scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପଦ୍ମଶ୍ରୀ ପୁରସ୍କାର ପ୍ରତ୍ୟାଖ୍ୟାନ କଲେ ବିଜୁବାବୁଙ୍କ କନ୍ୟା ଗୀତା ମେହେଟ୍ଟା

26/01/2019 at 9:00 AM

ଭୁବନେଶ୍ବର ୨୬|୧: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉଉଣୀ ତଥା ପ୍ରସିଦ୍ଧ ଲେଖିକା ଗୀତା ମେହେଟ୍ଟା ପଦ୍ମଶ୍ରୀ ପୁରସ୍କାରକୁ ପ୍ରତ୍ୟାଖ୍ୟାନ କରିଛନ୍ତି । ଗତକାଲି ସାଧାରଣତନ୍ତ୍ର ଦିବସ ଅବ୍ୟବହିତ ପୂର୍ବରୁ କେନ୍ଦ୍ର ସରକାର ତାଙ୍କୁ ପଦ୍ମଶ୍ରୀ ପୁରସ୍କାର ଦେବା ପାଇଁ ଘୋଷଣା କରିଥିଲେ । ବିଦେଶରେ ରହୁଥିବା ଗୀତା ନ୍ୟୁୟର୍କରୁ ଏକ ପ୍ରେସ ବିଜ୍ଞପ୍ତିରେ କହିଛନ୍ତି ଯେ, କେନ୍ଦ୍ର ସରକାର ପଦ୍ମଶ୍ରୀ ପାଇଁ ତାଙ୍କୁ ଯୋଗ୍ୟ ଭାବିଥିବାରୁ ସେ ଅତ୍ୟନ୍ତ ଖୁସୀ । ତେବେ ଯେଉଁ ସମୟରେ ଏହି ପୁରସ୍କାର ଘୋଷଣା କରାଯାଇଛି ସେ ସମୟରେ ସେ ଏହି ପୁରସ୍କାରକୁ ଗ୍ରହଣ କରିବା ଉଚିତ ଭାବୁ ନାହାଁନ୍ତି । ଆଗକୁ ସାଧାରଣ ନିର୍ବାଚନ ଥିବାରୁ ସେ ଏହି ପୁରସ୍କାର ଗ୍ରହଣ କରିବା ଦ୍ବାରା ରାଜନୈତିକ କ୍ଷେତ୍ରରେ ଏକ ଭୁଲ ବାର୍ତ୍ତା ଯାଇପାରେ ବୋଲି ପ୍ରେସ ଇସ୍ତାହାରରେ ଦର୍ଶାଇଛନ୍ତି ।

ସୂଚନାଯୋଗ୍ୟ ଯେ, କେନ୍ଦ୍ର ଗୃହମନ୍ତ୍ରଣାଳୟ ପକ୍ଷରୁ ପଦ୍ମ ପୁରସ୍କାର ପାଇଁ ପ୍ରକାଶିତ ବିଜ୍ଞପ୍ତିରେ ଗୀତାଙ୍କୁ ଜଣେ ବିଦେଶୀ ବାରତୀୟ ବୋଲି ଦର୍ଶା ଯାଇଛି । ତେବେ ଜଣାପଡିଛି ଯେ, ଏବେ ବି ଭାରତୀୟ ନାଗରିକତ୍ବ ରହିଛି ଏବଂ ଭାରତୀୟ ପାସପୋର୍ଟରେ ହିଁ ସେ ବିଦେଶରେ ଅବସ୍ଥାନ କରୁଛନ୍ତି ।

ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବଡ ଭଉଣୀ ଗୀତା ମେହେଟ୍ଟା ଜଣେ ଉଚ୍ଚକୋଟୀର ଲେଖିକା ଓ ବୃତ୍ତଚିତ୍ର ନିର୍ମାତା । ତାଙ୍କ ସାହିତ୍ୟ କୃତୀଗୁଡିକ ମଧ୍ୟରେ ରହିଛି କର୍ମକୋଲା(୧୯୭୯), ରାଜ୍‌(୧୯୮୯), ଏ ରିଭର ସୂତ୍ର(୧୯୯୩), ସ୍ନେକ୍ସ ଆଣ୍ଡ ଲେଡର୍ସ : ଏ ଗ୍ଲିମ୍ପ୍ସ ଅଫ ମର୍ଡନ ଇଣ୍ଡିଆ(୧୯୯୭), ଇଟର୍ଣ୍ଣାଲ ଗଣେଶ: ଫ୍ରମ ବାର୍ଥ ଟୁ ରିବର୍ଥ (୨୦୦୬) ଇତ୍ୟାଦି । ସେହିଭଳି ସେ ୧୪ଟି ବୃତ୍ତଚିତ୍ର ପ୍ରଯୋଜନା କରିଛନ୍ତି ଓ ନିର୍ଦ୍ଦେଶନା ଦେଇଛନ୍ତି ।

୭୬ ବର୍ଷ ବୟସ୍କା ଗୀତା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ କନ୍ୟା ।

   Related Posts