୃତ୍ୟୁ ବେଳକୁ ତାଙ୍କୁ ୭୬ ବର୍ଷ ବୟସ ହୋଇଥିଲା । ମଙ୍ଗଳବାର ଦିନ ଏ ନେଇ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ସୋନିଙ୍କ ଦେହାନ୍ତରେ ଟ୍ବିଟ୍ କରି ଗଭୀର ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ ଲେଖିଛନ୍ତି, ‘ ମୁଁ ମୋର ଭିଣୋଇ ସୋନି ମେହେଟ୍ଟା (ମୋ ଭଉଣୀ ଗୀତା ମେହେଟ୍ଟାଙ୍କ ସ୍ବାମୀ) ଙ୍କ ପରଲୋକରେ ଗଭୀର ମର୍ମାହତ । ସୋନି ମେହେଟ୍ଟା ବିଶ୍ବର ଅନ୍ୟତମ ଶ୍ରେଷ୍ଠ ସମ୍ପାଦକ ଏବଂ ଅତି ସଭ୍ୟ ଶିକ୍ଷିତ ମଣିଷଙ୍କ ମଧ୍ୟରେ ଜଣେ । ମୁଁ ତାଙ୍କ ଆତ୍ମାର ସଦଗତି କାମନା କରୁଛି ।’

ସୋନି ମେହେଟ୍ଟା ଅନ୍ତର୍ଜାତୀୟ ଖ୍ୟାତିସଂପନ୍ନ ପ୍ରକାଶକ ଓ ସଂପାଦକ ଥିଲେ । ସେ ପ୍ରକାଶନ ସଂସ୍ଥା ଆଲଫ୍ରେଡ୍ ଏ ନଫ୍ ଡବଲ୍ ଡେ ପବ୍ଲିକେସନର ଅଧ୍ୟକ୍ଷ ତଥା ମୁଖ୍ୟସଂପାଦକ ମଧ୍ୟ ଥିଲେ ।

୧୯୪୨ ମସିହାରେ ଜନ୍ମ ଗ୍ରହଣ କରିଥିବା ସୋନି ମେହେଟ୍ଟା ସ୍ବାଧୀନ ଭାରତର ପ୍ରଥମ କୂଟନୀତିଜ୍ଞ ସ୍ବର୍ଗତ ଅମ୍ରିକ୍ ସିଂହ ମେହେଟ୍ଟାଙ୍କ ପୁଅ । ସେ ଭାରତର ସନଓ୍ବା ସ୍କୁଲ ଏବଂ ବ୍ରିନେଟ୍ ର ସେଭେନଓ୍ବକ୍ସ ସ୍କୁଲରେ ଶିକ୍ଷାଗ୍ରହଣ କରିଥିଲେ । କେମ୍ବ୍ରିଜ୍ ବିଶ୍ବବିଦ୍ୟାଳୟରୁ ବୃତ୍ତି ପାଇ ପାଠ ପଢିଥିଲେ । ଇଂଗ୍ରାଜୀ ସାହିତ୍ୟ ଓ ଇତିହାସରେ ଡିଗ୍ରୀ କରିଥିବା ସୋନି ମେହଟ୍ଟା ଗ୍ରାଣ୍ଟା ପତ୍ରିକାର ସଂପାଦନା କରିଥିଲେ ।

   Related Posts