କୋଲକାତା ୦୫/୦୭: ବିବାହ ବନ୍ଧନରେ ବାନ୍ଧିହେଲେ ସମଲିଙ୍ଗୀ ଦମ୍ପତି । ଆଉ ଏହି ବିବାହ ବି ଖୁବ ଧୂମଧାମରେ ଅନୁଷ୍ଠିତ ହୋଇଛି । ବିବାହରେ ସାମିଲ ହୋଇଥିଲେ ଘନିଷ୍ଠ ବନ୍ଧୁ ଏବଂ ପରିବାର ସଦସ୍ୟ । ବିବାହ କରିଥିବା ଏହି ସମଲିଙ୍ଗୀ ପୁରୁଷ ଦମ୍ପତ୍ତି ହେଉଛନ୍ତି ଅଭିଷେକ ରାୟ ଏବଂ ଚୈତନ୍ୟ ଶର୍ମା । ତାଙ୍କର ଏହି ବହୁ ଚର୍ଚ୍ଚିତ ବିବାହର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
କେବଳ ବିବାହ ନୁହେଁ ହଲଦୀ ଓ ମେହେନ୍ଦୀର ଚିତ୍ର ଭାଇରାଲ ହେବାରେ ଲାଗିଛି । ଅଭିଷେକ ରୟ ହେଉଛନ୍ତି କୋଲକାତାର ଜଣେ ଡିଜାଇନର୍ । ସେ ତାଙ୍କର ପୁରୁଷ ବନ୍ଧୁ ଚୈତନ୍ୟ ଶର୍ମାଙ୍କୁ ସମ୍ପୂର୍ଣ୍ଣ ବୈଦିକ ରୀତିନୀତିରେ ବିବାହ କରିଛନ୍ତି । କୋଲକାତାର ଏକ ପାଞ୍ଚ ତାରକା ହୋଟେଲରେ ଏହି ବିବାହ ଅନୁଷ୍ଠିତ ହୋଇଥିଲା ।
ଏହି ବିବାହରେ ସଂଗୀତ ସମାରୋହଠାରୁ ଆରମ୍ଭ କରି ବିବାହ ଏବଂ ହଲଦୀ ଏବଂ ମେହେନ୍ଦୀ ପର୍ଯ୍ୟନ୍ତ ସମସ୍ତ ରୀତିନୀତି ସମ୍ପନ୍ନ ହୋଇଥିଲା । ଦୁଇ ପରିବାର ଏକାଠି ଥିଲେ ଏବଂ ସେମାନେ ଖୁସିରେ ଏହି ଦମ୍ପତ୍ତିଙ୍କୁ ଆଶୀର୍ବାଦ ଦେଇଥିଲେ । ସମଲିଙ୍ଗୀ ଦମ୍ପତ୍ତିଙ୍କ ହଲଦୀ ଏବଂ ବିବାହ ସମାରୋହର ଫଟୋ ଓ ଭିଡିଓ ଇନଷ୍ଟାରେ ଭାଇରାଲ ହେବାରେ ଲାଗିଛି ।
wp:html/wp:html
ଅଭିଷେକ ପାରମ୍ପରିକ ବଙ୍ଗୀୟ ବର ଭାବରେ ଧୋତି ଏବଂ କୁର୍ତ୍ତା ପିନ୍ଧିଥିବାବେଳେ ଚୈତନ୍ୟ ଏକ ଶେରୱାନି ପିନ୍ଧିଥିଲେ । ଚୈତନ୍ୟ ତାଙ୍କ ଇନଷ୍ଟାଗ୍ରାମ କାହାଣୀରେ ଅନେକ ବିବାହ ଚିତ୍ର ମଧ୍ୟ ସେୟାର କରିଛନ୍ତି । ସୋସିଆଲ ମିଡିଆରେ ଲୋକମାନେ ଏହି ଦମ୍ପତ୍ତିଙ୍କୁ ଅଭିନନ୍ଦନ ଜଣାଇଛନ୍ତି ।
ଉଭୟଙ୍କ ଖୁସିରେ ଥିବା ଚିତ୍ରରେ ସ୍ପଷ୍ଟ ଦେଖାଯାଉଛି । ସୂଚନା ଥାଉକି, ଭାରତର ପ୍ରଥମ ସମଲିଙ୍ଗୀ ବିବାହ ୨୦୧୭ରେ ହୋଇଥିଲା । ଆଇଆଇଟି ଋଷି ଭିଏତନାମର ବିନ୍ହଙ୍କୁ ବିବାହ କରି ଇତିହାସ କରିଥିଲେ ।
